Mateo 5:19 - Emberá Chamí

¹⁹ Maud̶eeba ẽbẽra ab̶aba Dachi Akõreba waubi b̶uu bed̶ead̶ebena jara b̶uu kĩra wauwẽebʉrã, b̶aꞌãra wau b̶umina; maebʉrã waabenarãmaa maka jaradearuubʉrã mau bed̶ea ũribiabayua, mau ẽbẽra waabenarã audeara kaebeu b̶uai, Bajãad̶e B̶uuba ichid̶irã ichi juad̶e ua b̶uu tãed̶e. Mau ãyaa ẽbẽra ab̶aba wauruud̶e mau bed̶ea jarad̶ad̶e jara b̶uu kĩra maud̶e waabenarãmaa jaradearuud̶e maarã bid̶a waud̶amera, mau waabenarã audeara Bajãad̶e B̶uuba ichid̶irã ichi juad̶e ua b̶uu mechiu b̶uai.

Mateo 5:19 Iomraidhean Croise

Mateo 11:11

»Mʉʉba biawãra jaraaruu: nau druad̶e ab̶a bid̶a Juan audeara mechiu wãꞌãe. Maamina Bajãad̶e B̶uuba ichid̶irã ichi juad̶e ua b̶uud̶ebena chi aude kaebeu nii ichi audeara chi mechiu nii.

Mateo 19:28

Jesusba panausii: —Mʉʉba biawãra jaraaruu: Dachi Akõreba ne joma chiwid̶i waui ewarid̶e mʉ, chi Ẽbẽra Ba B̶uad̶a mʉ rey ãkau biad̶e akʉ b̶eei. Maud̶e machi mʉ baara nibabadaurã 12 rey ãkaud̶e akʉ paneed̶ai Israeld̶ebena neeped̶aad̶a 12 puuru nebʉra ichiad̶ai baita.

Mateo 20:26

Maamina machi maka nuread̶aabai panuu. Machid̶ebena chi mechiu nibai kʉ̃ria b̶uubʉrã waabenarã baita bari trajabarii b̶uai b̶uu.

Mateo 28:20

Maarãmaa jaradeásturu mʉʉba machimaa jarad̶a joma waud̶amera. Maud̶e mʉ machi baara ewaricha b̶uai nau ewari wãꞌãeruud̶aa.

Lucas 11:42

»¡Machi fariseorã miichuburi nuree Dachi Akõreba kastikaid̶eeba! Machiba menta kiruu, ruda kiruu maud̶e uu nub̶uud̶ebena 10 chauduucha, ab̶a Dachi Akõremaa deabadau. Maamina waabenarã ome jipa waud̶akau maud̶e Dachi Akõre kʉ̃riad̶akau. Maka waud̶ai panuu, machiba kiruu deabadau kĩra Dachi Akõremaa.

Lucas 9:48

Maud̶e naka jarasii: —Ab̶auba mʉʉd̶e ijãa b̶uud̶eeba nau warr biꞌia irsibiiruubʉrã, mʉ sid̶a biꞌia irsibiiruu. Maud̶e mʉ biꞌia irsibiiruuba chi mʉ bʉid̶a biꞌia irsibiiruu. Machid̶ebena chi kaebeu nii Dachi Akõre daad̶e chi mechiu nii.

Hechos 1:1

Teófilo, mʉʉba chi nabena kartad̶e b̶ʉsii Jesusba wau b̶uad̶a ʉ̃rʉbena maud̶e ichiba jaradea b̶uad̶a ʉ̃rʉbena,

Romanos 3:8

Makarã ¿dachiba kachirua waud̶ai panuka ẽbẽrarãba Dachi Akõremaa biꞌia berread̶amera? Chi nureerãba ãchi kʉ̃risia kachiruad̶eeba jarabadau daiba maka jaradea panuu. Chi maka jara nuree Dachi Akõreba biawãra nebʉra barau ai.

Romanos 6:1

¿Mau ʉ̃rʉbena saka kʉ̃risia panuma? ¿Dachi wabid̶a kachiruad̶e nibad̶ai panuka Dachi Akõreba ichi sõbiad̶eeba aude kĩra chuburiamera?

Romanos 6:15

¿Mau ʉ̃rʉbena saka kʉ̃risia panuma? Dachi Akõreba ichi sõbiad̶eeba dachi karibasiid̶eeba maud̶e Moisesba b̶ʉd̶ad̶e dachi duanuuwãed̶eeba ¿kachirua waud̶ai panuka? ¡Makawãema!

1 Timoteo 6:11

Maamina bichiba Cristod̶e ijãa niid̶eeba joma maud̶ebena ãyaa wãse. Jipa nibase. Dachi Akõre baara wãse. Sõd̶eeba biawãra Cristod̶e ijãa b̶uase. Jomaurã kʉ̃ria b̶uase. Joma jãaduase. Jaradea ua b̶uabarimina, jomaurã ome sõbiad̶eeba b̶uase.

Tito 3:8

Mau bed̶ea biawãrad̶eeba, mau ijãad̶ai panuu. Mʉʉba kʉ̃ria b̶uu bichiba mau ãrea jaradea b̶uai Dachi Akõred̶e ijãabadaurãba ne joma biꞌia wau wãd̶amera. Mau bed̶ea ãrea biꞌia b̶uu. Jomaurã karibabarii.

1 Pedro 5:4

Maabae Cristo dachi Nubarii chi Mechiu neeruud̶e machi chi mechiurã babiai boro jũra ãrikau dearuu kĩra.

1 Juan 3:4

Chi kachirua wau b̶uuba Dachi Akõre ley waukau. Mau kachirua wauruud̶e, Dachi Akõre maud̶e chi ley kʉ̃riakau.

Apocalipsis 2:20

Maamina mʉʉba nau miadaa unu b̶uu: Machiba wẽra Jezabel abadauba chi setaa jaradea b̶uu ida kabi panuu. Ara mauba Dachi Akõre baita berreabarii abarii. Maamina chi mauba jaradea b̶uud̶eeba mʉ baita bari trajabadaurã setaa kũrua b̶uu kĩra dachi kakuaba barikiu kachirua wau panad̶amera maud̶e kiuru Dachi Akõre kuenda juaba ne kaped̶aad̶amaa baa deabadau kod̶amera.