Mateo 5:22 - Emberá Chamí

²² Maamina mʉʉba jaraaruu: barikiu waabena ome kĩruuruubʉrã Dachi Akõreba kastikai. Barikiuba waabenamaa sũreena aaruubʉrã machi jaradea ua b̶uabadaurãba kastikad̶ai. Maud̶e barikiuba waabenamaa kachirua jaraaruubʉrã, Dachi Akõreba tʉbʉchia aoko kub̶uu kiikaud̶aa wãbii.

Mateo 5:22 Iomraidhean Croise

Mateo 10:17

Ẽbẽrarã tãed̶e kauwa nureásturu. Ãchiba machi chi jaradea ua b̶uabadaurãmaa jidau eneed̶aped̶a judiorã araa ãbua imibadau ded̶e soaba ped̶ai.

Mateo 10:28

Nau chi kakua beabadaurã wapearã́sturu, jãarãba beaped̶aad̶akare waa poyaa waud̶aabaid̶eeba. Maamina dachi jauri poyaa bead̶aabai. Maumaarã chi kakua maud̶e dachi jauri tʉbʉchia aoko kub̶uu kiikaud̶e baai b̶uu wapeásturu.

Mateo 12:24

Maamina ãchiba maka jara panuu fariseorãba ũrisid̶au. Maarãba jarasid̶au: «Jãu ẽbẽraba chi jai kachirua nuree duabʉibarii, chi jai kachirua nuree karr Beelzebuba mau poyaabarii deasiid̶eeba».

Mateo 17:5

Pedro maka berrea b̶uud̶e jʉ̃rʉara ʉ̃d̶aa b̶uu ãchi ʉ̃rʉ neesii. Mau jʉ̃rʉarad̶ebena nau bed̶ea jĩwa ũrisid̶au: «Nau mʉ Warrbʉ. Mʉʉba mau ãrea kʉ̃ria b̶uu maud̶e mau kakua kĩrajʉʉ b̶uu. Mauba jara b̶uu ũrísturu».

Mateo 18:21

Maabae Jesús kaita neeped̶a Pedroba id̶isii: —Mʉ Mechiu, mʉ ãbaba mʉ kachirua wauruud̶e ¿sãabe b̶es perdonai b̶uma? ¿7 b̶es bia b̶uka?

Mateo 18:35

»Ara mau kĩra waui mʉ Chacha bajãad̶e b̶uuba machi ome, machiba machi ãbarã kĩra chuburiad̶awẽebʉrã maud̶e sõd̶eeba perdonad̶awẽebʉrã maarãba machimaa ne kachirua wauped̶aad̶a.

Mateo 23:15

»¡Machi fariseorã, Moisesba b̶ʉd̶a jaradeabadaurã, chi setaa ẽbẽra bia nuree abadau, miichuburi nuree Dachi Akõreba kastikaid̶eeba! Machi nau iorod̶e maud̶e mard̶e bid̶a jaradea nibabadau ab̶aumaa ijãabid̶ai baita. Maamina mau ijãaruu machi audeara kachirua b̶eeped̶a aude tʉbʉchia aoko kub̶uu kiikaud̶e b̶uai.

Mateo 23:33

»¡Machi dama kachirua kĩra nuree! ¿Dachi Akõreba machi nebʉra baraa panuu aped̶a, tʉbʉchia aoko kub̶uu kiikaud̶e bʉibai b̶uu a kʉ̃risia panuu kĩra?

Mateo 25:41

»Maabae mʉ jua sordoare panuurãmaa jarai: “Machi, chi Dachi Akõreba nebʉra barau abadaurã, mʉ jãkaabena ãyaa wã́sturu tʉbʉchia kiikaud̶aa. Mau Dachi Akõreba b̶usii jʉbawãe nii, ichid̶irã baara kastikai baita.

Mateo 26:59

Joma paare mechiurãba maud̶e joma judiorã mechiurãba ẽbẽrarã jʉrʉsid̶au Jesús ʉ̃rʉbena setaa kachirua berread̶amera. Maka Jesús beabid̶ai basii.

Mateo 3:17

Bajãad̶ebena mimi ab̶a ũrisid̶au. Naka jarasii: «Nau chi mʉʉba kʉ̃ria inii. Mʉ ichi kakua ãrea kĩrajʉʉ b̶uu».

Mateo 5:34

Maamina mʉʉba jaraaruu: ab̶au trʉ̃d̶e biawãra ne waud̶ai arã́sturu. Bajãa trʉ̃d̶eeba biawãra ne waui arã́sturu, bajãa Dachi Akõre rey ãkau kĩra b̶uud̶eeba.

Mateo 5:44

Maamina mʉʉba jaraaruu: machi kĩramaabadaurã kʉ̃riásturu. Chi machimaa kachirua jaraaduumaa biꞌia jarásturu; machi kĩramaa panuu biꞌia wáusturu. Dachi Akõremaa ʉtaa id̶ísturu ãchi aid̶amera.

Marcos 14:55

Joma paare mechiurãba maud̶e joma judiorã mechiurãba ẽbẽrarã jʉrʉsid̶au Jesús ʉ̃rʉbena setaa kachirua berread̶amera. Maka Jesús beabid̶ai basii. Maamina ab̶a bid̶a unud̶aabasii jidead̶ai baita.

Marcos 15:1

Daped̶eed̶e paare mechiurã, chi judiorã mechiurã maud̶e chi Moisesba b̶ʉd̶a jaradeabadaurã, maarã jomaurãba, ãbua bed̶ea deasid̶au Jesús Pilatomaa adoed̶ai baita. Ara makʉd̶e Jesús jʉ̃d̶aped̶a adoesid̶au.

Lucas 12:5

Mʉʉba machimaa jaraaruu kai biawãra wapead̶ai panuu. Machiba wapead̶ai panuu nau kakua beaped̶a poyaa dachi jauri tʉbʉchia aoko kub̶uu kiikaud̶aa bʉi b̶uu. Mʉʉba biawãra jaraaruu mau wapead̶ai panuu.

Lucas 22:66

Ewarimaa puurud̶ebena chi mechiurã ãbua duanasid̶au. Paare mechiurã maud̶e Moisesba b̶ʉd̶a jaradeabadaurã duanasid̶au. Maabae Jesús ãchi daad̶e eneebisid̶au. Ichimaa naka jarasid̶au:

Juan 11:47

Maud̶eeba fariseorã maud̶e paare mechiurã ome araa ãbua imid̶ai jarasid̶au. Naka jarasid̶au: —Dachiba ¿saka waud̶aima? Mauba ẽbẽrarãba ne poyaa waud̶akau ãrea wau b̶uu.

Juan 15:25

Maka panuu ãchi leyd̶e jara b̶uu kĩra. Naka jara b̶uu: “Ãchi kʉ̃riaba mʉ kĩramaabachid̶au”.

Juan 7:20

Maud̶e ẽbẽrarãba id̶isid̶au: —¿Kaiba bichi bea kʉ̃ria b̶uma? ¿Jai kachirua bichi kakuad̶e b̶uuba maka kʉ̃risiabi b̶uka?

Juan 8:48

Maabae judiorãba Jesusmaa jarasid̶au: —¿Bichi Samariad̶ebenawãeka maud̶e jai kachirua uru b̶uu? ¿Daiba arakʉd̶e jarad̶awẽa panuka?

Hechos 17:18

Aria chi nuree kuitaa nuree Epicureod̶ebenarã maud̶e Estoicod̶ebenarã berrea paneesid̶au Pablo ome. Maarã chi nureeba jarabachid̶au: «¿Kãare jara kʉ̃ria b̶uma, nau chi bed̶ea ãrea niiba?» Waabenarãba jarabachid̶au: «Daimaarã, ãibena druad̶ebena akõre mechiu ʉ̃rʉbena jaradea b̶uu». Maka jarabachid̶au Pabloba jaradeamaa b̶uad̶ad̶eeba chi bed̶ea bia Jesús ʉ̃rʉbena maud̶e jaradeabachid̶eeba dachi biud̶a maad̶akare waya chokae jiradud̶ai.

Hechos 22:30

Norema kokoroa chi aude mechiuba wabid̶a kuitaa kʉ̃ria b̶uasii sakãe judiorãba Pablo jidea panasid̶au. Maud̶eeba ichi kaenaba jʉ̃ b̶uad̶a ena b̶usii. Maabae ichiba joma paare mechiurã maud̶e judiorã mechiurã araa ãbua imibiasii. Maud̶e Pablo adoeped̶a ãchi daad̶e b̶usii.

Hechos 23:1

Pabloba judiorã karrarãmaa ichiaped̶a jarasii: —Mʉ ãbarã, mʉ jirukaraayuwãe b̶uu kuitaa b̶uud̶eeba id̶i bid̶a Dachi Akõre daad̶e biꞌia niba.

Hechos 24:20

Makawẽebʉrã cha panuurãba jarad̶ai panuu kãare kachirua unusid̶au chi mechiurã daad̶e mʉ adoesid̶aud̶e.

Hechos 4:15

Maud̶e Pedromaa maud̶e Juanmaa jarasid̶au awara esed̶aud̶e wãd̶amera. Maabae chiya berrea bara berreasii.

Hechos 5:21

Maka ũrid̶aped̶a norema daped̶e maarã Dachi Akõre de mechiud̶e ed̶a wãsid̶au maabae jaradea kopaneesid̶au. Maumisa mau paare mechiuba maud̶e ichi baara panad̶aba iud̶e bʉisid̶au joma chi Israeld̶ebenarã chõrarã araa ãbua imid̶amera maud̶e berread̶amera. Maabae chi Jesusba bʉid̶arã chi ẽbẽra jʉ̃abadaumarebena adaubiasid̶au.

Hechos 5:27

Adoed̶aped̶a chi jaradea ua b̶uabadaurã daad̶e ʉkʉ nub̶ud̶aped̶a chi paare mechiuba ãchimaa jarasii:

Hechos 6:12

Maka ãchiba puurud̶ebenarã, judiorã chi chõrarã maud̶e chi Moisesba b̶ʉd̶a jaradeabadaurã kĩrubikasid̶au. Maud̶eeba Esteban jidaud̶aped̶a chi ẽbẽrarã araa ãbua imibiabadaurã duanuumaa adoesid̶au.

Hechos 6:15

Chi judiorã mechiurã joma aria akʉ duanuuba Esteban ichiaduud̶e unusid̶au ichi kĩedarr ángel kĩedarr kĩra b̶uu.

Hechos 7:37

Ara mau Moisesba israeld̶ebenarãmaa jarasii: “Dachi Akõreba mʉ bʉid̶a kĩra ichi baita berreabarii ab̶a machimaa bʉii. Mau ẽbẽra ara machi puurud̶ebena bai. Mauba jaraaruu ijã́sturu”.

Romanos 12:10

Biawãra kʉ̃riad̶eeba chiya kʉ̃ria panásturu. Kʉ̃risia sõbiad̶eeba chiya wapeadee panásturu maud̶e waabenarã ʉ̃rʉbena biꞌia kʉ̃risiásturu.

1 Corintios 6:6

Mau ãyaa ãba waabena ãba ome kĩru berread̶aped̶a nau iujãad̶ebena juezrãmaa wãbadau. Biawãra maka waud̶aabai panuu chi Dachi Akõred̶e ijãad̶akaurã daad̶e kĩru berreabadaud̶eeba.

1 Tesalonicenses 4:6

Maud̶éburu dachi ãbarãmaa kachirua waurã́sturu maud̶e seta sid̶a waurã́sturu. Joma mau Dachi Mechiuba kastikai, daiba machimaa jaraped̶aad̶a kĩra.

Tito 3:2

Ãbarãmaa jarase: ab̶au ʉ̃rʉbena kachirua berread̶awẽa panad̶ai panuu maud̶e oa kachirua berread̶awẽa panad̶ai panuu, maumaarã jomaurã ome sõbia nuread̶ai panuu, maarã audeara kʉ̃risiad̶awẽa.

Hebreos 12:25

Maud̶eeba kauwa duanásturu Dachi Akõreba jara b̶uu ida b̶urãad̶amera. Chi ichiba nau iujãad̶e Sinaí ead̶e jarad̶a ida b̶uped̶aad̶arã kastikad̶ebena poyaa jĩichoad̶aabasii. Maud̶eeba chi ichiba bajãad̶ebena dachi sõd̶e jara b̶uu ida b̶uuduubʉrã ¿jĩichoad̶aika? Jĩichoad̶aabai b̶uu.

Hebreos 5:9

Ne jomad̶e biꞌia wausiid̶eeba, joma chi ũribaba ũriiduu poyaa karibai b̶uu ewaricha chokae nuread̶amera.

Santiago 2:20

¡Bichi kʉ̃risiaswãe nii! Chi Jesucristod̶e ijãa b̶uu a b̶uuba biꞌia wauwẽebʉrã biawãra ijãawẽa b̶uu. ¿Mʉʉba bichimaa kuitaabii b̶uka?

Santiago 3:6

Dachi kẽrame tʉbʉchia kĩra niid̶eeba joma kachirua jarabarii. Ab̶a mau dachi kakuad̶ebenad̶eeba dachi kakua joma pobibarii ab̶a biuduud̶aa. Maud̶e jʉbawãe niiba kachirua berreabiabarii tʉbʉchia koabiiruu kĩra.

1 Pedro 2:23

Ẽbẽrarãba ichi kachirua jarasid̶aud̶e ichiba ãchimaa kachirua jaraabasii. Ichi kachirua wausid̶aud̶e ichiba waya ãchi kachirua waui a jaraabasii. Maumaarã Dachi Akõreba nebʉra jipa ichiabariid̶eeba ichi kachirua wau panuu Dachi Akõre juad̶e b̶ubachii.

1 Pedro 3:9

Ab̶auba machi kachirua wauruubʉrã ara mau kĩra waurã́sturu. Kachirua jaraaruubʉrã ara mau kĩra kachirua jararã́sturu. Maumaarã ʉtaa id̶ísturu Dachi Akõreba mau aid̶amera. Kuitaa panuu Dachi Akõreba machi adausii maka nuread̶amera. Maka nureebʉrã, Dachi Akõreba machi sid̶a aid̶ai.

1 Juan 2:9

Ab̶auba ʉ̃d̶aad̶e b̶uu aaruubʉrã, maamina ichi ãba kĩramaa b̶uubʉrã, wabid̶a pãriud̶e b̶uu.

1 Juan 3:10

Naud̶eeba dachiba kuitaa panuu kairã Dachi Akõre warrarã maud̶e kairã jʉbawãe nii warrarã. Chi jipa wauwẽa b̶uu Dachi Akõre warrwãe. Maud̶e chi ichi ãba kʉ̃riawẽa b̶uu Dachi Akõre warrwãe.

1 Juan 5:16

Machid̶ebena ab̶auba bichi ãba kachirua dachi biubikau wauruu unuuruubʉrã, ʉtaa id̶ii b̶uu. Maka Dachi Akõreba mau perdonaped̶a, chokae nibabii. Maamina dachi biubibarii kachirua baraubʉ. Mʉʉba jarawẽa b̶uu chi mau kachirua waubadaurã kakua ʉtaa id̶imera.

Judas 1:9

Maamina chi ángel aude mechiu nii Miguel abadauba maka wauka basii. Moisés biusiid̶e Miguel chi mau kakua ʉ̃rʉbena jʉbawãe nii ome chi kai juad̶e b̶eei ʉ̃rʉbena kĩru berreasid̶au. Maamina jʉbawãe niimaa kachirua jarai kʉ̃risiabasii, maumaarã jarasii: «Dachi Mechiuba bichi kastikai».

Apocalipsis 20:14

Dachi Akõreba chi biud̶ai joma wãꞌãebisii ea chob̶ead̶e azufre bara aoko nub̶uud̶e jirataaruu kĩra. Biuped̶aad̶a panabadaumarebena sid̶a aria jiratasii. Mau ea chob̶ead̶e azufre bara aoko nub̶uu b̶es ome biui jara b̶uu.