Mateo 5:12 - Emberá Chamí12 Ãrea kĩrajʉʉ panésturu, machiba ne bia ãrea bajãad̶e uru panad̶aid̶eeba. Ara mau kĩra nabẽraed̶e ewarid̶e bid̶a Dachi Akõre baita berreabadaurã ara mau kĩra wãraasid̶au biꞌiwãe paneebiad̶ai baita. Faic an caibideil |
»Machiba Dachi Akõre baara b̶uayua chiko kod̶akau ewari wauduud̶e kĩra nomaa paneerã́sturu setaa ẽbẽra bia nuree abadaurãba waubadau kĩra. Ãchi mau kĩra panabadau jomaurãba kuitaad̶amera chiko kod̶akau ewarid̶e wau panuu. Mʉʉba biawãra jaraaruu: ẽbẽrarãba ara ãchi ʉ̃rʉbena biꞌia berread̶ai kʉ̃ria panuud̶eeba, mau berreaped̶aad̶a kakua Dachi Akõreba ne bia aude uru panabiabai.
»Maud̶eeba machi chi kĩramaabadaurã kʉ̃riásturu. Maarã biꞌia wáusturu. Maarãmaa ne kaebea deásturu. Maamina deaduud̶e maarãd̶e adaud̶ai kʉ̃risiarã́sturu. Makaburu machiba Dachi Akõred̶ebena adaud̶ai panuu ãrea mechia b̶uai maud̶e unubid̶ai biawãra machi Dachi Akõre chi mechiu nii warrarã panuu. Kachirua waubadaurã maud̶e ichimaa biꞌia b̶uu ad̶akaurã, ichiba ichi sõbiad̶eeba karibabarii.