Mateo 5:47 - Emberá Chamí

⁴⁷ Maud̶e machiba ara machi ab̶aarakaurã́turu bia b̶uka aaduubʉrã, ¿ne aude bibuara waumaa panuma? Maud̶e Dachi Akõred̶e ijãad̶akau bid̶a ãchi ab̶aarakaurã maka waubadau.

Mateo 5:47 Iomraidhean Croise

Mateo 10:12

Mau ded̶e ed̶a wãaduud̶e Dachi Akõre trʉ̃d̶e chi ẽbẽrarãmaa biꞌia jarásturu apii jirukaraayuwãe panad̶amera.

Mateo 5:20

Mʉʉba biawãra jaraaruu: Moisesba b̶ʉd̶a jaradeabadaurãba wau panuu kãyabãra maud̶e fariseorãba wau panuu kãyabãra machiba jipa waud̶aabasiibʉrã, Bajãad̶e B̶uuba machi ichi juad̶e ua b̶uabai.

Mateo 5:46

Machiba chi machi kʉ̃riabadáuturu kʉ̃ria panuubʉrã, ¿kãare Dachi Akõreba machimaa ne bia deaima? Maud̶e Romad̶ebenarã chi aude mechiu baita chi nejarra pebadaurã kʉ̃ria panuu ãchi kʉ̃ria uru panuurã.

Mateo 5:48

Maud̶eeba jomaurã kʉ̃riakuásturu machi Akõre bajãad̶e b̶uuba jomaurã kʉ̃ria b̶uu kĩra.

Lucas 6:32

»Machiba chi machi kʉ̃riabadáuturu kʉ̃ria panuubʉrã, ¿kaiba machi biꞌia jaraima? Kachirua waubadaurã bid̶a ãchi kõpaerorã kʉ̃riabadau.

Colosenses 4:14

Ãba ʉrrmid̶ia deabarii Lucasba jarabʉi b̶uu machi biꞌia panad̶ai. Mau daiba kʉ̃ria panuu. Ãba Demas bid̶a jarabʉi b̶uu machi biꞌia panad̶ai.

Colosenses 4:15

Dachi ãbarã Laodicea puurud̶ebenarãmaa jarásturu mʉʉba jarabʉi b̶uu maarã biꞌia panad̶ai. Dachi neekau Ninfas maud̶e jomaurã ãbarã ichi ded̶e ãbua wãbadaurãmaa jarásturu mʉʉba jarabʉi b̶uu maarã biꞌia panad̶ai.

1 Pedro 2:20

Machiba kachirua wau panuu kakua chi chibariba kastikaaruubʉrã, machiba jãaduadumina ¿kaiba machi ʉ̃rʉbena biꞌia berreaima? Maamina biꞌia wau panuu kakua nebʉrad̶e panuud̶e jãaduaduubʉrã, Dachi Akõreba biꞌia unui.