Mateo 6:1 - Emberá Chamí

¹ »Kaubaa ne bia waud̶ai Dachi Akõre baita waabenarã daad̶e maarãba ichiad̶amera. Maka wauduubʉrã, machi Akõre bajãad̶e b̶uuba ichiba ne bia deabai.

Mateo 6:1 Iomraidhean Croise

Mateo 16:27

Biawãra mʉ, chi Ẽbẽra Ba B̶uad̶a angelerã ome neei mʉ Chacha poyaad̶eeba chi ẽbẽrarã nebʉra ichiai baita. Maud̶e bia waubadaurã mʉʉba bia b̶ui maud̶e kachirua waubadaurã kastikai.

Mateo 16:6

Maud̶e Jesusba jarasii: —Fariseorã masa ẽesãabibarii maud̶e saduceorãd̶e kauwa panásturu.

Mateo 23:13

»¡Machi fariseorã, Moisesba b̶ʉd̶a jaradeabadaurã, setaa ẽbẽra bia nuree abadau, miichuburi nuree Dachi Akõreba kastikaid̶eeba! Machiba ẽbẽrarãmaa ida kuitaabiad̶akau Bajãad̶e B̶uuba ichid̶irã ichi juad̶e ua b̶uu ʉ̃rʉbena. Ichi juad̶e panad̶ai kʉ̃riad̶awẽa panuu maud̶e chi aria duanad̶ai kʉ̃ria panuurã ida b̶ud̶akau.

Mateo 23:5

»Ãchiba ne joma waubadau waabenarãba biꞌia unud̶amera. Dachi Akõre bed̶ea kartad̶e b̶ʉd̶a ũabisa kaebeud̶e ed̶a b̶ud̶aped̶a ãchi daub̶ʉʉrʉd̶e jʉ̃badau maud̶e juapotad̶e bid̶a jʉ̃badau. Maamina chi ũabisa jõparrea waubadau waabenarãba biꞌia unud̶amera. Maud̶e mau baita ãchiba paru id̶e kapipia deseroa b̶ee kaapirud̶aped̶a jʉ̃badau.

Mateo 25:40

Maud̶e mʉʉba panaui: “Mʉʉba biawãra jaraaruu: machiba mʉ ãbarã chi kaebeu nuree karibasid̶aud̶e mʉ karibasid̶au”.

Mateo 5:16

Ara mau kĩra ẽbẽrarã daad̶e biꞌia wáusturu ãchiba Dachi Akõre bajãad̶e b̶uumaa biꞌia berread̶amera.

Mateo 5:46

Machiba chi machi kʉ̃riabadáuturu kʉ̃ria panuubʉrã, ¿kãare Dachi Akõreba machimaa ne bia deaima? Maud̶e Romad̶ebenarã chi aude mechiu baita chi nejarra pebadaurã kʉ̃ria panuu ãchi kʉ̃ria uru panuurã.

Mateo 5:48

Maud̶eeba jomaurã kʉ̃riakuásturu machi Akõre bajãad̶e b̶uuba jomaurã kʉ̃ria b̶uu kĩra.

Mateo 6:16

»Machiba Dachi Akõre baara b̶uayua chiko kod̶akau ewari wauduud̶e kĩra nomaa paneerã́sturu setaa ẽbẽra bia nuree abadaurãba waubadau kĩra. Ãchi mau kĩra panabadau jomaurãba kuitaad̶amera chiko kod̶akau ewarid̶e wau panuu. Mʉʉba biawãra jaraaruu: ẽbẽrarãba ara ãchi ʉ̃rʉbena biꞌia berread̶ai kʉ̃ria panuud̶eeba, mau berreaped̶aad̶a kakua Dachi Akõreba ne bia aude uru panabiabai.

Mateo 6:9

Maud̶eeba Dachi Akõremaa naka ʉtaa id̶ísturu: “Dai Akõre bajãad̶e b̶uu, bichi trʉ̃ aude bibuara nii waabenarã trʉ̃ audeara.

Marcos 8:15

Maud̶e Jesusba jarasii: —Fariseorã masa ẽesãabibarii maud̶e Herodesd̶e sid̶a, kauwa panásturu.

Lucas 11:35

Maud̶eeba ãrea kauwa b̶uase. Bichiba ʉ̃d̶aa kĩra kʉ̃risia b̶uu mau pãriud̶e kĩra b̶uarãamera.

Lucas 12:1

Maka panuud̶e ẽbẽra ãrea pĩchuka kob̶eesii. Ãrea pĩchuka kub̶uud̶eeba waabenarã jʉ̃rʉ ʉ̃rʉ tʉabachid̶au. Maud̶e Jesusba naa ichi baara nibabadaurãmaa naka jarasii: «Fariseorã masa ẽesãabibarii kauwa panásturu. Ara ãchiba jarabadau kĩra waud̶akau.

Lucas 12:15

Maud̶e ichiba jomaurãmaa jarasii: —¡Kauwa panásturu! Chi nejarra uru panad̶ai kʉ̃ria panarã́sturu. Barau niid̶eeba dachi chokae b̶uakau.

Lucas 16:15

Maud̶e Jesusba ãchimaa jarasii: «Machi waabenarã daad̶e ẽbẽra bia kĩra nuree. Maamina Dachi Akõreba kuitaa b̶uu machi biawãra saka nuree. Ẽbẽrarãmaarã bibuara b̶uu, mau Dachi Akõremaarã biꞌiwãe b̶uu.

Juan 12:43

Dachi Akõreba ãchi ʉ̃rʉbena biꞌia berreai audeara mau judiorãba kʉ̃ria panasid̶au ẽbẽrarãba ãchi ʉ̃rʉbena biꞌia berread̶ai.

Juan 5:44

¿Saka mʉʉd̶e ijãad̶aima? Ab̶aburu kʉ̃ria panuu waabenarãba machi biꞌia unud̶ai. Maamina machiba jʉrʉd̶awẽe Dachi Akõre ab̶a niiba machi biꞌia unui.

Hechos 3:12

Pedroba mau unusiid̶e jarasii: «Machi Israeld̶ebena, ¿sakãe machi kʉ̃risia baraa panuma? ¿Sakãe daimaa ichia panuma? ¿Kʉ̃risia panuka ara daid̶eeba maebʉrã dai Dachi Akõre daad̶e jipa panuud̶eeba nau ẽbẽra aribiabisid̶au? ¡Makawãema!

Gálatas 6:12

Chi machi mukĩra chi kakua tõobi kʉ̃ria nureerãba maka waubadau, judiorãba biꞌia unud̶amera maud̶e ãchiba Cristo cruzd̶e biud̶a ʉ̃rʉbena jaradea panuu kakua ãchi kachirua waurãad̶amera.

Hebreos 11:26

Dachi Akõreba Dachi Karibabarii deai jarad̶a biawãra neei ijãasiid̶eeba, ichiba kʉ̃risiasii Egiptod̶ebena ne bia uru b̶uai audeara biꞌia b̶uu ãrea biꞌiwãe b̶uai. Kaad̶ebena ewarid̶e deai jarad̶a biꞌia adaui kʉ̃riasiid̶eeba maka kʉ̃risia b̶uasii.

Hebreos 2:1

Maud̶eeba chi biawãra bed̶ea ũriped̶aad̶ad̶e kauwa ãrea nibad̶ai panuu ãyaa wãrãad̶amera.

Hebreos 6:10

Dachi Akõre jipa niid̶eeba machiba biꞌia wau panuu maud̶e ichi kʉ̃ria panuu kʉde uru b̶uu ida b̶uubai. Ẽbẽrarã ichid̶irã aid̶a panuud̶eeba machiba unubisid̶au ichi kʉ̃ria panuu. Maud̶e wabid̶a maarã aid̶a panuu.

2 Juan 1:8

Kauwa panásturu machi setaa kũruabiarãad̶amera. Maka machiba chi Dachi Akõre baita wau panuu ichiba deai bad̶a wãꞌãe bai, maumaarã joma adaud̶ai.