Mateo 5:4 - Emberá Chamí

⁴ Biꞌia panuu machi kĩra nomaa nuree, Dachi Akõreba mau kĩra nomaa wãꞌaebiid̶eeba.

Mateo 5:4 Iomraidhean Croise

Lucas 16:25

Maamina Abrahamba panausii: “Mʉʉba poyaa bʉibai. Warr, kĩrabase bichi chokae b̶uasiid̶e biꞌia b̶uabachii, maumaarã Lázaro miichuburi b̶uasii. Id̶i Lázaro b̶ari kʉrrjĩru b̶uu, maud̶e bichi ãrea biꞌiwãe b̶uu.

Lucas 6:21

Biꞌia panuu machi chi jarrbisia nuree Dachi Akõreba jãwaabiai b̶uud̶eeba. Biꞌia panuu machi chi kĩra nomaaba jẽa nuree Dachi Akõreba kĩrajʉʉbiai b̶uud̶eeba.

Lucas 6:25

Machi miichuburi panad̶ai chi ãrea jãwaa duanuurã, maad̶aare jarrbisia panad̶aid̶eeba. Machi miichuburi panad̶ai chi ʉ̃raud̶e ʉi duanuurã maad̶aare kĩra nomaaba jẽa panad̶aid̶eeba.

Lucas 7:38

Jẽa kub̶uuba Jesús kaita neeped̶a, ichi daub̶aaba Jesús jʉ̃rʉ koesii. Maabae ichi bud̶aba poaped̶a Jesús jʉ̃rʉ ĩyaaped̶a ichiba kera adoed̶aba purusii.

Lucas 7:50

Maud̶e Jesusba wẽramaa jarasii: —Bichiba mʉʉd̶e ijãasiid̶eeba kachiruad̶ebena karibasii. Jirukaraayuwãe wãse.

Santiago 1:12

Ab̶a kachirua waui kʉ̃risia dauchia jãadua b̶uubʉrã, Dachi Akõre daad̶e ãrea biꞌia b̶uu. Joma dauchia jãaduaruud̶e Dachi Akõreba boro jũra dearuu kĩra ichi ewaricha chokae b̶uabii. Dachi Akõreba joma ichi kʉ̃ria nureerã biawãrad̶eeba maka chokae b̶uabiai.

Apocalipsis 21:4

Ãchi dau b̶aa ichiba joma poabiai. Naed̶e b̶uad̶a joma wãꞌãesiid̶eeba, maarã waa biud̶aabai, jẽad̶aabai, kĩra nomaa jẽad̶aabai, maud̶e waa biꞌiwãe panad̶aabai».