Mateo 8:3 - Emberá Chamí

³ Maud̶e Jesusba chi ẽbẽra jua ʉ̃rʉ kub̶uped̶a jarasii: —Maka wau kʉ̃ria b̶uu. ¡Aribiáse! Ara makʉd̶e mau kakua chau nii bad̶a anisii.

Mateo 8:3 Iomraidhean Croise

Mateo 12:13

Maabae chi jua bʉʉ niimaa jarasii: —Bichi jua jiwaase. Maabae ichi jua jiwaasii. Maud̶e chi jua biꞌia did̶isii chi ab̶abena jua kĩra.

Marcos 1:41

Jesusba miichuburi nii unud̶ad̶eeba ichi jua ʉ̃rʉ kub̶uuruud̶e jarasii: —Maka wau kʉ̃ria b̶uu. ¡Aribiáse!

Marcos 4:39

Maabae Jesús jiraduped̶a pũatu maud̶e do ʉ̃rapemaa iadaasii: —¡Chũpease! ¡Apiise! Ara makʉd̶e pũatuwẽa did̶isii. Joma apii nub̶eesii.

Marcos 5:41

Wẽrakau juad̶e jidauped̶a Jesusba jarasii: —Talita cum. (Mau arameo bed̶ead̶e naka jara b̶uu: “Wẽrakau, mʉʉba bichimaa jaraaruu: jiraduse”).

Marcos 7:34

Maabae bajãad̶aa ichiaped̶a ʉ̃yabaped̶a arameo bed̶ead̶e jarasii: «¡Efatá!» Mau bed̶ea jara b̶uu «Kʉʉrʉ ẽesãase».

Marcos 9:25

Jesusba ẽbẽrarã araa pĩchuka imiiduu unusiid̶eeba chi jai kachirua naka iadaasii: —Jauri kachirua kʉʉrʉ kiapebibarii maud̶e bosara babibarii, mʉʉba bichimaa jaraaruu: nau warr kakuad̶ebena awara wãse. Waya ichi kakuad̶e ed̶a wãrã́se.

Lucas 4:27

Ara mau kĩra chi Dachi Akõre baita berreabarii Eliseo b̶uasii ewarid̶e, kakua chau nuree Israel druad̶e ãrea panasid̶au maamina ãchid̶ebena ab̶au bid̶a ichiba aribiabiibasii. Maumaarã Siria druad̶ebena Naamán abachid̶au aribiabisii.

Lucas 5:13

Maud̶e Jesusba chi ẽbẽra ʉ̃rʉ jua kub̶uuruud̶e jarasii: —Maka wau kʉ̃ria b̶uu. ¡Aribiáse! Ara makʉd̶e chi kakua chau nibad̶a wãꞌãesii.

Lucas 7:14

Maabae araa wãped̶a chi biud̶a ed̶a adoebadau wausii. Maud̶eeba chi adoeduurã b̶ari topaneesid̶au. Maud̶e Jesusba jarasii: —Kũudrãa, mʉʉba bichimaa jarai, jiraduse.

Juan 11:43

Maka jaraped̶a Jesusba jĩwa jarasii: —¡Lázaro, awara neese!

Juan 15:24

Mʉʉba ãchi daad̶e ẽbẽrarãba ne poyaa waud̶akau waud̶awãe basirã, ãchiba kachirua wauped̶aad̶a kakua nebʉrad̶e nuread̶aabai basii. Maamina mʉʉba waud̶a ãchiba unusid̶amina mʉ, mʉ Chacha sid̶a kĩramaa panuu.

Juan 5:21

Mʉ Chachaba biud̶arã chokae jiradubiaped̶a chokae duanubiabarii kĩra, maka mʉ chi Warrba chi mʉʉba kʉ̃riakuaruu chokae duanubiabarii.