Mateo 3:15 - Emberá Chamí

¹⁵ Maud̶e Jesusba panausii: —Anakʉd̶e bichiba wau b̶uu kĩra wause. Bibuara b̶uu waud̶ai joma Dachi Akõreba waubi b̶uu kĩra. Maabae Juanba ijãasii.

Mateo 3:15 Iomraidhean Croise

Mateo 3:14

Maamina Juanba Jesús boro eamaaba jarasii: —Bichiaburu mʉ boro eai b̶uu. ¿Sakãe mʉʉmaa neeruma?

Lucas 1:6

Ãchi omea Dachi Akõre daad̶e jipa panasid̶au. Dachi Mechiuba waubii jarad̶a joma wau panuud̶eeba kachirua jarad̶ayuswãe panasid̶au.

Juan 13:15

Mʉʉba jãka unubiasii machi chiya aid̶ad̶amera.

Juan 15:10

Mʉʉba waubi b̶uu bed̶ea ijãaduubʉrã, chi mʉʉba kʉ̃ria ua b̶uuba nuread̶ai. Ara mau kĩra mʉ Chachaba waubi b̶uu bed̶ea ijãabariid̶eeba chi ichiba kʉ̃ria ua b̶uuba nuread̶ai.

Juan 4:34

Maud̶eeba Jesusba jarakuasii: —Mʉ bʉid̶aba waubi b̶uu joma wau b̶uu, mau mʉ chiko kĩra b̶uu.

Juan 8:29

Chi mʉ bʉid̶a mʉ baara b̶uu. Chachaba mʉ istu b̶ukau, mʉʉba wau b̶uabariid̶eeba ichiba kʉ̃ria b̶uu kĩra.

Hebreos 7:26

Dachi Paare Mechiu Jesusba ne jomad̶e dachi poyaa aid̶ai. Kachirua waukau, ne jomad̶e jipa nii. Dachi Akõreba mau biꞌia unu b̶uu. Kachirua waubadaurã tãed̶ebena awara b̶uped̶a bajãad̶e chi mechiu b̶usii.