Mateo 5:37 - Emberá Chamí

³⁷ Machiba ne waud̶ai aaduubʉrã, wáusturu. Maud̶e waud̶aabai aaduubʉrã, waurã́sturu. Mau barikiu trʉ̃d̶eeba biawãra ne waui jaraaruu kachiruad̶ebena nee b̶uu.

Mateo 5:37 Iomraidhean Croise

Mateo 13:19

Netaa od̶e pod̶aba nau jara b̶uu: Bajãad̶e B̶uuba ichid̶irã ichi juad̶e ua b̶uu ʉ̃rʉbena ab̶a bid̶a ũriped̶a kuitaawẽebʉrã, jʉbawãe niiba mau bed̶ea ichi sõd̶e need̶a kʉde b̶eebikau ijãarãamera.

Mateo 13:38

Ne uu nub̶uu nau druabʉ. Chi netaa bia Bajãad̶e B̶uuba ichid̶irã ichi juad̶e ua b̶uud̶ebena ẽbẽrarãbʉ. Sirua kachirua, chi miadaa aude mechiu niid̶ebʉ.

Mateo 15:19

Ẽbẽra sõd̶ebena nakʉ kʉ̃risia kachirua awara wãbarii: mia beayu; ab̶a miakãid̶a junebena ome kãi nub̶eeyu; waabenarã ome ne kachirua wauyu; chiruayu; setaa jarayu; ab̶au ʉ̃rʉbena miadaa berreayu; makʉ kʉ̃risia.

Mateo 5:36

Maud̶e ara bichi trʉ̃d̶eeba biawãra ne waui arã́se, bichi bud̶a ab̶a bid̶a poyaa torroabiibai b̶uud̶eeba maud̶e poyaa paimaabiibai b̶uud̶eeba.

Mateo 6:13

Dai kachiruad̶e b̶aebiarã́se, maumaarã kachiruad̶ebena karibase”. [Bichiaburu joma bichi juad̶e ua b̶uu, joma poyaabarii maud̶e ewaricha chi mechiu nii.]

Juan 17:15

Mʉʉba bichimaa id̶iwẽa b̶uu maarã nau iujãad̶ebena ãyaa adoemera, maumaarã id̶i b̶uu kachiruad̶ebena nu b̶uamera.

Juan 8:44

Machi akõre chi jʉbawãe niibʉ. Maud̶eeba ichiba kʉ̃ria b̶uu machiba waud̶ai kʉ̃ria panuu. Mau arab̶aed̶eed̶e mia beabariibʉ. Biawãrad̶eeba b̶uakau, chi biawãra ichid̶e wãꞌãed̶eeba. Setaa jaraaruud̶e, ara ichi kĩra setaa jarabarii, setaa jarabariid̶eeba maud̶e seta akõred̶eeba.

Efesios 4:25

Maud̶eeba setaa ida b̶ústuru. Ab̶aburu biawãráturu waabenarã ome berreásturu, joma dachi arab̶au kakuad̶ebenad̶eeba.

Efesios 6:16

Mau awara ne jomad̶e Cristod̶e ijãa panásturu, kokoroaba ichi juad̶e adaubarii ad̶u mirubarii kĩra. Jʉbawãe niiba kachiruad̶e b̶aebii chaaruud̶e, enadrʉma aoko b̶uuba drʉʉruu kĩra b̶uu. Maamina machiba Cristod̶e ijãa panuubʉrã, dauchia jãadua panad̶ai chi juad̶e adaubarii ad̶u mirubariiba chi enadrʉma kid̶a aoko b̶uu kiibibarii kĩra.

Colosenses 3:9

Waabenarãmaa setaa jararã́sturu. Machi ẽbẽra Cristod̶e ijãad̶ai naed̶e maka panad̶a ida b̶usid̶au, dachiba chi paru sore ẽebadau kĩra. Maud̶e machiba kachirua wauped̶aad̶a ida b̶usid̶au.

Colosenses 4:6

Bed̶ea biad̶eeba berreásturu jomaurãba biꞌia ũrid̶amera. Maka Cristo ʉ̃rʉbena id̶iiduud̶e machiba kuitaa panad̶ai saka panaud̶ai panuu.

2 Tesalonicenses 3:3

Maamina Dachi Mechiuba waui ichiba jara b̶uu kĩra. Ichiba machi aid̶a b̶uai dauchia jãadua panad̶amera maud̶e kachiruad̶ebena kariba b̶uai.

Santiago 5:12

Mau awara ãbarã, ab̶au trʉ̃d̶e biawãra ne waud̶ai arã́sturu. Bajãa trʉ̃d̶eeba, nau iujãa trʉ̃d̶eeba maebʉrã barikiad̶e biawãra waud̶ai arã́sturu. Waud̶ai aaduubʉrã, biawãra wáusturu. Maud̶e waud̶awẽe aaduubʉrã, biawãra waurã́sturu. Maka Dachi Akõreba machi nebʉra ichiabai.

1 Juan 2:13

Chõrarã, mʉʉba nau karta machi baita b̶ʉ b̶uu chi arab̶aed̶eed̶e nibad̶a wabid̶a nii, mau unubadaud̶eeba. Kũudrãarã, mʉʉba nau karta machi baita b̶ʉ b̶uu jʉbawãe nii poyaasid̶aud̶eeba. Warrarã, mʉʉba nau karta machi baita b̶ʉ b̶uu Dachi Bajãad̶ebena Akõre unusid̶aud̶eeba.

1 Juan 3:12

Caín kĩra panad̶aabai panuu. Jʉbawãe niid̶e basiid̶eeba chi ãba beasii. ¿Sakãe ichi ãba beasma? Beasii ichi ãbaba wau b̶uad̶a Dachi Akõre daad̶e biꞌia b̶uasiid̶eeba maud̶e ichiba waud̶a kachirua b̶uasiid̶eeba.

1 Juan 5:18

Dachiba kuitaa panuu Dachi Akõre warrarãba kachirua wau panad̶akau, Dachi Akõre Warr Jesucristoba ãchi nu ua b̶uud̶eeba. Mauba jʉbawãe niiba ãchi kachirua poyaa waukau.