Mateo 4:3 - Emberá Chamí

³ Maka b̶uud̶e chi jʉbawãe nii neesii. Maabae ichiba jarasii: —Bichi biawãra Dachi Akõre Warrbʉrã, naarã moomaa jarase pan bamera.

Mateo 4:3 Iomraidhean Croise

Mateo 14:33

Maabae joma jãbad̶e panuu Jesús daad̶e õdarrd̶e kopaneed̶aped̶a ichimaa biꞌia berreasid̶au: —¡Bichi biawãra Dachi Akõre Warrbʉ!

Mateo 16:16

Simón Pedroba panausii: —Bichi Dachi Akõreba Dachi Karibabarii deai jarad̶a, Dachi Akõre chokae b̶uu Warrbʉ.

Mateo 26:63

Maamina Jesús chũpea b̶eesii. Maka b̶uud̶e paare mechiuba ichimaa jarasii: —Dachi Akõre chokae nii daad̶e daimaa biawãra jarase. ¿Bichi Dachi Akõreba Dachi Karibabarii deai jarad̶aka? ¿Bichi Dachi Akõre Warrka?

Mateo 3:17

Bajãad̶ebena mimi ab̶a ũrisid̶au. Naka jarasii: «Nau chi mʉʉba kʉ̃ria inii. Mʉ ichi kakua ãrea kĩrajʉʉ b̶uu».

Marcos 1:1

Nau chi bed̶ea bia Dachi Akõre Warr Jesucristo ʉ̃rʉbena b̶ʉʉruu. Naed̶e Dachi Akõre baita berreabarii Isaiasba naka b̶ʉsii: «Chi mʉ baita bed̶ea jarabarii mʉʉba bichi naa bʉii bichi o jaremera.

Marcos 3:11

Ẽbẽra jai kachirua bara nureeba Jesús unuuduud̶e ichi daad̶e õdarrd̶e kopaneed̶aped̶a wapead̶eeba jĩwa jarasid̶au: «¡Bichi Dachi Akõre Warrbʉ!»

Marcos 5:7

jĩwa jarasii: —Dachi Mechiu Warr, Jesús, ¿sakãe mʉ joe b̶uma? ¡Michuburia, Dachi Akõre daad̶e jarase mʉ biꞌiwãe b̶eebiibai!

Lucas 1:35

Mau angelba panausii: —Dachi Akõre Jauri bichimaa neeped̶a chi poyaabarii bichi baara b̶uai. Maud̶eeba ichiba dea b̶uu warr bichiba adauruu Dachi Akõreba ichi Warr ai.

Lucas 22:70

Maud̶eeba jomaurãba id̶isid̶au: —Maka b̶uubʉrã ¿bichi Dachi Akõre Warrka? Jesusba panausii: —Maerã, machiba jara panuu.

Lucas 4:3

Maka b̶uud̶e jʉbawãe niiba Jesusmaa nau jarasii: —Bichi biawãra Dachi Akõre Warrbʉrã, nau moomaa jarase pan bamera.

Lucas 4:41

Maud̶e jai kachiruarã joma duabʉikasii. Wãaduud̶e naka b̶ia jarasid̶au: «¡Bichi biawãra Dachi Akõre warrbʉ!» Ãchiba kuitaa panasid̶au ichi Dachi Akõreba Dachi Karibabarii deai jarad̶a. Maud̶eeba Jesusba ãchi iadaabachii chũpead̶amera.

Lucas 4:9

Mau maad̶akare chi jʉbawãe niiba Jesús Jerusalend̶aa adoesii Dachi Akõre de mechiu ʉtʉd̶aa. Maabae jarasii: —Bichi biawãra Dachi Akõre Warrbʉrã, namauba ed̶aa jĩidruse. Dachi Akõre bed̶ead̶e naka b̶ʉ kub̶uu: Dachi Akõreba ichi angelerã bʉikai bichi karibad̶amera.

Juan 1:34

Mʉʉba mau unusii. Maud̶eeba mʉʉba jara b̶uu ichi biawãra Dachi Akõre Warr».

Juan 1:49

Maud̶eeba Natanaelba jarasii: —Jaradeabarii, bichi biawãra Dachi Akõre Warrbʉ. Bichi Israeld̶ebenarã Reybʉ.

Juan 20:31

Maamina joma nau b̶ʉsii machiba Jesús Dachi Akõreba Dachi Karibabarii deai jarad̶a, Dachi Akõre Warr ijãad̶amera. Maka ijãaduubʉrã ichid̶eeba chokae b̶uai uru nuread̶ai.

Juan 9:35

Jesusba ũrisii chi dau pãriu b̶uad̶a ãyaa bʉiped̶aad̶a. Maud̶eeba ichi jʉrʉd̶e wãsii. Unuped̶a id̶isii: —¿Bichiba chi Ẽbẽra Ba B̶uad̶ad̶e biawãra ijãa b̶uka?

Hechos 9:20

Maud̶e judiorã araa ãbua imibadau decha ichiba jaradea b̶eesii Jesús biawãra Dachi Akõre Warr nii.

2 Corintios 1:19

Silvanoba, Timoteoba maud̶e mʉa bid̶a machimaa Dachi Akõre Warr Jesucristo ʉ̃rʉbena jaradea panasid̶au. Jesucristoba waui ad̶a waya wauwẽa akau. Ichiba waui ad̶a joma waubarii. Daiba «nau biawãra» ad̶aabasii, maad̶akare «seta» ad̶ai baita.

Gálatas 2:20

Mʉ Cristo ome cruzd̶e ãbua jirab̶usid̶au. Maud̶eeba ara mʉʉd̶eeba b̶uwãema, maumaarã Cristo mʉ sõd̶e b̶uu. Nau kakuad̶e chokae b̶uumisa mʉ Dachi Akõre Warr Jesusd̶eeba nibai. Ara mau Jesús, Dachi Akõreba waubi b̶uu wausiid̶eeba, mʉ kʉ̃riasii maud̶e mʉ kakua ichi ida beabisii.

1 Tesalonicenses 3:5

Maud̶eeba mʉʉba waa poyaa dauchia jãadua b̶uawẽed̶eeba Timoteo machimaa bʉisii, wabid̶a Cristod̶e ijãa panuu kuitaai baita. Mʉʉba kʉ̃risia b̶uasii jʉbawãe niiba machimaa Cristo ida b̶ubia b̶uasii. Makad̶a basirã daiba machimaa Cristo ʉ̃rʉbena jaradeaped̶aad̶a bari ara jãka b̶uai basii.

Hebreos 12:16

Kauwa panásturu machi tãed̶e ab̶a bid̶a chi dachi kakuad̶eeba barikiu kachirua waurãad̶amera maud̶e chi Esaú kĩra Dachi Akõre ʉ̃rʉbena biꞌiwãe kʉ̃risiarãad̶amera. Esaú chi warr imina basiid̶eeba chi akõreba uru b̶uud̶ebena ãrea adaui b̶uasii. Maamina ichi ãbaba chiko b̶es ab̶a kobid̶a kakua, ichiba adooi b̶uad̶a joma ichi ãbamaa deasii.

Hebreos 4:14

Dachi Akõre Warr Jesús, dachi Paare Mechiu bajãad̶aa wãsii. Ichid̶e ijãa panuu a panuud̶eeba biawãra ijãa panad̶ai panuu.

Hebreos 7:3

Melquisedec akõre, chi nawe maud̶e ichi ẽbẽrarã nabẽraed̶ebenarã ʉ̃rʉbena Dachi Akõre bed̶ead̶e b̶ʉ kub̶uuwãe. Maud̶e ichi chi naweba adaud̶a maud̶e biud̶a ʉ̃rʉbena b̶ʉ kub̶uuwãe. Maka ichi Dachi Akõre Warr kĩra ewaricha paarebʉ.

1 Juan 3:8

Maamina chi kachirua wau b̶uu jʉbawãe niid̶ebʉ, arab̶aed̶eed̶e jʉbawãe nii kachirua wau b̶uabariid̶eeba. Dachi Akõre Warr nau iujãad̶aa neesii jʉbawãe niiba wau b̶uu poyaai baita.

Apocalipsis 2:10

Chi machi kãꞌãabariwãed̶e biꞌiwãe panad̶ai ewari wapearã́sturu. ¡Ũrísturu! Chi jʉbawãe niiba machid̶ebena chi nuree jʉ̃a bʉikai ijãa panuu kuitaayua. Ewari 10 ãrea biꞌiwãe panad̶ai. Maamina biuduud̶aa ijãa panásturu. Maud̶e mʉʉba machimaa boro jũra dearuud̶e ewaricha chokae nibabiai.