Mateo 6:5 - Emberá Chamí

⁵ »Bichiba Dachi Akõremaa ʉtaa id̶iiruud̶e setaa ẽbẽra bia nuree abadaurãba waubadau kĩra waurã́se. Ãchiba judiorã araa ãbua imibadau ded̶e maud̶e puurud̶e bid̶a b̶ari nupaneed̶aped̶a Dachi Akõremaa ʉtaa id̶ibadau ẽbẽrarãba biꞌia unud̶amera. Mʉʉba biawãra jaraaruu: ẽbẽrarãba ara ãchi ʉ̃rʉbena biꞌia berread̶ai kʉ̃ria panuud̶eeba, mau berreaped̶aad̶áburu bia uru panad̶ai. Dachi Akõred̶ebena ne kaebea bia uru panad̶aabai.

Mateo 6:5 Iomraidhean Croise

Mateo 21:22

Joma machiba Dachi Akõremaa ʉtaa id̶iiduu biawãra adaud̶ai ijãaduubʉrã, mau adaud̶ai.

Mateo 23:13

»¡Machi fariseorã, Moisesba b̶ʉd̶a jaradeabadaurã, setaa ẽbẽra bia nuree abadau, miichuburi nuree Dachi Akõreba kastikaid̶eeba! Machiba ẽbẽrarãmaa ida kuitaabiad̶akau Bajãad̶e B̶uuba ichid̶irã ichi juad̶e ua b̶uu ʉ̃rʉbena. Ichi juad̶e panad̶ai kʉ̃riad̶awẽa panuu maud̶e chi aria duanad̶ai kʉ̃ria panuurã ida b̶ud̶akau.

Mateo 23:5

»Ãchiba ne joma waubadau waabenarãba biꞌia unud̶amera. Dachi Akõre bed̶ea kartad̶e b̶ʉd̶a ũabisa kaebeud̶e ed̶a b̶ud̶aped̶a ãchi daub̶ʉʉrʉd̶e jʉ̃badau maud̶e juapotad̶e bid̶a jʉ̃badau. Maamina chi ũabisa jõparrea waubadau waabenarãba biꞌia unud̶amera. Maud̶e mau baita ãchiba paru id̶e kapipia deseroa b̶ee kaapirud̶aped̶a jʉ̃badau.

Mateo 23:6

Waabenarã baara kod̶e wãaduud̶e, jomaurã kĩraare akʉ paneebadau, jaradea ua b̶uabadau mechiurã akʉ paneebadaumare. Maud̶e judiorã araa ãbua imibadau ded̶e bid̶a ara mau kĩra waubadau.

Mateo 6:1

»Kaubaa ne bia waud̶ai Dachi Akõre baita waabenarã daad̶e maarãba ichiad̶amera. Maka wauduubʉrã, machi Akõre bajãad̶e b̶uuba ichiba ne bia deabai.

Mateo 6:16

»Machiba Dachi Akõre baara b̶uayua chiko kod̶akau ewari wauduud̶e kĩra nomaa paneerã́sturu setaa ẽbẽra bia nuree abadaurãba waubadau kĩra. Ãchi mau kĩra panabadau jomaurãba kuitaad̶amera chiko kod̶akau ewarid̶e wau panuu. Mʉʉba biawãra jaraaruu: ẽbẽrarãba ara ãchi ʉ̃rʉbena biꞌia berread̶ai kʉ̃ria panuud̶eeba, mau berreaped̶aad̶a kakua Dachi Akõreba ne bia aude uru panabiabai.

Mateo 6:2

Bichiba ne wãꞌãe nureerãmaa ne kaebea deaduud̶e setaa ẽbẽra bia nuree abadaurãba maka waubadau kĩra waurã́se. Ãchiba ne kaebea deaduud̶e mau baita jarabadau judiorã araa ãbua imibadau ded̶e, puurud̶e bid̶a jomaurãba ãchi ʉ̃rʉbena biꞌia berreamera. Mʉʉba biawãra jaraaruu: ẽbẽrarãba ara ãchi ʉ̃rʉbena biꞌia berread̶ai kʉ̃ria panuud̶eeba ab̶aburu mau uru b̶uai. Dachi Akõred̶ebena ne kaebea uru panad̶aabai.

Mateo 9:38

Maud̶eeba chi ne uud̶a Chibarimaa id̶ísturu trajabadaurã ichi ne uu nub̶uumaa bʉikamera.

Marcos 11:25

Maud̶e machiba Dachi Akõremaa ʉtaa id̶i panuud̶e barikia ẽbẽra ome kĩra kachirua panuubʉrã, mau ẽbẽraba kachirua waud̶a perdonásturu. Makaaruubʉrã machiba kachirua wauped̶aad̶a machi Bajãad̶ebena Akõreba perdonai.

Marcos 12:38

Jesusba wabid̶a jaradea b̶uud̶e naka jarasii: «Moisesba b̶ʉd̶a jaradeabadaurãd̶e kauwa panásturu. Ãchiba paru chi nejarra ãrea id̶ibadau jʉ̃d̶ai kʉ̃riabadau. Maud̶e puurud̶e nid̶aud̶e ẽbẽrarãba wapeadee panuud̶eeba saka b̶uma ad̶ayu kʉ̃riabadau.

Lucas 11:43

»¡Machi fariseorã miichuburi nuree Dachi Akõreba kastikaid̶eeba! Machi judiorã araa ãbua imibadau ded̶e chi jaradea ua b̶uabadau mechiurã akʉ paneebadaumare akʉ b̶eed̶ai kʉ̃riabadau. Mau awara puurud̶e nid̶aud̶e ẽbẽrarãba wapeadee panuud̶eeba saka b̶uma ad̶ai kʉ̃riabadau.

Lucas 18:1

Jesusba nebʉrʉsii jaradeai baita Dachi Akõremaa ʉtaa id̶i panad̶ai ida b̶ud̶ayuwãe panad̶ai.

Lucas 18:13

»Maud̶e Romad̶ebena baita chi nejarra pebarii kaitawẽwãe akʉ nub̶uasii. Maamina bajãad̶aa ichiabasii. Maumaarã kĩra nomaaba ichi pechu taapeped̶a jarasii: “Chacha, mʉ kĩra chuburiáse, mʉʉba ãrea kachirua waubariid̶eeba”.

Lucas 20:47

Maarãba pẽdrãarã ne kaebea juakaa adaubadau maud̶e ʉtaa ãrea id̶ibadau ẽbẽrarãba machi biꞌia ichiad̶amera. Maud̶eeba Dachi Akõreba ãchi aude kastikai».

Lucas 6:24

“Maamina miichuburi panad̶ai machi chi nejarra ãrea bara nuree; nau ewarid̶éburu kĩrajʉʉ panad̶ai b̶uud̶eeba.

Juan 16:24

Machiba wabid̶a Dachi Akõremaa ab̶au bid̶a mʉ trʉ̃d̶eeba id̶id̶awẽa panuu. Maamina maka id̶iiduubʉrã adaud̶ai. Maka machi ãrea kĩrajʉʉ nuread̶ai.

Efesios 6:18

Ewaricha ne joma baita Dachi Akõre Jaurid̶eeba ʉtaa id̶i panásturu. Dau ʉ̃rʉma panuud̶eeba, joma ichi ẽbẽrarã baita kakua ãkaad̶awẽa ʉtaa id̶i panásturu.

1 Tesalonicenses 5:17

Ida b̶ud̶ayuwãe Dachi Akõremaa ʉtaa id̶i panásturu.

Santiago 4:6

Maamina Dachi Akõreba ichi sõbiad̶eeba dachi ãrea aid̶a b̶uu. Maud̶eeba Ichi Bed̶ead̶e naka b̶ʉ kub̶uu: «Chi nejuakaya nuree Dachi Akõreba ida biꞌia b̶uabikau. Maamina chi mechiu kʉ̃risiawẽa nuree Dachi Akõreba ichi sõbiad̶eeba aid̶abarii».