Mateo 4:23 - Emberá Chamí

²³ Jesús joma Galilea druad̶e nibasii. Judiorã araa ãbua imibadau decha jaradeabachii Bajãad̶e B̶uu neeruu ichid̶irã ichi juad̶e ua b̶uai ʉ̃rʉbena. Mau bed̶ea bia jaradead̶e wãaruucha joma ẽpermo nuree aribiabiabachii.

Mateo 4:23 Iomraidhean Croise

Mateo 11:5

Dau pãriu nuread̶a unu panuu; nʉka nuread̶a biꞌia nuree; kakua chau nuread̶a anid̶aped̶a nuree; kʉʉrʉ kiape nuread̶a jãabae ũri panuu; biuped̶aad̶arã waya chokae nuree. Mau awara chi nejarr barauwãe nureerãmaa chi bed̶ea bia Dachi Akõre karibai ʉ̃rʉbena ũri panuu.

Mateo 12:9

Jesús mamabena judiorã araa ãbua imibadau deemaa wãsii.

Mateo 13:19

Netaa od̶e pod̶aba nau jara b̶uu: Bajãad̶e B̶uuba ichid̶irã ichi juad̶e ua b̶uu ʉ̃rʉbena ab̶a bid̶a ũriped̶a kuitaawẽebʉrã, jʉbawãe niiba mau bed̶ea ichi sõd̶e need̶a kʉde b̶eebikau ijãarãamera.

Mateo 13:54

Maabae ichi puurud̶e neesii. Earab̶a judiorã araa ãbua imibadau ded̶e jaradea b̶uasii. Chi ũri panuuba adua basiid̶eeba kãare kʉ̃risiad̶ayu naka jarasid̶au: —¿Kaiba jãumaa kʉ̃risia kuitaa deasma? ¿Saka ẽbẽrarãba ne poyaa waud̶akau poyaa waui?

Mateo 14:14

Jesús jãbad̶ebena ed̶aa wãsiid̶e ẽbẽrarã ãrea unusii. Maarã kĩra chuburiasiid̶eeba chi ẽpermo nuree aribiabiasii.

Mateo 24:14

Maud̶e chi bed̶ea bia Dachi Akõreba ichid̶irã ichi juad̶e ua b̶uu ʉ̃rʉbena joma nau druad̶e jaradead̶ai puurucha ũrid̶amera. Mau maad̶akare nau ewari baribai.

Mateo 3:2

Juanba naka jarabachii: «Bajãad̶e B̶uu neeruu ichid̶irã ichi juad̶e ua b̶uai baita. Maud̶eeba machiba kachirua waubadau ida b̶ud̶aped̶a ichimaa wã́sturu».

Mateo 9:35

Mau maad̶akare Jesús puuru mechiu b̶eecha maud̶e puuru kaebe b̶eecha nibabachii. Judiorã araa ãbua imibadau ded̶e chi bed̶ea bia jaradeabachii Bajãad̶e B̶uu neeruu ichid̶irã ichi juad̶e ua b̶uai ʉ̃rʉbena. Maud̶e joma ẽpermo nuree maud̶e chi kakua pira nuree aribiabiabachii.

Marcos 1:14

Juan chi Boro Eabarii jʉ̃a b̶uasiid̶e Jesús Galilea druad̶aa wãped̶a chi bed̶ea bia Dachi Akõre ʉ̃rʉbena jaradeabachii.

Marcos 1:21

Maarã Capernaum puurud̶aa wãsid̶au. Maabae bari panabadau ewari bakare Jesús judiorã araa ãbua imibadau deed̶aa wãped̶a Dachi Akõre bed̶ea jaradea b̶eesii.

Marcos 1:39

Maka joma Galilea druad̶e nibasii. Judiorã araa ãbua imibadau decha jaradeabachii. Ichi wãaruumaa jai kachirua duabʉikabachii.

Marcos 6:2

Bari panabadau ewarid̶e Jesusba judiorã araa ãbua imibadau ded̶e Dachi Akõre bed̶ea jaradea kob̶eesii. Ẽbẽrarãba Jesusba jaradea b̶uu ũrisid̶aud̶e, kãare kʉ̃risiad̶ai adua basii. Maabae chiya id̶i bara b̶eesii: —Nauba ¿sama kuitaasma jãu jaradea b̶uu? ¿Kaiba jãumaa kʉ̃risia kuitaa deasma, jãka ẽbẽrarãba ne poyaa waud̶akau poyaa waumera?

Marcos 6:6

Ichi puurud̶ebenarãba ijãad̶aabasiid̶eeba Jesusba ãrea kʉ̃risia b̶eesii. Jesusba puurucha jaradea nibasii.

Lucas 10:9

Mau awara chi ẽpermo nuree aribiabiásturu. Maarãmaa naka jarásturu: “Dachi Akõreba machi ichi juad̶e ua b̶eei, ichid̶irã baara”.

Lucas 13:10

Bari panabadau ewarid̶e Jesusba judiorã araa ãbua imibadau ded̶e jaradea b̶uasii.

Lucas 16:16

»Juan neei naed̶e Moisesba b̶ʉd̶a maud̶e Dachi Akõre baita berreabadaurãba b̶ʉped̶aad̶a dachiba uru panasid̶au. Mau ewarid̶eed̶ebena daiba chi bed̶ea bia Dachi Akõreba ichid̶irã ichi juad̶e ua b̶uu ʉ̃rʉbena jaradea panuu. Biawãra ẽbẽrarãba ne joma wau panuu Dachi Akõre juad̶e panad̶ayua.

Lucas 20:1

Earab̶a Jesusba Dachi Akõre de mechiu dud̶a ẽbẽrarãmaa chi ichi ʉ̃rʉbena bed̶ea bia jaramaa b̶uasii. Maud̶e paare mechiurã, Moisesba b̶ʉd̶a jaradeabadaurã maud̶e judiorã mechiurã neesid̶au.

Lucas 4:14

Mau maad̶akare Jesús Dachi Akõre Jauri poyaad̶eeba Galilea druad̶aa waya wãsii. Joma mau druad̶e ẽbẽrarãba ichi trʉ̃ poasid̶au.

Lucas 5:17

Earab̶a Jesusba jaradea b̶uud̶e fariseorã maud̶e Moisesba b̶ʉd̶a jaradeabadaurã aria sĩu panasid̶au. Ãchi Galilea druad̶ebena, Judea druad̶ebena maud̶e Jerusalén puurud̶ebena neeped̶aad̶a basii. Maud̶e Dachi Mechiu poyaad̶eeba Jesusba ẽpermo nuree aribiabiabachii.

Lucas 6:17

Maabae Jesús ichiba jʉrʉ adaud̶arã baara ead̶ebena ed̶aa neesid̶au. Koriid̶e ichi baara nibabadaurã baara maud̶e waabenarã ẽbẽrarã ãrea needuurã baara b̶eesii. Mau ẽbẽrarã Judea druad̶ebena, Jerusalend̶ebena, mar iikaad̶ebena puuru Tirod̶ebena maud̶e Sidond̶ebena

Lucas 6:6

Ureed̶ebena bari panabadau ewarid̶e Jesús judiorã araa ãbua imibadau deemaa wãped̶a jaradea b̶uasii. Aria ẽbẽra jua biarebena bʉʉ nii b̶uasii.

Lucas 7:21

Ara mau ewarid̶e Jesusba chi ẽpermo nuree, chi jai kachirua bara nuree maud̶e chi dau pãriu nuree ãrea aribiabiasii.

Lucas 7:22

Maud̶eeba Jesusba ãchimaa naka panausii: —Machiba unu panuu maud̶e ũri panuu Juanmaa jarad̶e wã́sturu: dau pãriu nuread̶a unu panuu; nʉka nuread̶a biꞌia nuree; kakua chau nuread̶a anid̶aped̶a nuree; kʉʉrʉ kiape nuread̶a jãabae ũri panuu; biuped̶aad̶arã waya chokae nuree. Mau awara chi nejarr barauwãe nureerãmaa chi bed̶ea bia Dachi Akõre karibai ʉ̃rʉbena ũri panuu.

Lucas 8:1

Mau maad̶akare Jesús puuru mechiu b̶eecha maud̶e puuru kaebeu b̶eecha wãsii. Maud̶e jarabachii Dachi Akõreba ichid̶irã ichi juad̶e ua b̶uai baita neeruu. Mau bed̶ea bia jaradea niid̶e ichiba 12 jʉrʉ adaud̶arã ichi baara nibabachid̶au.

Lucas 9:11

Maamina ẽbẽrarãba ichi aria b̶uu kuitaad̶aped̶a araa wãsid̶au. Maud̶e Jesusba ãchi biꞌia irsibiped̶a jaradea kob̶eesii Dachi Akõreba ichid̶irã ichi juad̶e ua b̶uai ʉ̃rʉbena. Mau bed̶ea bia jaradea b̶uud̶e chi ẽpermo nuree aribiabiasii.

Lucas 9:60

Jesusba ichimaa jarasii: —Chi biuped̶aad̶aba chi biud̶arã jau b̶ud̶ai panuu. Maamina bichiba ẽbẽrarãmaa jarad̶e wãse Dachi Akõreba ichid̶irã ichi juad̶e ua b̶uu ʉ̃rʉbena.

Juan 18:20

Maud̶e Jesusba panausii: —Mʉ nau iujãad̶ebenarã daad̶e arakʉd̶e berrea b̶uasii. Mʉʉba jaradea b̶uasii dachi judiorã araa ãbua imibadau decha maud̶e Dachi Akõre de mechiu dud̶a, joma dachi judiorã araa ãbua imibadaumaa. Ab̶a bid̶a mirubia berreabasii.

Juan 6:59

Jesusba joma mau Capernaumd̶e jaradeasii judiorã araa ãbua imibadau ded̶e.

Juan 7:1

Mau maad̶akare Jesús Galilea druad̶e nibasii. Judea druad̶aa makaa wã kʉ̃riabasii judiorã mechiurãba ichi bead̶ai kʉ̃ria panasiid̶eeba.

Hechos 10:38

Mau ewarid̶e Dachi Akõreba ichi Jauri maud̶e ichi poyaabarii Jesús Nazaretd̶ebenamaa deasii. Dachi Akõre ichi ome b̶uasiid̶eeba Jesusba ne bia wau nibasii maud̶e ẽbẽrarã jʉbawãe niiba kachirua uru panuu joma aribiabiabachii.

Hechos 18:4

Bari panabadau ewaricha Pablo judiorã araa ãbua imibadau ded̶e berrea b̶uabachii judiorãba maud̶e griegorãba Jesusd̶e ijãad̶amera.

Hechos 20:25

»Dachi Akõreba ichid̶irã ichi juad̶e ua b̶uai ʉ̃rʉbena mʉʉba machimaa jara b̶uabachii. Maamina jãabae kuitaa b̶uu machiba mʉ waa unud̶aabai.

Hechos 28:31

Ichiba wapeawẽa berreabachii Dachi Mechiu Jesucristod̶eeba, Dachi Akõreba ichid̶irã ichi juad̶e ua b̶uu ʉ̃rʉbena. Maud̶e ab̶au bid̶a ichimaa makarã́bad̶e ad̶aka basii.

Romanos 10:15

Dachi Akõreba ab̶a bid̶a bʉiwẽebʉrã, ¿saka jaradead̶e wãd̶aima? Dachi Akõre bed̶ead̶e naka b̶ʉ kub̶uu: «Chi bed̶ea bia jarad̶e needuu ãrea biꞌia nuree».