Mateo 3:11 - Emberá Chamí

¹¹ »Mʉʉba baniaba machi boro ea b̶uu waabenarãmaa unubiad̶amera chi kachirua waud̶ai ida b̶uped̶aad̶a. Maamina mʉare ab̶a neei chi mʉ aude mechiu nii. Maud̶eeba ichiba jʉ̃rʉd̶e jʉ̃barii poyaa enai b̶uuwãe. Ichiba Dachi Akõre Jauri deai. Maamina ijãad̶awẽebʉrã kastikakuai.

Mateo 3:11 Iomraidhean Croise

Mateo 3:6

Ãchiba kachirua wauped̶aad̶a ichi daad̶e jarabachid̶au. Maabae Juanba ãchi Jordán dod̶e boro eakuabachii.

Marcos 1:4

Ara mau kĩra Juan chi Boro Eabarii drua sirua wãꞌãe b̶uud̶e ẽbẽrarãmaa jaradea b̶eesii ãchi kachirua ida b̶ud̶aped̶a Dachi Akõremaa need̶amera. Ichiba jarasii maka wauduubʉrã Dachi Akõreba ãchi kachirua perdonai. Maabae boro ead̶ai panuu abachii.

Lucas 1:17

Eliasba uru b̶uad̶a jauri maud̶e chi poyaabarii bichi warrba uru b̶uai. Maud̶eeba ichi Dachi Mechiu naa wãi chi akõrerã ãchi warrarã baara waya kĩrajʉʉ panabiai baita. Mau awara chi ijãad̶akau nuree sid̶a aid̶ai, jipa nureerãba kʉ̃risiabadau kĩra kʉ̃risiad̶amera. Maka aid̶ai puurud̶ebenarãba Dachi Mechiu biꞌia irsibid̶amera.

Lucas 3:16

Maamina Juanba jomaurãmaa jarasii: «Biawãra mʉʉba baniaba machi boro ea b̶uu. Maamina mʉ audeara chi mechiu nii neei. Mauba jʉ̃rʉd̶e jʉ̃barii mʉ mau enai baita biꞌiwãe b̶uu. Mauba Dachi Akõre Jauri deai. Maamina ijãad̶awẽebʉrã kastikakuai.

Lucas 3:3

Maud̶eeba Juan joma Jordán do kaita duanuurãmaa jarad̶e wãsii ãchi kachirua ida b̶ud̶aped̶a Dachi Akõremaa need̶amera. Ichiba jarasii maka waud̶arã Dachi Akõreba ãchi kachirua perdonai. Chi ijãaduu ichiba doed̶a boro eabachii.

Juan 1:15

Juanba ichi ʉ̃rʉbena naka jĩwa jarabachii: «Nau ẽbẽra ʉ̃rʉbena, mʉʉba naka jara b̶uabachii: “Chi mʉare neeruu mʉ audeara chi mechiu nii, mau mʉ naed̶e nibasiid̶eeba”».

Juan 1:30

Ichi ʉ̃rʉbena mʉʉba naed̶e jara b̶uasii: “Chi mʉare neeruu mʉ audeara chi mechiu nii, mau mʉ naed̶e nibasiid̶eeba”.

Hechos 1:5

Biawãra Juanba baniaba ẽbẽrarã boro easii, maamina kãꞌãabariwãed̶e Dachi Akõreba ichi Jauri machimaa deai.

Hechos 19:4

Maud̶e Pabloba jarasii: —Juanba jarabachii ẽbẽrarãba kachirua waubadau ida b̶ud̶aped̶a Dachi Akõremaa need̶amera. Maka wauduubʉrã ichiba boro eabachii. Mau awara jarabachii chi ichi kaad̶e neeruu ijãad̶amera. Mau Jesús basii.

Hechos 8:36

Maka panuud̶e bania b̶uumare wãsid̶au. Maud̶e chi trajabarii mechiuba jarasii: —Ichiáse. Nama bania nub̶uu. ¿Kãareba mʉ poyaa boro eabiibai b̶uma? Mʉ ¿boro eai b̶uka?

Hechos 8:38

Ara makʉd̶e ichi karreta b̶ari nub̶eebiped̶a, ãchi omea ed̶aa baniad̶e ed̶a wãsid̶au. Aria Felipeba ichi boro easii.

1 Corintios 12:13

Chi nuree dachid̶ebena dachi judiorãbʉ, chi nuree dachid̶ebena judiowãerãbʉ, chi nuree dachid̶ebena chi chibari baita bari trajabadaurãbʉ, chi nuree dachid̶ebena chibariswãe nureerãbʉ. Maamina Dachi Akõre Jauri ara ab̶a niiba dachi jomaurã kakua ab̶ad̶e b̶usii. Joma dachiba Dachi Akõre Jauri arab̶au nii adausid̶au.

Efesios 3:8

Joma ẽbẽrarã Dachi Akõred̶erã tãed̶e mʉ kaebeu nimina, ichi sõbiad̶eeba mʉ b̶usii judiowãerãmaa Cristo ʉ̃rʉbena ne bia chi wãꞌãekau jaradead̶e wãmera.

Tito 3:5

Mauba dachi karibasii. Dachiba biꞌia wauped̶aad̶a kakua karibaabasii, maumaarã ichi kĩra chuburiasiid̶eeba karibasii. Dachi kachirua jeraasii paru ea jeraad̶a kĩra nuread̶amera maud̶e Dachi Akõre Jauriba dachimaa chokae b̶uai chiwid̶i deasii.

1 Pedro 5:5

Kũudrãarã, chõrarãba jaraaduu ijã́sturu. Jomaurã chiya aid̶a nuread̶ai panuu waabena audeara chi mechiu nii kʉ̃risiad̶awẽa. Dachi Akõre bed̶ead̶e naka b̶ʉ kub̶uu: «Chi nejuakaya nuree Dachi Akõreba ida biꞌia b̶uabiakau. Maamina chi mechiu kʉ̃risiawẽa nuree Dachi Akõreba ichi sõbiad̶eeba aid̶abarii».