Mateo 9:13 - Emberá Chamí

¹³ Nau bed̶eaba kãare jara b̶uu kuitaad̶e wã́sturu: “Ãnimara baa dead̶ai bad̶amaarã mʉʉba kʉ̃ria b̶uu machiba waabenarã kĩra chuburia panad̶ai”. Mʉ, chi jipa nuree iui baita need̶awãe, maumaarã chi kachirua waubadaurã́turu iui baita nee b̶uu Dachi Akõremaa need̶amera.

Mateo 9:13 Iomraidhean Croise

Mateo 12:3

Maud̶e Jesusba ãchimaa jarasii: —¿Machiba Dachi Akõre bed̶ea b̶ʉd̶ad̶e ed̶a jarad̶awẽa panuka? David maud̶e ichi baara nibabadaurã jarrbisia panasid̶aud̶e ¿kãare wausid̶ama?

Mateo 12:5

Maud̶e Dachi Akõreba Moisesmaa b̶ʉd̶a dead̶ad̶e naka jara b̶uu, paarerã bari panabadau ewarid̶e Dachi Akõre de mechiud̶e ne waud̶ai panuu. Maamina bari panabadau ewarid̶e trajaaduud̶e, ãchiba Moisesba b̶ʉd̶a ida b̶ubachid̶amina, nebʉra baraa ad̶akau. ¿Machiba mau sid̶a ed̶a jarad̶akaka?

Mateo 12:7

Dachi Akõre bed̶ead̶e naka jara b̶uu: “Ãnimara baa dead̶ai bad̶amaarã mʉʉba kʉ̃ria b̶uu machiba waabenarã kĩra chuburia panad̶ai”. Nau bed̶ea jara b̶uu machiba kauwa unuped̶aad̶a basirã, machiba naarã ẽbẽrarã nebʉra wãꞌãe b̶ee ʉ̃rʉbena kachirua berread̶aabai basii.

Mateo 19:4

Jesusba panausii: —¿Machiba Dachi Akõre bed̶ead̶e, nau ed̶a jarad̶awẽa panuu kĩra? Nau drua wausiid̶e Dachi Akõreba mukĩra maud̶e wẽra wausii.

Mateo 21:42

Maud̶e Jesusba ãchimaa jarasii: —Ara mau kĩra Dachi Akõreba machi audeara waabenarã ichi juad̶e ua b̶uai. Maarãburu ichiba kʉ̃ria b̶uu waud̶ai. Machiba ¿Dachi Akõre bed̶ea ed̶a jarad̶awẽa panuu kĩra? Naka jara b̶uu: “Chi mo chi de waubadaurãba ida b̶uped̶aad̶a, mau chi biara b̶eesii. Dachi Mechiuba maka waud̶ad̶eeba dachimaarã ãrea biꞌia b̶uu”.

Mateo 3:2

Juanba naka jarabachii: «Bajãad̶e B̶uu neeruu ichid̶irã ichi juad̶e ua b̶uai baita. Maud̶eeba machiba kachirua waubadau ida b̶ud̶aped̶a ichimaa wã́sturu».

Mateo 3:8

Machiba wau panuud̶eeba unubísturu biawãra machi kachirua ida b̶ud̶aped̶a, Dachi Akõremaa neeped̶aad̶a.

Mateo 4:17

Mau ewari tõpe Jesusba naka jara nibasii: «Bajãad̶e B̶uu neeruu ichid̶irã ichi juad̶e ua b̶uai baita. Maud̶eeba machiba kachirua waubadau ida b̶ud̶aped̶a ichimaa nésturu».

Marcos 12:26

¿Machiba biuped̶aad̶arã chokae jiradud̶ai ʉ̃rʉbena Moisés kartad̶e ed̶a jarad̶awẽa panuka? Dachi Akõreba Moisesmaa jarasii: “Mʉ Abraham Akõre Mechiubʉ, Isaac Akõre Mechiubʉ maud̶e Jacob Akõre Mechiubʉ”.

Marcos 12:33

Dachiba biawãra joma dachi sõd̶eeba, joma dachi kʉ̃risiad̶eeba, joma dachi jaurid̶eeba, joma dachi akõre mechiud̶eeba Dachi Akõre kʉ̃riad̶ai panuu. Maud̶e ab̶au ara dachi kʉ̃ria b̶uu kĩra kʉ̃riad̶ai panuu. Mau ãrea ãnimara Dachi Akõremaa baa deai bad̶amaarã aude biꞌia b̶uu.

Marcos 2:17

Mau ũriped̶a Jesusba jarasii: —Chi ẽpermowãe nureeba ʉrrmid̶ia deabarii jʉrʉd̶akau. Maumaarã chi ẽpermo nuréburu jʉrʉbadau. Mʉ, chi jipa nuree iui baita need̶awãe, maumaarã chi kachirua waubadaurã́turu iui baita nee b̶uu Dachi Akõremaa need̶amera.

Lucas 10:26

Jesusba panausii: —Moisesba b̶ʉd̶ad̶e ¿kãare b̶ʉ kub̶uma? ¿Bichi baita kãare jara b̶uma?

Lucas 19:10

Biawãra mʉ, chi Ẽbẽra Ba B̶uad̶aba chi adua duanuurã karibai baita jʉrʉd̶e neesii.

Lucas 24:47

Maabae ichi trʉ̃d̶eeba ichi ijãabadaurãba ẽbẽrarãmaa jarad̶ai ãchi kachirua ida b̶ud̶aped̶a Dachi Akõremaa need̶amera. Maka Dachi Akõreba ãchi kachirua perdonai. Mau naa Jerusalén puurud̶e jarad̶aped̶a joma puuru b̶eecha jarad̶e wãd̶ai.

Lucas 5:31

Jesusba ãchimaa jarasii: —Ẽpermowãe nureeba ʉrrmid̶ia deabarii jʉrʉd̶akau. Maumaarã chi ẽpermo nuréburu jʉrʉbadau.

Lucas 5:32

Mʉ, chi jipa nuree iui baita need̶awãe, maumaarã chi kachirua waubadaurã́turu iui baita nee b̶uu Dachi Akõremaa need̶amera.

Juan 10:34

Jesusba jarasii: —Machi Moisesba b̶ʉd̶ad̶e naka b̶ʉ kub̶uu: “Mʉʉba jarasii machi dachi akõrerã”.

Hechos 11:18

Jerusalend̶ebena ãbarãba mau ũrisid̶aud̶e waa kachirua jarad̶aabasii, maumaarã Dachi Akõremaa naka biꞌia berreasid̶au: —¡Biawãra Dachi Akõreba judiowãerã karibasii ãchi kachirua ida b̶ud̶aped̶a ichimaa need̶amera! ¡Maka ewaricha ichi baara chokae panad̶ai!

Hechos 2:38

Maud̶e Pedroba panausii: —Kachirua ida b̶ud̶aped̶a Dachi Akõremaa nésturu. Jesucristo trʉ̃d̶eeba boro eásturu. Maud̶e machiba kachirua wauped̶aad̶a Dachi Akõreba perdonaped̶a ichi Jauri machimaa deai.

Hechos 20:21

Judiorãmaa maud̶e judiowãerãmaa mʉʉba jarasii kachirua waubadau ida b̶ud̶aped̶a Dachi Akõremaa need̶amera maud̶e Dachi Mechiu Jesucristod̶e ijãad̶amera.

Hechos 3:19

Machiba chi kachirua ida b̶ud̶aped̶a Dachi Akõremaa nésturu. Maka wauduubʉrã machiba kachirua wauped̶aad̶a Dachi Mechiuba perdonaped̶a sõbiabiai,

Hechos 5:31

Dachi Akõreba Jesús ichi jua biare b̶usii Dachi Mechiu maud̶e dachi Karibabarii b̶uamera. Ichid̶eeba israeld̶ebenarãba kachirua ida b̶ud̶aped̶a waya Dachi Akõremaa poyaa need̶ai. Makarã ãchiba kachirua wauped̶aad̶a Dachi Akõreba perdonai.

2 Pedro 3:9

Dachi Mechiu neei ad̶a bad̶a kãꞌãa b̶uud̶eeba waabenarãba kʉ̃risia panuu neebai. Maamina makawãema. Maumaarã machi kakua joma jãadua b̶uud̶eeba kãꞌãa b̶uu. Ichiba kʉ̃riawẽa b̶uu ẽbẽra ab̶a bid̶a ichid̶ebena ãi b̶uai. Kʉ̃ria b̶uu jomaurãba kachirua ida b̶ud̶aped̶a ichimaa need̶ai.