Mateo 7:7 - Emberá Chamí

⁷ »Machiba wãꞌãe panuu Dachi Akõremaa ʉtaa id̶i panásturu; maabae ichiba machimaa deai. Jʉrʉ panásturu; ichiba unubiai. De poraad̶e iústuru; maud̶e chi poraa ewabarii kĩra, maka ichiba deai.

Mateo 7:7 Iomraidhean Croise

Mateo 18:19

»Mʉʉba naka jaraaruu: mʉʉd̶e ijãabadaurã ome maebʉrã õbea ãbua panuud̶e mʉ sid̶a aria b̶uai. Maud̶eeba nau iujãad̶e machid̶ebena ome panuu mʉ Chachamaa ʉtaa id̶id̶ai baita bed̶ea deaduubʉrã, machiba ʉtaa id̶iiduu mʉ Chacha bajãad̶e b̶uuba waui.

Mateo 21:22

Joma machiba Dachi Akõremaa ʉtaa id̶iiduu biawãra adaud̶ai ijãaduubʉrã, mau adaud̶ai.

Mateo 6:33

Maud̶eeba machiba jʉrʉ́sturu Dachi Akõreba machi ichi juad̶e ua b̶uai, ichid̶irã baara. Kauwa panásturu ichiba waubi b̶uu waud̶ai. Maka machiba wãꞌãe panuu ichiba joma mau deai.

Mateo 7:11

Machi chi kachirua nureeba machi warrarãmaa ne kaebea dead̶ai kuitaa panuubʉrã, ¿machi Akõre bajãad̶e b̶uuba chi ʉtaa id̶i panuumaa ne kaebea bia deabai b̶uka?

Mateo 7:8

Chi ʉtaa id̶i b̶uuba uru b̶uaika. Chi jʉrʉ b̶uuba unui. Chi poraad̶e iuruumaa ewai, ne kaebea deai baita.

Marcos 11:24

Maud̶eeba mʉʉba machimaa jaraaruu: joma machiba Dachi Akõremaa ʉtaa id̶iiduu biawãra adaud̶ai ijãaduubʉrã, mau adaud̶ai.

Lucas 13:25

De chibariba chi poraa jʉ̃a nub̶usiid̶e chi awara panuurãba naka iud̶ai ewamera: “Dai mechiu, dai mechiu, ewase”. Maamina chi de chibariba panaui: “Mʉʉba machi kai aduama maud̶e samabena aduama”.

Lucas 18:1

Jesusba nebʉrʉsii jaradeai baita Dachi Akõremaa ʉtaa id̶i panad̶ai ida b̶ud̶ayuwãe panad̶ai.

Juan 15:16

Machiba mʉ jʉrʉ adaud̶aabasii. Mʉaburu machi jʉrʉ adausii. Bakuru jõ b̶eraakau chaubarii kĩra, mʉʉba machi b̶usii wãd̶aped̶a biꞌia waud̶amera. Mʉʉba machi jʉrʉ adausiid̶eeba machiba mʉ Chachamaa mʉ trʉ̃d̶eeba id̶iiduu ichiba deai.

Juan 15:7

»Machi mʉ baara nureebʉrã, mʉ bed̶ea ijãa paneeduubʉrã, id̶ísturu joma machiba kʉ̃riaduu. Mau mʉʉba deai.

Juan 4:10

Jesusba panausii: —Dachi Akõreba dea b̶uu bichiba kuitaaibʉrã maud̶e cha bania id̶i b̶uu kai kuitaaibʉrã, bichiba mʉʉmaa bania id̶ii basii. Maabae mʉʉba bania chokae b̶uabibarii deai basii.

Romanos 2:7

Chi nureerãba biꞌia wau panuu Dachi Akõreba maarã biꞌia unumera, biꞌia jaramera maud̶e ewaricha ãchi ome chokae b̶uamera. Maarã biawãra chokae panabiai.

Romanos 3:11

Ẽbẽra ab̶a bid̶a wãꞌãe kuitaai kãare jipa b̶uu. Ẽbẽra ab̶a bid̶a Dachi Akõre jʉrʉkau.

Hebreos 11:6

Maamina chi Dachi Akõred̶e ijãawẽa nii ichiba biꞌia unukau. Chi Dachi Akõremaa neei kʉ̃ria b̶uuba ijãai b̶uu ichi biawãra nii maud̶e joma chi ichi jʉrʉʉduu karibabarii.

Santiago 5:15

Maud̶e ijãa panad̶ai panuu Dachi Akõreba mau aribiabii. Maka ʉtaa id̶iiduubʉrã Dachi Mechiuba aribiabii. Chi ẽpermo b̶uad̶aba kachirua waud̶abʉrã, Dachi Mechiuba mau perdonai.

1 Juan 3:22

Maud̶e dachiba ʉtaa id̶iiduu ichiba deai, Dachi Akõreba waubi b̶uu bed̶ea maud̶e chi ichiba kʉ̃ria b̶uu wau panuud̶eeba.