Mateo 4:24 - Emberá Chamí

²⁴ Maud̶eeba ichi joma Siria druad̶ebenarãba trʉ̃ poasid̶au. Maud̶eeba ẽbẽrarãba joma barikiu ẽpermo nureerã eneebachid̶au, kakua puꞌua nuree, jai kachirua bara nuree, kakua wawaaduuba biꞌiwãe nuree maud̶e b̶akara suriidu nuree ichimaa eneebachid̶au. Jesusba ãchi joma aribiabibachii.

Mateo 4:24 Iomraidhean Croise

Mateo 12:22

Maabae ẽbẽra jai kachirua bara nii Jesusmaa eneesid̶au. Mau ẽbẽra dau pãriu b̶uasii maud̶e bosara b̶uasii. Jesusba ichi aribiabisii berreamera maud̶e unu nibad̶eamera.

Mateo 14:1

Mau ewarid̶e Herodes Galilea druad̶ebena chi jaradea ua b̶uabarii basii. Mau Herodesba Jesusba waud̶a ʉ̃rʉbena ũrisii.

Mateo 15:22

Maud̶e cananeobid̶a wẽra mau druad̶ebena Jesús niimaa neesii. Mau wẽraba naka jĩwa berrea kob̶eesii: —¡Mʉ Mechiu, Davidd̶ebena need̶a, mʉ kĩra chuburiáse! Mʉ kau jai kachiruaba ãrea biꞌiwãe b̶eebi b̶uu.

Mateo 17:15

—Mʉ Mechiu, mʉ warr kĩra chuburiáse. Ichi ãrea biꞌiwãe b̶uu. Wawabarii, b̶es ãrea tʉbʉd̶e b̶aebarii maud̶e doed̶a b̶aebarii.

Mateo 17:18

Jesusba chi jai kachirua iadaasiid̶e chi warr kakuad̶ebena wãsii. Ara makʉd̶e chi warr aribiasii.

Mateo 4:23

Jesús joma Galilea druad̶e nibasii. Judiorã araa ãbua imibadau decha jaradeabachii Bajãad̶e B̶uu neeruu ichid̶irã ichi juad̶e ua b̶uai ʉ̃rʉbena. Mau bed̶ea bia jaradead̶e wãaruucha joma ẽpermo nuree aribiabiabachii.

Mateo 8:28

Maabae mar kĩaraa wãd̶aped̶a Gadara druad̶e neesid̶au. Maabae aria ẽbẽra ome jai kachirua bara panuu jau b̶ubadaumare chob̶ea nub̶uud̶ebena Jesusmaa neesid̶au. Maarã kĩra kachirua ãrea panasiid̶eeba, ẽbẽrarã mau od̶e poyaa wãd̶aabai b̶uasii.

Mateo 8:33

Mau sina nu panad̶a pira wãsid̶au. Ãchi puurud̶e need̶aped̶a ẽbẽrarã jai kachirua bara nuree unuped̶aad̶a joma nebʉrʉsid̶au.

Mateo 8:6

—Mʉ Mechiu, chi mʉ baita trajabarii mʉ ded̶e b̶uu. B̶akara suriidu b̶uud̶eeba kʉd̶ad̶e ãrea biꞌiwãe b̶uu.

Mateo 9:26

Jesusba waud̶a ʉ̃rʉbena joma mau druad̶e ũrisid̶au.

Mateo 9:35

Mau maad̶akare Jesús puuru mechiu b̶eecha maud̶e puuru kaebe b̶eecha nibabachii. Judiorã araa ãbua imibadau ded̶e chi bed̶ea bia jaradeabachii Bajãad̶e B̶uu neeruu ichid̶irã ichi juad̶e ua b̶uai ʉ̃rʉbena. Maud̶e joma ẽpermo nuree maud̶e chi kakua pira nuree aribiabiabachii.

Marcos 1:28

Maud̶eeba joma Galilea druad̶e kãꞌãabariwãed̶e Jesús trʉ̃ poa kob̶eesii.

Marcos 1:32

Kiusiid̶e ẽbẽrarãba barikiu ẽpermo nuree maud̶e jai kachirua uru nuree Jesusmaa adoesid̶au.

Marcos 2:3

Maka b̶uud̶e ẽbẽrarã kimare neesid̶au. Ẽbẽra b̶akara bʉʉ nii Jesusmaa adoeduu inibasid̶au.

Marcos 2:4

Maamina pĩchua kub̶uud̶eeba poyaa Jesusmaa adoed̶aabasii. Maud̶eeba de ʉ̃rʉare chob̶ea uyad̶aped̶a chi b̶akara bʉʉ nii chi jira adoebadaud̶e mama ed̶aa bʉisid̶au.

Marcos 2:9

Machimaarã, ¿chi b̶akara bʉʉ niimaa jarai baita sãu bari au b̶uma: “Bichi kachirua waud̶a perdonasii ai maebʉrã nau ẽbẽra b̶akara bʉʉ nii jiradubiped̶a bichi jira adoebadau adoeped̶a nibabii?”

Lucas 2:2

Mau ewarid̶e Cirenio Siria druad̶e chi jaradea ua b̶uabarii basiid̶e, mau ẽbẽrarã trʉ̃ b̶ʉbiad̶a ichiba mau chi naa waubiad̶a basii.

Lucas 4:14

Mau maad̶akare Jesús Dachi Akõre Jauri poyaad̶eeba Galilea druad̶aa waya wãsii. Joma mau druad̶e ẽbẽrarãba ichi trʉ̃ poasid̶au.

Lucas 4:38

Judiorã araa ãbua imibadau ded̶ebena wãped̶a Jesús Simón deemaa wãsii. Aria Simón pakõre ãrea kʉa b̶uasii. Maud̶eeba Jesusmaa chi chuburia id̶isid̶au aribiabimera.

Lucas 5:15

Maamina Jesús aude trʉ̃ poasii. Maud̶eeba ẽbẽrarã ãrea neebachid̶au ichiba jaradea b̶uu ũrid̶ai baita. Chi ẽpermo nuree neebachid̶au ichiba aribiabiamera.

Lucas 5:24

Dachi Akõreba mʉ, chi Ẽbẽra Ba B̶uad̶a b̶usii nau iujãad̶e panuuba kachirua waubadau perdonabiamera. Mau machimaa unubiai. Ara makʉd̶e chi b̶akara bʉʉ niimaa naka jarasii: —Jiraduse. Chi bichi jira adoebadau adauped̶a deed̶aa wãse.

Lucas 7:17

Maud̶eeba joma Judea druad̶e maud̶e mau kaita b̶ee druad̶e bid̶a Jesús ʉ̃rʉbena trʉ̃ poasid̶au.

Juan 10:21

Maamina waabenarãba jarasid̶au: «¡Chi jai kachirua uru b̶uuba maka berreakau! Makarã ¿jai kachiruaba dau pãriu nuree aribiabibarika?»

Hechos 10:38

Mau ewarid̶e Dachi Akõreba ichi Jauri maud̶e ichi poyaabarii Jesús Nazaretd̶ebenamaa deasii. Dachi Akõre ichi ome b̶uasiid̶eeba Jesusba ne bia wau nibasii maud̶e ẽbẽrarã jʉbawãe niiba kachirua uru panuu joma aribiabiabachii.

Hechos 15:23

Ãchi ome karta naka b̶ʉ urubʉisid̶au: Jesusba bʉid̶arã, chi ijãabadaurã nubadaurã maud̶e joma ãbarãba nau karta b̶ʉʉduu, chi judiowãerã Antioquía puurud̶ebena baita, Siria druad̶ebena baita maud̶e Cilicia druad̶ebena baita. Daiba kʉ̃ria panuu machi biꞌia panad̶ai.

Hechos 15:41

Maabáeburu wãsid̶au. Siria druad̶e maud̶e Cilicia druad̶e nibaaduud̶e puurucha ãbarã aid̶abachid̶au Dachi Mechiud̶e biꞌia ijãad̶amera.

Hechos 28:9

Maud̶eeba waabenarã ẽpermo nuree neeped̶aad̶a Pabloba aribiabiasii.

Hechos 8:7

Ãrea ẽbẽrarã jai kachirua bara nuree aribiakuasid̶au. Mau jai kachiruarã ãchi kakuad̶ebena b̶ia wãuribachid̶au. Maud̶e ãrea b̶akara bʉʉ nuree maud̶e jʉ̃rʉ nʉka nuree aribiakuabachid̶au.