Mateo 4:19 - Emberá Chamí

¹⁹ Jesusba ãchimaa jarasii: —Mʉ baara wã́duru. Machiba b̶eda jidaubadau kĩra mʉʉba machimaa jaradeai ẽbẽrarã mʉʉmaa eneed̶amera.

Mateo 4:19 Iomraidhean Croise

Mateo 16:24

Maabae Jesusba ichi baara nibabadaurãmaa jarasii: —Ab̶a mʉ baara nibai kʉ̃ria b̶uubʉrã, mauba wau kʉ̃ria b̶uu ida b̶uped̶a ãrea biꞌiwãe b̶uai baita b̶uai b̶uu. Maabae mʉ baara wãi b̶uu.

Mateo 19:21

Maud̶e Jesusba ichimaa jarasii: —Bichi biawãra jipa b̶uai kʉ̃ria b̶uubʉrã, bichiba uru b̶uu joma nedobʉid̶e wãped̶a chi nejarr barauwãe nureerãmaa dead̶akase. Maka bajãad̶e ne bia uru b̶uai. Maabae mʉ baara nibad̶e neese.

Mateo 4:18

Jesús Galilea mar iikaa niid̶e mukĩra ome unusii. Ab̶a Simón basii, Pedro abadau. Chi ab̶abena chi ãba Andrés basii. Mau ẽbẽrarã b̶eda jidaubadaurã basiid̶eeba, mard̶e b̶ata nibasid̶au.

Mateo 4:20

Ara makʉd̶e ãchi ãtarraya ida b̶ud̶aped̶a Jesús baara wãsid̶au.

Mateo 8:22

Jesusba ichimaa jarasii: —Mʉ ome wãse. Chi biuped̶aad̶aba chi biud̶arã jau b̶ud̶ai panuu.

Mateo 9:9

Jesús mamabena wãaruud̶e ẽbẽra Mateo abadau unusii. Mau ẽbẽra Romad̶ebena chi aude mechiu nii baita chi nejarra deabadau ded̶e akʉ b̶uasii. Jesusba Mateomaa jarasii: «Mʉ ome nibase». Ara makʉd̶e Mateo jiraduped̶a Jesús ome wãsii.

Marcos 2:14

Wãaruud̶e Jesusba Alfeo warr Leví unusii. Mau Leví Romad̶ebena chi aude mechiu nii baita chi nejarra deabadau ded̶e akʉ b̶uasii. Jesusba ichimaa jarasii: «Mʉ ome wãse». Ara makʉd̶e Leví jiraduped̶a Jesús ome wãsii.

Lucas 5:27

Mau maad̶akare Jesús wãaruud̶e Romad̶ebena chi aude mechiu nii baita chi nejarra pebarii unusii. Mau trʉ̃ Leví abachid̶au. Mau ẽbẽra chi nejarra deabadau ded̶e akʉ b̶uasii. Jesusba unuped̶a jarasii: —Mʉ ome wãse.

Lucas 9:59

Maud̶e Jesusba waabena ẽbẽramaa jarasii: —Mʉ ome neese. Chi ẽbẽraba panausii: —Mʉ Mechiu, bichi ome wãi naed̶e ida mʉ chacha jau b̶ud̶e wãbise.

Juan 1:43

Norema Jesusba Galilea druad̶aa wãi kʉ̃risiasii. Maud̶eeba Felipe jʉrʉsii. Unuped̶a jarasii: —Mʉʉba kʉ̃ria b̶uu bichi mʉ baara nibai.

Juan 12:26

Barikia mʉ baita bari trajabarii ba kʉ̃ria b̶uubʉrã, mʉ baara nibai b̶uu. Mʉ wãaruumaa, mʉ baita bari trajabarii sid̶a wãi. Barikiu mʉ baita bari trajabariibʉrã, mʉ Chachaba mau chi mechiu b̶ui.

Juan 21:22

Jesusba panausii: —Mʉʉba kʉ̃ria b̶uubʉrã ichi chokae b̶uai ab̶a mʉ waya neeruud̶aa ¿bichiba mau sakaima? Mʉʉba kʉ̃ria b̶uu bichi mʉ baara nibai.

2 Corintios 12:16

Machiba kuitaa panuu mʉʉba machi chi nejarra b̶aꞌãra bid̶a id̶iibasii. Maamina chi waabenarãmaarã mʉ kʉ̃risia kuitaad̶eeba machi setaa kũruasii chi nejarra adaui baita.