Mateo 9:18 - Emberá Chamí

¹⁸ Jesusba maka jaradeamaa b̶uud̶e judiorã chi karr mechiu neesii. Mau ẽbẽra Jesús daad̶e õdarrd̶e kob̶eeped̶a jarasii: —Mʉ kau ara ʉ̃ra biusii. Maamina bichi wãaruubʉrã maud̶e bichi jua jãu ʉ̃rʉ kub̶uuruubʉrã waya chokae nibabii.

Mateo 9:18 Iomraidhean Croise

Mateo 14:33

Maabae joma jãbad̶e panuu Jesús daad̶e õdarrd̶e kopaneed̶aped̶a ichimaa biꞌia berreasid̶au: —¡Bichi biawãra Dachi Akõre Warrbʉ!

Mateo 15:25

Maud̶e wẽra Jesús daad̶e õdarrd̶e kob̶eeped̶a jarasii: —Mʉ Mechiu, ¡karibase!

Mateo 17:14

Ãchi ead̶ebena ed̶aa neesid̶aud̶e ẽbẽrarã ãrea ãbua duanasid̶au. Maud̶e ẽbẽra Jesusmaa neesii. Mau ẽbẽra Jesús daad̶e õdarrd̶e kob̶eeped̶a jarasii:

Mateo 20:20

Mau maad̶akare Zebedeo kima maud̶e ichi warrarã Jesusmaa neesid̶au. Mau wẽra ichi daad̶e õdarrd̶e kob̶eed̶e neesii chi chuburia id̶iyua.

Mateo 28:17

Ichi unusid̶aud̶e ichimaa biꞌia berreasid̶au maamina waabenarãba ãrea ijãad̶aabasii.

Mateo 8:2

Maka b̶uud̶e ẽbẽra kakua chau nii Jesusmaa neesii. Õdarrd̶e kob̶eeped̶a naka chi chuburia id̶isii: —Mʉ Mechiu, bichiba kʉ̃ria b̶uubʉrã, mʉ poyaa aribiabii.

Mateo 8:25

Maud̶eeba ichi baara nibabadaurãba ʉ̃rʉmad̶aped̶a jarasid̶au: —¡Dai Akõre Mechiu, dai karibase! ¡Dachi taawãmaa panuu!

Mateo 9:17

Maud̶e ab̶au bid̶a uva b̶aa wid̶i ãnimara e waud̶a sored̶e tʉd̶akau. Maka wauduubʉrã b̶aaka kob̶eeruud̶e chi ãnimara e waud̶a chi sore tojĩidrʉi. Maabae chi uva b̶aa eawãi, maud̶e chi ãnimara e waud̶a ãrii. Maud̶eeba uva b̶aa wid̶i ãnimara e waud̶a wid̶id̶e tʉd̶ai panuu. Maka omea dauchia jãadua choroa panad̶ai.

Mateo 9:19

Jesús jiraduped̶a mau ẽbẽra ome wãsii. Maud̶e chi baara nibabadaurã wãsid̶au.

Mateo 9:24

Jesusba jarakuasii: —Awara wãurísturu. Nau wẽrakau biuwẽa b̶uu. Bari kãi nub̶uu. Maud̶eeba ẽbẽrarãba ichimaa ichiad̶aped̶a ʉisid̶au.

Lucas 13:14

Maamina Jesusba bari panabadau ewarid̶e aribiasiid̶eeba judiorã araa ãbua imibadau ded̶ebena jaradea ua b̶uabarii kĩrusii. Maud̶e jomaurãmaa naka jarasii: —Bari panabadau ewari awara 6 ewari uru panuu trajad̶ai baita. Mau ewarid̶éburu nésturu machi aribiabid̶amera. Maamina bari panabadau ewarid̶e neerã́sturu.

Lucas 18:18

Ẽbẽrarã chi karrba Jesusmaa id̶isii: —Jaradeabarii bia nii, Dachi Akõre ome ewaricha chokae b̶uai baita ¿mʉ kãare sãaima?

Lucas 7:2

Aria kokoroarã jaradea ua b̶uabarii b̶uasii. Mau baita bari trajabarii ãrea kʉ̃ria nii uru b̶uasii. Maamina mau ichi baita bari trajabarii ẽpermo b̶uud̶eeba biumaa b̶uasii.

Juan 11:25

Jesusba jarasii: —Mʉ biud̶arã chokae jiradubiabarii maud̶e chokae b̶uai deabarii. Barikiuba mʉʉd̶e ijãaruubʉrã, biurumina ewaricha Dachi Akõre ome chokae nibai.

Juan 11:32

María Jesús b̶uumaa neesiid̶e maud̶e ichi unusiid̶e jʉ̃rʉ kaita õdarrd̶e kob̶eesii. Maud̶e jarasii: —Mʉ Mechiu, bichi nama b̶uad̶a basirã, mʉ neewau biubai basii.

Hechos 13:15

Maabae chi mechiurãba chi Moisesba b̶ʉd̶a maud̶e Dachi Akõre baita berreabadaurãba b̶ʉped̶aad̶a jĩwa ed̶a jarasid̶au. Maabae Pablo maud̶e Bernabé akʉ panuumaa naka jarad̶e wãbiasid̶au: —Ãbarã, machiba dai aid̶ad̶ai baita bed̶ea jarad̶ai uru panuubʉrã, jarásturu.

Hechos 28:8

Maka panuud̶e Publio akõre ãmi che b̶uud̶eeba maud̶e kʉa b̶uud̶eeba kʉd̶ad̶e b̶uasii. Maud̶e Pabloba mau ichiad̶e wãsii. Dachi Akõremaa ʉtaa id̶iped̶a ichi jua ʉ̃rʉ kub̶uped̶a aribiabisii.