Mateo 27:24 - Emberá Chamí

²⁴ Maka panuud̶e Pilatoba kuitaasii ẽbẽrarãba ichi bed̶ea ijãad̶aabasii. Mau awara unusii ẽbẽrarã aude b̶iuka nub̶eeduu. Maabae baniaba ichi jua jomaurã daad̶e jeraaped̶a jarasii: —Nau ẽbẽra jipa b̶uu beaduu kakua mʉ nebʉra wauwẽa b̶uu. Mau biawãra machid̶e b̶uu.

Mateo 27:24 Iomraidhean Croise

Mateo 26:5

Maamina jarasid̶au: —Bari panabadau ewarid̶e jidaud̶aabai ẽbẽrarã kĩrubid̶aabayua».

Mateo 27:19

Pilato ẽbẽrarã jibarii ãkaud̶e akʉ b̶uud̶e chi wẽraba nau bed̶ea ichimaa jarabʉisii: «Jãu ẽbẽra jipa nii enata bʉise. Id̶i jãu ʉ̃rʉbena kamokaraasiid̶eeba mʉ ãrea wapea b̶uu».

Mateo 27:23

Pilatoba id̶isii: —¿Sakãe maka wauima? Ichiba ¿kãare kachirua wausma? Maka berrea b̶uud̶e waya aude b̶iasid̶au: —¡Cruzd̶e jirab̶u beabise!

Mateo 27:4

Maarãmaa jarasii: —Mʉʉba kachirua wausii mukĩra nebʉraswãe nii jidaubisiid̶eeba. Maud̶e ãchiba jarasid̶au: —¿Dai baita mau sakaima? Mau bichid̶e b̶uu.

Mateo 27:54

Romad̶ebena kokoroarã jaradea ua b̶uabariiba, ichi kokoroarã bid̶a Jesús nu panasid̶au ab̶auba aid̶arãad̶amera. Maamina ioromiaba makaaruu unusid̶aud̶e ãrea perad̶aped̶a jarasid̶au: —Biawãra nau mukĩra Dachi Akõre Warr basii.

Mateo 27:9

Mau makasii Dachi Akõre baita berreabarii Jeremiasba jarad̶a kĩra. Naka jarasii: «Maarãba 30 sẽetao parata adausid̶au. Israeld̶ebenarãba mau bed̶ea deasid̶au sãabe parata dead̶ai b̶uu.

Juan 13:9

Maud̶eeba Simón Pedroba jarasii: —Maka b̶uubʉrã, mʉ Mechiu, mʉ jʉ̃rʉ́turu jeraarã́se, ¡maumaarã mʉ jua maud̶e mʉ boro sid̶a jeraase!

Juan 19:4

Maabae Pilato waya awara judiorãmaa wãped̶a jarasii: —Ũrísturu. Mʉʉba nau ẽbẽra awara machimaa eneei, mʉʉmaarã nauba kachirua wauwẽa b̶uu kuitaad̶amera.

Hechos 3:14

Machiba Dachi Akõre baita bari trajabarii Jipa nii ida b̶ud̶aped̶a id̶i panasid̶au Pilatoba mia beabarii Barrabás ida bʉimera.

2 Corintios 5:21

Cristoba kachirua waukau basii. Maamina dachi baita Dachi Akõreba ichi kachirua waubarii kĩra unusii. Maka Cristod̶eeba chi Dachi Akõre jipa nii dachiba waabenarãmaa poyaa unubiabadau.

1 Pedro 3:18

Cristo jipa b̶umina kachirua kakua b̶es ab̶a biꞌiwãe b̶uasii. Mauba dachi chi jipawãe nuree Dachi Akõre ome biꞌia b̶usii. Ichi beasid̶au, maamina Dachi Akõre Jaurid̶eeba chokae jiradusii.