Mateo 5:17 - Emberá Chamí

¹⁷ »Kʉ̃risiarã́sturu mʉ neesii Moisesba b̶ʉd̶a maebʉrã Dachi Akõre baita berreabadaurãba b̶ʉped̶aad̶a ida b̶ui baita. Mʉ mau kakua neebasii. Mau kãyabãra neesii ãchiba jara panuu joma biawãra waui baita.

Mateo 5:17 Iomraidhean Croise

Mateo 3:15

Maud̶e Jesusba panausii: —Anakʉd̶e bichiba wau b̶uu kĩra wause. Bibuara b̶uu waud̶ai joma Dachi Akõreba waubi b̶uu kĩra. Maabae Juanba ijãasii.

Mateo 7:12

Machiba kʉ̃ria panuu waabenarãba machimaa biꞌia waud̶ai. Maud̶eeba, ara mau kĩra machiba waabenarãmaa biꞌia wáusturu, Moisesba b̶ʉd̶ad̶e maud̶e Dachi Akõre baita berreabadaurãba b̶ʉd̶ad̶e maka jara b̶uud̶eeba.

Lucas 16:17

Maamina Moisesba b̶ʉd̶a ab̶a bid̶a wãꞌãe bai. Maumaarã bajãa maud̶e nau iujãa bari au wãꞌãe bai b̶uu.

Juan 8:5

Moisesba b̶ʉd̶ad̶e naka nuree wẽrarã mooba b̶ata bead̶ai panuu b̶ʉ kub̶uu. ¿Bichimaarã bia b̶uka maka waud̶ai?

Hechos 18:13

Ãchiba jarasid̶au: —Cha b̶uuba ẽbẽrarãmaa jara b̶uu Dachi Akõre kʉ̃riad̶ai panuu, maamina dachi romad̶ebenarãba b̶ʉd̶ad̶e jara b̶uu kĩra jaradeakau.

Hechos 21:28

Maud̶e jĩwa jara panasid̶au: «¡Israeld̶ebenarã, dai aid̶ásturu! Nau ẽbẽraba druacha jaradea b̶uu dachi israeld̶ebenarã, Moisesba b̶ʉd̶a maud̶e Dachi Akõre de mechiu sid̶a kachirua b̶eei. ¡Mau awara griegorã Dachi Akõre de mechiu ed̶a adoesii! ¡Ichiba nau de ab̶aburu Dachi Akõre baita b̶uu kachirua b̶eebisii!»

Hechos 6:13

Maud̶e waabenarã ẽbẽrarã araa adoesid̶au setaa jarad̶amera. Maarãba naka jarasid̶au: «Jãu ẽbẽraba Dachi Akõre de mechiu biꞌia b̶uu ʉ̃rʉbena maud̶e chi Moisesba b̶ʉd̶a ʉ̃rʉbena kachirua berrea b̶uabarii.

Romanos 10:4

Maamina maka nuread̶ai baita, ãchi ley waubachid̶au audeara, Cristoba joma wausii. Chi Cristod̶e ijãaduu Dachi Akõreba jipa nuree unubarii.

Romanos 3:31

Jesusd̶e ijãa panuud̶eeba ¿Moisesba b̶ʉd̶a ida b̶u panuka? Makawãema, maumaarã mau Moisesba b̶ʉd̶a biꞌia b̶uu unubadau.

Romanos 8:4

Ichiba maka wausii dachiba poyaa jipa waud̶amera Moisesba b̶ʉd̶ad̶e jara b̶uu kĩra. Jãabae dachi poyaa jipa nibad̶ai nau kakuaba wau kʉ̃ria b̶uud̶e nibad̶akaud̶eeba, maumaarã Dachi Akõre Jaurid̶eeba nibabadaud̶eeba.