Mateo 9:15 - Emberá Chamí

¹⁵ Jesusba ãchimaa jarasii: —Mukĩra kãibadau kĩrajʉʉ ewari wau b̶uud̶e ¿kai kĩra nomaa b̶uaima? Mau mukĩra wabid̶a ichiba iukuad̶a ome b̶uumisa kĩrajʉʉ panad̶ai. Maamina ewari ab̶ad̶e waabena ẽbẽrarãba ichi ãyaa adoed̶ai. Maabáeburu ichiba iud̶arãba chiko kod̶akau ewari waud̶ai.

Mateo 9:15 Iomraidhean Croise

Mateo 9:14

Mau maad̶akare Juan chi Boro Eabarii baara nibabadaurã Jesusmaa need̶aped̶a id̶isid̶au: —Dai maud̶e fariseorã baarauba chiko kod̶akau ewari waubadau, maamina bichi baara nibabadaurãba ¿sakãe maka waud̶akama?

Mateo 9:16

»Ab̶au bid̶a paru wid̶id̶ebena b̶aꞌãra tõobai, paru soremaa kaapirui baita. Makaaruubʉrã, chi paru wid̶i araa chiraduuruuba chi paru sore aude kõai.

Marcos 2:19

Jesusba panausii: —Kãibadau kĩrajʉʉ ewari wau b̶uud̶e ¿kaiba chiko kod̶akau ewari wauima? Mau mukĩra wabid̶a ichiba iud̶arã baara b̶uumisa chiko kod̶akau ewari waud̶aabai.

Marcos 2:20

Maamina ewari ab̶ad̶e waabena ẽbẽrarãba ichi ãyaa adoed̶ai. Mau ewarid̶éburu ichiba iud̶arãba chiko kod̶akau ewari waud̶ai.

Lucas 17:22

Maabae Jesusba ichi baara nibabadaurãmaa naka jarasii: —Ewari chaarea neei. Mau ewarid̶e machiba mʉ, chi Ẽbẽra Ba B̶uad̶a unu kʉ̃riad̶ai, maamina unud̶aabai.

Lucas 5:34

Jesusba ãchimaa jarasii: —Mukĩra miakãibadau kĩrajʉʉ ewari wau b̶uud̶e ¿ichiba iud̶arãmaa chiko kod̶akau ewari waubiaika?

Lucas 5:35

Maamina ewari ab̶ad̶e waabena ẽbẽrarãba ichi ãyaa adoed̶ai. Mau ewarid̶éburu ichiba iud̶arãba chiko kod̶akau ewari waud̶ai.

Juan 16:6

Maumaarã machi kĩra nomaa panuu mʉ wãaruu asiid̶eeba.

Juan 3:29

Miakãiduud̶e chi wẽra adauruu chi aude mechiu nii. Maamina ichi kõpaero ichi jãkaa b̶uu kĩrajʉʉ b̶uu, ichi berrearuu ũri b̶uud̶eeba. Ara mau kĩra mʉ kĩrajʉʉ b̶uu ichi nama b̶uud̶eeba.

Hechos 14:23

Puurucha ãbarã tãed̶e chi ijãabadaurã nubadaurã b̶usid̶au. Maabae Dachi Akõremaa ʉtaa id̶id̶aped̶a, chiko kod̶akau ewari waud̶aped̶a chi Dachi Mechiud̶e ijãa panuurã ichi juad̶e b̶usid̶au.

1 Corintios 7:5

Machi kakua machi kimamaa wãakarã́sturu. Dachi Akõremaa ʉtaa id̶i kʉ̃riaduud̶e, bed̶ea deásturu, mau ewarid̶e ãbua kãi b̶eed̶aabai baita. Maamina kãꞌãa maka panad̶aabai panuu. Mau maad̶akare, waya ãbua kãi b̶eei panuu, machi kakuaba kʉ̃ria b̶uu jãaduad̶awẽa paneeduud̶e, Satanasba kachirua waubiarãamera.

2 Corintios 11:27

Traja b̶uud̶e mʉ ãrea biꞌiwãe b̶uabachii. B̶es ãrea kãi b̶eeka basii, jarrbaa b̶uabachii, obisia b̶uabachii, kowẽa b̶uabachii. Kũrasãaba mʉ uri b̶uabachii maud̶e paruswãe b̶uabachii.

Apocalipsis 19:9

Maud̶e angelba mʉʉmaa jarasii: «Kartad̶e naka b̶ʉse: “¡Biꞌia ãrea duanad̶ai chi Oeja Kaebe Nii miakãiped̶aad̶a chiko kooduumaa iuped̶aad̶arã!”» Maud̶e jarasii: «Mau biawãra bed̶ea Dachi Akõreba jarad̶abʉ».

Apocalipsis 21:2

Maud̶e mʉʉba unusii Dachi Akõre b̶uumarebena ichi puuru wid̶i Jerusalén bajãad̶ebena ed̶aa uruu. Mau puuru mipitaa ãrea b̶uasii wẽra miakãiruud̶e paru jʉ̃barii kĩra.