Mateo 8:11 - Emberá Chamí

¹¹ Mʉʉba machimaa jaraaruu: drua ʉmada neebariared̶ebena maud̶e drua ʉmada b̶aebariared̶ebena imid̶ai. Maarã dachi nabẽraed̶ebenarãba Abraham ome, Isaac ome, Jacob ome Bajãad̶e B̶uuba ichid̶irã ichi juad̶e ua b̶uud̶e ko akʉ paneed̶ai.

Mateo 8:11 Iomraidhean Croise

Mateo 21:41

Maud̶e paare mechiurãba maud̶e judiorã mechiurãba naka panausid̶au: —Ichiba kĩra chuburiawẽa mau ẽbẽrarã kachiruarã kenaped̶a, waabena ẽbẽrarã ome bed̶ea deai chi uud̶a nud̶amera. Mau ẽbẽrarãba ichi uud̶ad̶ebena dead̶ai panuu chi uva waraa nub̶eeruud̶e dead̶ai.

Mateo 24:31

Maud̶e kachu ãrea jĩwa chaaruud̶e mʉʉba angelerã drua b̶eecha wãbiai Dachi Akõreba jʉrʉ adaud̶arã araa ãbua imibiad̶amera.

Mateo 3:2

Juanba naka jarabachii: «Bajãad̶e B̶uu neeruu ichid̶irã ichi juad̶e ua b̶uai baita. Maud̶eeba machiba kachirua waubadau ida b̶ud̶aped̶a ichimaa wã́sturu».

Mateo 8:10

Jesusba mau ũrisiid̶e biꞌia kʉ̃risiasii. Maabae ichi baara wãaduumaa jarasii: —Biawãra machimaa jaraaruu: nau ẽbẽraba ãrea ijãa b̶uu kĩra Israeld̶ebena ab̶a bid̶a unukau.

Lucas 12:37

Chi chibari neeped̶a, ichi baita bari trajabadaurã chokae panuu unuubʉrã, maarã bia ichiai. Mʉʉba biawãra jaraaruu: ara maud̶e ichi chibariba chi ichi baita bari trajabarii paru jʉ̃ped̶a ichi baita bari trajabadaurã chi mesad̶e akʉ b̶eebiai kobiai baita.

Lucas 16:22

»Maka panuud̶e mau chi nejarr barauwãe nii biusii. Ara makʉd̶e angelerãba ichi Abraham b̶uumaa adoesid̶au. Mau maad̶akare chi nejarra barau nii sid̶a biusii. Maabae mau jau b̶usid̶au.

Hechos 10:45

Maud̶e ãibena bed̶ead̶e berrea duaneesid̶au maud̶e Dachi Akõremaa biꞌia berrea duaneesid̶au. Judiorã Jesusd̶e ijãabadaurã Pedro ome neeped̶aad̶aba mau ũrisid̶aud̶e kuitaa kʉ̃risiad̶aabasii Dachi Akõreba ichi Jauri judiowãerãmaa deasiid̶eeba.

Hechos 11:18

Jerusalend̶ebena ãbarãba mau ũrisid̶aud̶e waa kachirua jarad̶aabasii, maumaarã Dachi Akõremaa naka biꞌia berreasid̶au: —¡Biawãra Dachi Akõreba judiowãerã karibasii ãchi kachirua ida b̶ud̶aped̶a ichimaa need̶amera! ¡Maka ewaricha ichi baara chokae panad̶ai!

Hechos 14:22

Puurucha ãbarã aid̶abachid̶au Jesusd̶e biꞌia ijãad̶amera. Ãchiba Jesusd̶e ijãa panuu ida b̶urãad̶amera naka jarabachid̶au: «Ãrea biꞌiwãe panad̶ai panuu, Dachi Akõre juad̶e panad̶ai baita, ichid̶irã baara».

Hechos 14:27

Need̶aped̶a ãbarã araa ãbua imisid̶au. Maud̶e nebʉrʉsid̶au joma Dachi Akõreba ãchid̶eeba waud̶a. Jarasid̶au saka Dachi Akõreba wausii judiowãerã bid̶a Jesusd̶e ijãad̶amera.

1 Corintios 15:20

Maamina Dachi Akõreba biawãra Cristo biu b̶uad̶ad̶ebena chokae jiradubisii. Biuped̶aad̶ad̶ebena ichi chi naa chokae jiradud̶abʉ. Maka Dachi Akõreba unubisii joma ichid̶irã sid̶a biawãra chokae jiradud̶ai.

1 Corintios 6:9

¿Machiba adua panuka chi kachirua waubadau Dachi Akõre juad̶e panad̶aabai, ichid̶irã baara? ¡Ara machi du ab̶a setaa kũruarã́sturu! Chi kakuaba barikiu kachirua waubadaurã, Dachi Akõre kuenda juaba ne kaped̶aad̶a kĩraare ʉtaa id̶i nuree, junebena ome kãi topaneebadaurã, mukĩra wẽra kĩra nuree, mukĩra ab̶aarakau mukĩra ome panabadaurã, nechiruabadaurã, chi nejarra kʉ̃riabadaurã, itua biu nibabadaurã, setad̶eeba waabena ʉ̃rʉbena kachirua jarabadaurã maud̶e waabena setaa kũruabadaurã Dachi Akõre puurud̶e panad̶aabai.

Efesios 3:6

Ichiba kuitaabiawẽa b̶uad̶a naubʉ: judiowãerãba chi bed̶ea biꞌia Cristo ʉ̃rʉbena ijãa panuud̶eeba judiorã ome ãbua Dachi Akõreba deaid̶ebena adaud̶ai, arab̶au kakuad̶e panuu, maud̶e Dachi Akõreba Jesucristod̶eeba deai jarad̶a ãbua uru panuu.

Colosenses 3:11

Dachi Akõreba maka wausiid̶eeba ichi daad̶e griego judio ome arab̶aud̶e nii. Mukĩra chi kakua tõo nii mukĩra chi kakua tõowẽa nii ome arab̶aud̶e nii. Drua ãibena, ne adua nii ome arab̶aud̶e nii. Chi chibari baita bari trajabarii, chi chibariswãe nii ome arab̶aud̶e nii. Cristo chi aude bibuara nii. Ichi jomaurã sõd̶e b̶uu.

2 Tesalonicenses 1:5

Mauba kuitaabi b̶uu Dachi Akõre jipa niiba ẽbẽrarã kastikabarii. Ichiba machi biꞌia unu b̶uu ichi juad̶e ua b̶uai baita. Maud̶eeba ʉ̃raud̶aa ãrea biꞌiwãe panuu.

Apocalipsis 7:6

Ased̶ebena imiped̶aad̶arã 12.000 basii. Neftalid̶ebena imiped̶aad̶arã 12.000 basii. Manasesd̶ebena imiped̶aad̶arã 12.000 basii.