Mateo 5:45 - Emberá Chamí

⁴⁵ Maka wauduubʉrã, machi bajãad̶ebena Akõre Mechiu warrarã panad̶ai. Mauba ʉmada koabibarii jomaurã ʉ̃rʉ; biꞌia nureerã ʉ̃rʉ maud̶e kachirua nureerã ʉ̃rʉ. Maud̶e ichiba kui chebibarii ichi bed̶ead̶e jara b̶uu kĩra waubadaurã ʉ̃rʉ, maud̶e ichi bed̶ead̶e jara b̶uu kĩra waud̶ai kʉ̃riad̶akau ʉ̃rʉ bid̶a.

Mateo 5:45 Iomraidhean Croise

Mateo 5:9

Biꞌia panuu jomaurã ome biꞌia kʉ̃riabadau maud̶e mau baita waubadau, Dachi Akõre warrarã ad̶aid̶eeba.

Lucas 6:35

»Maud̶eeba machi chi kĩramaabadaurã kʉ̃riásturu. Maarã biꞌia wáusturu. Maarãmaa ne kaebea deásturu. Maamina deaduud̶e maarãd̶e adaud̶ai kʉ̃risiarã́sturu. Makaburu machiba Dachi Akõred̶ebena adaud̶ai panuu ãrea mechia b̶uai maud̶e unubid̶ai biawãra machi Dachi Akõre chi mechiu nii warrarã panuu. Kachirua waubadaurã maud̶e ichimaa biꞌia b̶uu ad̶akaurã, ichiba ichi sõbiad̶eeba karibabarii.

Juan 13:35

Maka chiya kʉ̃ria duanuubʉrã, jomaurãba kuitaad̶ai machi mʉ baara nibabadau».

Hechos 14:17

Maamina ewaricha biꞌia wau b̶uud̶eeba ichiba kuitaabi b̶uu ichi biawãra nii. Ichiba bajãad̶ebena kui neebibarii maud̶e ne uu nub̶uu chaubiabarii. Maka ichiba dachi b̶i jãwaa kobiabarii maud̶e sõd̶e kĩrajʉʉbiabarii.

Efesios 5:1

Dachi Akõreba ichi warrarã ãrea kʉ̃ria b̶uu. Maud̶eeba machi ichi kĩra nureásturu.

Filipenses 2:15

Maka machi ʉ̃rʉbena kachirua jarad̶ayuswãe nuread̶ai maud̶e jipa nuread̶ai. Ẽbẽrarã ãrea kachirua waubadau tãed̶e panumina kachiruaswãe panásturu. Dachi Akõre warrarãd̶eeba ãchi tãed̶e ʉtarebena pusterrea ted̶echoabadau kĩra nuree.

1 Juan 3:9

Chi Dachi Akõre wãwa adaud̶a kĩra niiba kachirua waukau, Dachi Akõre chokae nibabiabarii ichid̶e b̶eebariid̶eeba. Dachi Akõred̶ebena neesiid̶eeba kachirua poyaa wau b̶uakau.