Mateo 28:2 - Emberá Chamí

² Maud̶e maka b̶uud̶e ioromia ãrea neesii. Dachi Mechiud̶e ángel bajãad̶ebena neeped̶a chob̶ea jʉ̃a kub̶uad̶a ãyaa bʉraa kub̶uped̶a mau ʉ̃rʉ akʉ b̶eesii.

Mateo 28:2 Iomraidhean Croise

Mateo 27:60

Maabae mo chob̶ea wid̶i korod̶ad̶e ed̶a jau b̶usii. Mau chob̶ea Josed̶e basii. Maabae mo mechiuba chi ed̶a wãbariimare bʉraa kub̶uped̶a wãsii.

Mateo 27:66

Ara makʉd̶e kokoroarãba chi chob̶ea mo koraa kub̶usid̶au maabae mau ʉ̃rʉ bestusid̶au, ab̶auba ewai kuitaad̶ai baita. Maabae nu paneesid̶au.

Juan 20:1

Misa ewarid̶e daped̶eed̶e wabid̶a pãriu b̶uud̶e María Magdalena Jesús jau b̶uped̶aad̶amaa wãsii. Neeruud̶e chi mo mechiu chi chob̶ea jʉ̃a kub̶uad̶a ãyaa bʉraa kub̶uu unusii.

Hechos 16:26

Maka b̶uud̶e ioromia ãrea wãsii. Mauba chi jʉ̃abadau de jʉ̃rʉ ãrea urisii. Ara maud̶e chi poraa ewakuasii. Joma chi jʉ̃a duanuu kaenaba jʉ̃a duanad̶a ena wãurisid̶au.

Hechos 5:19

Maamina ara mau ẽsabud̶e Dachi Mechiud̶e angelba chi poraa ewaped̶a ãchi awara bʉikasii. Maabae jarasii:

1 Timoteo 3:16

Biawãra Dachi Akõreba mau bed̶ea kuitaabiad̶a ãrea biꞌia b̶uu: Cristo nau kakuad̶e neesii. Dachi Akõre Jauriba kuitaabiasii ichi jipa nii. Angelerãba ichi unusid̶au. Ãbarãba ichi ʉ̃rʉbena drua awarabenarãmaa jaradeasid̶au. Ãreaba nau iujãad̶e ichid̶e ijãasid̶au. Dachi Akõreba ichi bajãa bia b̶uud̶aa waya adoesii.

1 Pedro 1:12

Maamina Dachi Akõreba kuitaabiad̶a ãchiba berreaped̶aad̶a ãchi baitawãe basii, maumaarã machi baita b̶uu. Ãchiba berreaped̶aad̶a jãabae chi bed̶ea bia Cristo ʉ̃rʉbena jaradeabadaurã dachimaa biꞌia kuitaabia panuu Dachi Akõre Jauri bajãad̶ebena bʉisiid̶eeba. Mau angelerã bid̶a kuitaa kʉ̃ria panuu.

Apocalipsis 11:19

Maabae Dachi Akõre de mechiu bajãad̶e kub̶uu ewa wãsii. Aria chi Dachi Akõreba waubid̶a baúl kub̶uu mʉʉba unusii. Ara maud̶e bã puri chebi kob̶eesii, bã to kob̶eesii, maud̶e chi bã ãrea ʉrʉrʉa wã kob̶eesii. Nau iujãa uri kob̶eesii maud̶e hielo sid̶a kui kĩra ãrea che kob̶eesii.