Mateo 5:29 - Emberá Chamí

²⁹ »Maud̶eeba bichi dau jua biarebenaba bichimaa kachirua waubiiruubʉrã, chi dau ẽetaped̶a jiratase, mau kachirua waurãamera. Bichi kakuad̶ebena ab̶a wãꞌãerumina ewaricha Dachi Akõre ome b̶uai. Mau bibuara b̶uu Dachi Akõreba joma bichi kakua tʉbʉchia aoko kub̶uu kiikaud̶e jiratai bad̶amaarã.

Mateo 5:29 Iomraidhean Croise

Mateo 10:28

Nau chi kakua beabadaurã wapearã́sturu, jãarãba beaped̶aad̶akare waa poyaa waud̶aabaid̶eeba. Maamina dachi jauri poyaa bead̶aabai. Maumaarã chi kakua maud̶e dachi jauri tʉbʉchia aoko kub̶uu kiikaud̶e baai b̶uu wapeásturu.

Mateo 11:6

Chi mʉʉd̶e ijãai ida b̶ukau nii biꞌia b̶uai.

Mateo 16:26

Ẽbẽra nau iujãad̶e ne joma uru b̶uud̶e biuruubʉrã, ¿ichiba uru b̶uuba karibai b̶uka? Biubiimaaba ichiba uru b̶uud̶ebena ¿sãabe poyaa deaima?

Mateo 17:27

Dachi Mechiu ẽbẽrarãmina, mau chi nejarra dead̶ai, ẽbẽrarãba kachirua kʉ̃risiarãad̶amera dachi ʉ̃rʉbena. Maud̶eeba mard̶aa b̶eda ʉad̶e wãse. Chi b̶eda naa bearuu okarrd̶e sẽetao ab̶a unui. Mau chi nejarra adoeped̶a dease mʉʉba deai bad̶a maud̶e bichiba deai bad̶a.

Mateo 19:12

Chi nureeba poyaa warr waud̶akau chi naweba chi warr adauped̶aad̶ad̶eed̶ebena. Chi nureeba poyaa warr waud̶akau maka panabiped̶aad̶ad̶eeba. Maud̶e waabenarãba miakãid̶ai kʉ̃riad̶akau ãchi Mechiu Bajãad̶e B̶uu baita ne waud̶ai baita. Machi poyaa du panuubʉrã, maka panásturu.

Mateo 23:15

»¡Machi fariseorã, Moisesba b̶ʉd̶a jaradeabadaurã, chi setaa ẽbẽra bia nuree abadau, miichuburi nuree Dachi Akõreba kastikaid̶eeba! Machi nau iorod̶e maud̶e mard̶e bid̶a jaradea nibabadau ab̶aumaa ijãabid̶ai baita. Maamina mau ijãaruu machi audeara kachirua b̶eeped̶a aude tʉbʉchia aoko kub̶uu kiikaud̶e b̶uai.

Mateo 23:33

»¡Machi dama kachirua kĩra nuree! ¿Dachi Akõreba machi nebʉra baraa panuu aped̶a, tʉbʉchia aoko kub̶uu kiikaud̶e bʉibai b̶uu a kʉ̃risia panuu kĩra?

Mateo 5:22

Maamina mʉʉba jaraaruu: barikiu waabena ome kĩruuruubʉrã Dachi Akõreba kastikai. Barikiuba waabenamaa sũreena aaruubʉrã machi jaradea ua b̶uabadaurãba kastikad̶ai. Maud̶e barikiuba waabenamaa kachirua jaraaruubʉrã, Dachi Akõreba tʉbʉchia aoko kub̶uu kiikaud̶aa wãbii.

Mateo 5:30

Maud̶e bichi jua biarebenaba bichimaa kachirua waubiiruubʉrã, bichi jua b̶ʉatutaped̶a jiratase mau kachirua waurãamera. Bichi kakuad̶ebena ab̶a wãꞌãerumina ewaricha Dachi Akõre ome b̶uai. Mau bibuara b̶uu Dachi Akõreba joma bichi kakua tʉbʉchia aoko kub̶uu kiikaud̶e jiratai bad̶amaarã.

Marcos 8:36

Ẽbẽra nau iujãad̶e ne joma uru b̶uud̶e biuruubʉrã, ¿ichiba uru b̶uuba karibai b̶uka?

Lucas 12:5

Mʉʉba machimaa jaraaruu kai biawãra wapead̶ai panuu. Machiba wapead̶ai panuu nau kakua beaped̶a poyaa dachi jauri tʉbʉchia aoko kub̶uu kiikaud̶aa bʉi b̶uu. Mʉʉba biawãra jaraaruu mau wapead̶ai panuu.

Romanos 6:6

Dachiba kuitaa panuu dachi kʉ̃risia chõra biusii Cristo baara cruzd̶e jirab̶uped̶aad̶a kĩra. Maka dachi kʉ̃risia chõraba nau kakuaba kachirua wau kʉ̃ria b̶uu waa poyaa waubiibai. Dachi waa kachirua baita bari trajabadaurãwãema.

Romanos 8:13

Machi nau kakuaba wau kʉ̃ria b̶uud̶eeba nibaaduubʉrã biud̶ai. Maamina chi nau kakuaba kachirua wau kʉ̃ria b̶uu Dachi Akõre Jaurid̶eeba ida b̶uuduubʉrã, Dachi Akõre ome chokae panad̶ai.

1 Corintios 9:27

Maumaarã mʉ kakua chaarea wau b̶uu maud̶e mʉ kakuaba waubai b̶uu mʉʉba waubi b̶uu. Maka joma wau b̶uu Dachi Akõreba deai jarad̶a adaui baita. Maka wauwẽebʉrã, mʉʉba ẽbẽrarãmaa jaradea b̶uasmina Dachi Akõreba deai jarad̶a poyaa adaubai.

Gálatas 5:24

Cristod̶erãba chi nau kakuaba ne joma kachirua wau kʉ̃ria b̶uu cruzd̶e jirab̶u beasid̶au.

Colosenses 3:5

Maud̶eeba joma nau iujãad̶ebena kʉ̃risia machi sõd̶e b̶uu ida b̶ústuru. Dachi kakuaba barikiu kachirua waurã́sturu, mia kĩra nejasia waurã́sturu, ne mia pera waurã́sturu, kʉ̃risia kachirua kʉ̃risiarã́sturu, maud̶e ne kaebea ãrea uru panad̶ai kʉ̃ria panarã́sturu. Chi ne kaebea ãrea kʉ̃ria b̶uu, Dachi Akõre kuenda juaba ne kaped̶aad̶ad̶e ijãa b̶uu kĩra nii.