Mateo 4:9 - Emberá Chamí

⁹ Maabae chi jʉbawãe niiba jarasii: —Bichi mʉ daad̶e õdarrd̶e kob̶eeped̶a mʉʉmaa biꞌia berrea b̶eeruubʉrã, nau joma mʉʉba bichimaa deai bichi juad̶e uru b̶uamera.

Mateo 4:9 Iomraidhean Croise

Mateo 26:15

Maabae ichiba naka id̶isii: —Mʉʉba machimaa Jesús jidau dearuubʉrã, ¿machiba mʉʉmaa kãare dead̶aima? Maabae ãchiba parata 30 sẽetao deasid̶au.

Mateo 4:10

Maud̶e Jesusba jʉbawãe niimaa jarasii: —Satanás, namabena wãse, Dachi Akõre bed̶ead̶e naka b̶ʉ kub̶uud̶eeba: “Bichiba Dachi Mechiu, Dachi Akõréturu ãrea kʉ̃riáse. Ab̶a ichíturu ijãa b̶uase”.

Juan 12:31

Jãabae Dachi Akõreba kuitaabiaruu nau iujãad̶ebenarãba kachirua wau panabadau. Jãabae Dachi Akõreba poyaa duabʉiruu chi nau iujãad̶ebenarã rey, chi jʉbawãe nii.

Juan 13:3

Jesusba kuitaa b̶uasii ichi Akõreba ne joma ichi juad̶e b̶usii, maud̶e kuitaa b̶uasii ichi Dachi Akõred̶ebena need̶a maud̶e waya ichimaa wãi b̶uu.

Juan 14:30

»Mʉ machi baara ãrea berreawẽe, nau iujãad̶ebena rey neeruud̶eeba. Mauba mʉ ome poyaakau.

Juan 16:11

Maud̶e Dachi Akõre Jauriba kuitaabiai nau iujãad̶ebenarã nebʉrad̶e panuu, Dachi Akõreba nau iujãad̶ebena rey nebʉra bara b̶uu asiid̶eeba.

2 Corintios 4:4

Dachi Akõred̶e ijãad̶akaurãmaarã mau biꞌia ũrid̶akau. Nau iujãad̶e jʉbawãe nii maarã chibaribʉ. Ãchimaa chi biawãra bed̶ea bia Cristo ʉ̃rʉbena kauwa kuitaabiwẽa b̶uu dau pãriu wau b̶uu kĩra. Maka ãchiba Cristo biꞌia nii ʉ̃rʉbena poyaa kauwa kuitaad̶aabai. Cristo Dachi Akõre niid̶eeba maka biꞌia b̶uu.

1 Timoteo 3:6

Dachi Akõre bed̶ea ea ijãad̶a nii ijãabadaurã nubarii b̶uabai b̶uu chi mechiu kʉ̃risiarãamera. Maka kʉ̃risiaruubʉrã Dachi Akõreba ichi kastikai jʉbawãe nii kastikad̶a kĩra.

Apocalipsis 19:10

Ara makʉd̶e mʉ chi ángel jʉ̃rʉ kaita õdarrd̶e kob̶eesii biꞌia berreai baita. Maamina mauba mʉʉmaa jarasii: «Mau waurã́se, Dachi Akõréturu biꞌia kʉ̃riáse. Bari mʉ Dachi Akõre baita bari trajabariibʉ bichi kĩra, maud̶e ãbarã Jesusba jaradead̶a ijãabadaurã kĩra». Jesusba jaradead̶a Dachi Akõre Jauriba chi ichi baita berreabadaurãmaa berreabiabarii.

Apocalipsis 19:16

Ichiba paru jʉ̃ b̶uumaa b̶akara ʉ̃rʉ nau trʉ̃ b̶ʉ inii: «Jomaurã Reyrã Audeara Chi Aude Mechiu Nii» maud̶e «Joma Chi Mechiurã Audeara Chi Aude Mechiu Nii».