Mateo 28:7 - Emberá Chamí

⁷ Mau isa wãd̶aped̶a ichi baara nibabadaurãmaa naka jarásturu: “Mau biu b̶uad̶a chokae jiradusii. Ichi machi naa wãi Galilea druad̶aa. Aria ichi unud̶ai”. Mau mʉʉba machimaa jarad̶e neesii.

Mateo 28:7 Iomraidhean Croise

Mateo 24:25

Mau joma mʉʉba machimaa jarasii makai naed̶e.

Mateo 26:32

Maamina mʉ chokae jiraduuruud̶e machi naa wãi Galilea druad̶aa.

Mateo 28:10

Maka panuud̶e Jesusba jarakuasii: —Wapearã́sturu. Ãbarãmaa jarad̶e wã́sturu Galilea druad̶aa wãd̶amera. Aria ãchiba mʉ unud̶ai.

Mateo 28:8

Ara makʉd̶e wẽrarã Jesús jau b̶uped̶aad̶a chob̶ead̶ebena pira wãsid̶au. Wapea panumina ãrea kĩrajʉʉ pira wãsid̶au. Jesús baara nibabadaurãmaa jarad̶e wãaduud̶e Jesús neeped̶a —¡Ãjãa! asii. Maabae wẽrarã ichimaa need̶aped̶a jʉ̃rʉmaa bʉrʉd̶aped̶a ichimaa biꞌia berreasid̶au.

Marcos 14:28

Maamina mʉ chokae jiraduuruud̶e, Galilea druad̶aa machi naa wãi.

Marcos 16:10

Maabae María chi Jesús baara nibaped̶aad̶arãmaa chi angelba jarabid̶a jarad̶e wãsii. Ichi neesiid̶e ãchi kĩra nomaa jẽa panasid̶au.

Marcos 16:13

Ãchi waya wãd̶aped̶a waabenarãmaa jarasid̶au. Maamina wabid̶a ijãad̶aabasii.

Lucas 24:34

Maarãba naka jara panasid̶au: —¡Dachi Mechiu Jesús biawãra chokae jiradusii! Simonmaa ichi unubisii.

Juan 14:29

Mʉʉba mau jara b̶uu makai naed̶e, biawãra makaaruud̶e machiba ijãad̶amera.

Juan 16:4

Maamina mʉʉba joma mau machimaa jarakuaruu, mau ewari neeruud̶e mʉʉba jarad̶a kĩrabad̶aped̶a perawẽa nuread̶amera. »Mʉʉba naed̶e machimaa mau jaraabasii, machi baara b̶uasiid̶eeba.

1 Corintios 15:4

Ichi jau b̶usid̶au, maabae ewari õbead̶e biud̶a bad̶a chokae jiradusii Dachi Akõre bed̶ead̶e b̶ʉ kub̶uu kĩra.

1 Corintios 15:6

Mau maad̶akare ãbarã 500 araa ãbua panuumaa unubiasii. Ãchid̶ebena chi nuree biusid̶au maamina ãrea wabid̶a chokae panuu.