Mateo 27:35 - Emberá Chamí

³⁵ Maabae kokoroarãba Jesús cruzd̶e jirab̶usid̶au. Mau maad̶akare ne jemenesid̶au Jesús paru kaiba adaui kuitaad̶ai baita. [Maka wausid̶au Dachi Akõre baita berreabariiba jarad̶a makamera. Naka jarasii: «Mʉ paru ãchicha adausid̶au. Mʉ paru kakua ne jemenesid̶au kaiba mau adaud̶ai kuitaad̶ai baita».]

Mateo 27:35 Iomraidhean Croise

Lucas 23:34

[Maud̶e Jesusba jarasii: «Chacha, jãarãba wau panuu kʉde b̶eerã́se. Jãarãba adua panuu kãare wau panuu».] Mau awara chi kokoroarã Jesús paru saka dead̶akad̶ai kuitaad̶ai baita jemenesid̶au.

Juan 20:20

Mau jaraped̶a ichi jua, ichi orr ãchimaa unubiasii. Dachi Mechiu b̶uu unusid̶aud̶e kĩrajʉʉsid̶au.

Juan 20:25

Maud̶eeba ichimaa jarasid̶au: —Daiba Dachi Mechiu unusid̶au. Maamina Tomasba jarasii: —Mʉ dauba ichi jua cruzd̶e jirab̶ud̶ai baita merapeped̶aad̶a unuwẽebʉrã, maud̶e mʉ jua jimid̶i chi cruzd̶e jirab̶ud̶ai baita merapeped̶aad̶ad̶e ed̶a wãwẽebʉrã, maud̶e mʉ jua ichi orrd̶e ed̶a wãwẽebʉrã, ichi chokae jiradud̶a mʉʉba ijãabai.

Juan 20:27

Maabae Tomasmaa jarasii: —Bichi jua jimid̶i nama bʉise, mʉ jua ab̶aab̶aa ichiáse, maud̶e bichi jua mʉ orrd̶e bʉise. Waa ijãawẽa b̶uarã́se, maumaarã ijãase mʉ biawãra chokae jiradusii.

Hechos 2:23

Dachi Akõreba naed̶e kʉ̃risia b̶uad̶a kĩra ab̶aumaa Jesús machi juad̶e ida b̶ubisii. Maabae machiba ẽbẽrarã kachiruarãmaa cruzd̶e jirab̶u beabiasid̶au. Dachi Akõreba kuitaa b̶uasii mau joma makai b̶uu.

Hechos 4:10

Maka b̶uubʉrã daiba machi daad̶e jaraaduu machi joma israeld̶ebenarãba kuitaad̶amera. Nau ẽbẽra machi daad̶e ʉkʉ nub̶uu Jesucristo Nazaretd̶ebena poyaad̶eeba aribiabisii. Mau Jesucristo machiba cruzd̶e jirab̶u beasid̶au, maamina Dachi Akõreba ichi chokae jiradubisii.