Mateo 5:7 - Emberá Chamí

⁷ Biꞌia panuu chi waabenarã kĩra chuburiabadau, Dachi Akõreba machi kĩra chuburiaid̶eeba.

Mateo 5:7 Iomraidhean Croise

Marcos 11:25

Maud̶e machiba Dachi Akõremaa ʉtaa id̶i panuud̶e barikia ẽbẽra ome kĩra kachirua panuubʉrã, mau ẽbẽraba kachirua waud̶a perdonásturu. Makaaruubʉrã machiba kachirua wauped̶aad̶a machi Bajãad̶ebena Akõreba perdonai.

Lucas 6:35

»Maud̶eeba machi chi kĩramaabadaurã kʉ̃riásturu. Maarã biꞌia wáusturu. Maarãmaa ne kaebea deásturu. Maamina deaduud̶e maarãd̶e adaud̶ai kʉ̃risiarã́sturu. Makaburu machiba Dachi Akõred̶ebena adaud̶ai panuu ãrea mechia b̶uai maud̶e unubid̶ai biawãra machi Dachi Akõre chi mechiu nii warrarã panuu. Kachirua waubadaurã maud̶e ichimaa biꞌia b̶uu ad̶akaurã, ichiba ichi sõbiad̶eeba karibabarii.

Romanos 11:30

Machi judiowãerãba naed̶e Dachi Akõred̶e ijãad̶akau basii. Maamina judiorãba ijãad̶awẽa panuud̶eeba jãabae Dachi Akõreba machi kĩra chuburia b̶uu.

1 Corintios 7:25

Mau awara chi wabid̶a miakãid̶awẽa nuree ʉ̃rʉbena mʉʉba jaraaruu. Dachi Mechiu Jesucristoba mʉʉmaa mau ʉ̃rʉbena jaradeabiibasiid̶eeba mʉʉba kʉ̃risia b̶uu jaraaruu. Machiba kuitaa panuu Dachi Mechiuba mʉ kĩra chuburiasiid̶eeba mʉʉba biawãra jarabarii.

2 Corintios 4:1

Dachi Akõreba dachi maka kĩra chuburiad̶eeba ichi bed̶ea ida jaradeabia b̶u baerã daiba poyaad̶awẽe kʉ̃risiad̶akau.

Efesios 4:32

Sõbiad̶eeba nureásturu. Kĩra chuburia baraa nureásturu. Chi machiba kachirua wauped̶aad̶a kʉde uru b̶ee ida b̶ústuru, Dachi Akõreba machi kachirua Cristod̶eeba ida b̶ud̶a kĩra.

Colosenses 3:12

Dachi Akõreba machi kʉ̃riad̶eeba jʉrʉ adausii ichi baita biꞌia nuread̶amera. Maud̶eeba waabenarã kĩra chuburia panásturu. Ẽbẽra bia panásturu. Machi waabenarã audeara biꞌia nuree kʉ̃risiarã́sturu. Jomaurã ome kʉ̃risia biad̶eeba panásturu. Ne jomad̶e jãadua panásturu.

1 Timoteo 1:13

Naed̶e mʉʉba ichi ʉ̃rʉbena kachirua berreabachii maud̶e ichid̶irã kachirua waui baita wãraabachii. Waabenarãmaa kachirua berreabachii. Ichid̶e wabid̶a ijãawẽa b̶uasiid̶eeba maud̶e adua b̶uasiid̶eeba maka kachirua waubachii. Maamina ichiba mʉ kĩra chuburiasii.

1 Timoteo 1:16

Maamina maud̶eeba Dachi Akõreba mʉ kĩra chuburiasii. Maka Jesucristoba mʉ, chi aude kachirua wau b̶uad̶ad̶eeba unubisii ichi joma dauchia jãadua esed̶au b̶uai b̶uu. Mʉʉd̶eeba chi wabid̶a ijãad̶akaurãmaa kuitaabiasii saka ẽbẽra kachirua kĩra chuburiabarii ewaricha chokae b̶uamera.

Hebreos 4:16

Maud̶eeba Dachi Akõremaa wapead̶awẽa id̶id̶ai panuu ichi rey ãkau kub̶uumaa ara kaita wãaduu kĩra. Maka ichiba dachi kĩra chuburiai maud̶e ichiba karibamera ʉtaa id̶iiduud̶e ichi sõbiad̶eeba karibai.

Hebreos 6:10

Dachi Akõre jipa niid̶eeba machiba biꞌia wau panuu maud̶e ichi kʉ̃ria panuu kʉde uru b̶uu ida b̶uubai. Ẽbẽrarã ichid̶irã aid̶a panuud̶eeba machiba unubisid̶au ichi kʉ̃ria panuu. Maud̶e wabid̶a maarã aid̶a panuu.

Santiago 2:13

Chi waabenarã kĩra chuburiakau Dachi Akõreba ichiaruud̶e kĩra chuburiabai. Maud̶e chi waabenarã kĩra chuburiabadau biꞌia nuread̶ai.

Santiago 3:17

Maamina chi Dachi Akõreba dea b̶uu kʉ̃risia kuitaa uru nureerãba ne jomad̶e jipa waubadau, jomaurã ome jirukaraayuwãe nuread̶ai baita jʉrʉbadau, jomaurã ome biꞌia panabadau, ab̶auba jara b̶uu ũrid̶ai baita panabadau, waabenarã kĩra chuburiabadau maud̶e ne joma biꞌia waubadau. Ab̶a waabenarã audeara biꞌia waud̶akau. Ichiba jara b̶uu kĩra biawãra waubarii.

1 Pedro 2:10

Naed̶e machi Dachi Akõre puuruwãe basii, maamina jãabae Dachi Akõre puurubʉ. Naed̶e Dachi Akõreba machi kĩra chuburiawẽa b̶uasii, maamina jãabae kĩra chuburia b̶uu.