Mateo 27:51 - Emberá Chamí

⁵¹ Ara maud̶e Dachi Akõre de mechiud̶e ed̶a chi piezad̶e paru eab̶ari jirab̶u ʉtʉʉba ed̶aa ẽsa kõa urusii. Maud̶e ioromia wãsii. Mauba mo toapekuasii.

Mateo 27:51 Iomraidhean Croise

Mateo 27:54

Romad̶ebena kokoroarã jaradea ua b̶uabariiba, ichi kokoroarã bid̶a Jesús nu panasid̶au ab̶auba aid̶arãad̶amera. Maamina ioromiaba makaaruu unusid̶aud̶e ãrea perad̶aped̶a jarasid̶au: —Biawãra nau mukĩra Dachi Akõre Warr basii.

Mateo 28:2

Maud̶e maka b̶uud̶e ioromia ãrea neesii. Dachi Mechiud̶e ángel bajãad̶ebena neeped̶a chob̶ea jʉ̃a kub̶uad̶a ãyaa bʉraa kub̶uped̶a mau ʉ̃rʉ akʉ b̶eesii.

Marcos 15:38

Maud̶e Dachi Akõre de mechiud̶e ed̶a chi piezad̶e paru eab̶ari jirab̶u ʉtʉʉba ed̶aa ẽsa kõa urusii.

Lucas 23:47

Mau unusiid̶e kokoroarã jaradea ua b̶uabarii aria b̶uuba Dachi Akõremaa naka biꞌia jarasii: —Biawãra nau mukĩra jipa nibasii.

Hebreos 6:19

Mauba dachi aid̶a b̶uu ãrea ijãa panad̶amera anclaba jãba jãaduabarii kĩra. Dachiba adaud̶ai panuu biawãra kuitaa panuu Jesús bajãad̶aa dachi naa wãsiid̶eeba. Ichi Dachi Akõre de ed̶are paru eab̶ari jira b̶uare wãyaa wãsii dachi karibai baita. Aria ichi dachi Paare mechiu b̶eesii Melquisedec nibad̶a kĩra. Ewaricha maka nii.

Hebreos 9:3

Chi mawãare b̶uu pieza paru eab̶ari jirab̶u ad̶u b̶uasii. Mau pieza «Dachi Akõre baita biꞌia b̶uu pieza» abachid̶au.

Apocalipsis 11:13

Maud̶e ioromia meserãa neesii. Mauba Jerusalén puurud̶e de ãrea korekuasii. 7.000 ẽbẽrarã biusid̶au. Ara maud̶e chi chokae panuuba perad̶eeba chi bajãad̶ebena Dachi Akõremaa biꞌia nii a jarasid̶au.

Apocalipsis 11:19

Maabae Dachi Akõre de mechiu bajãad̶e kub̶uu ewa wãsii. Aria chi Dachi Akõreba waubid̶a baúl kub̶uu mʉʉba unusii. Ara maud̶e bã puri chebi kob̶eesii, bã to kob̶eesii, maud̶e chi bã ãrea ʉrʉrʉa wã kob̶eesii. Nau iujãa uri kob̶eesii maud̶e hielo sid̶a kui kĩra ãrea che kob̶eesii.