Mateo 27:2 - Emberá Chamí

² Maabae jʉ̃d̶aped̶a, Romad̶ebena ẽbẽra Poncio Pilato abadaumaa adoesid̶au. Mau Pilato Judea druad̶ebena jaradea ua b̶uabarii basii.

Mateo 27:2 Iomraidhean Croise

Mateo 20:19

Maabae mʉ judiowãerãmaa dead̶ai, mʉ atua jarad̶aped̶a, soaba ped̶aped̶a maabae mʉ cruzd̶e jirab̶u bead̶amera. Maamina ewari õbead̶e mʉ chokae jiradui”.

Mateo 28:14

Pilatoba machi kãi duanasii kuitaaruubʉrã, daiba ichi ome berread̶ai machi nebʉrad̶e paneerãad̶amera».

Lucas 13:1

Maka panuud̶e ẽbẽrarãba Jesusmaa jarasid̶au waabenarã Galilead̶ebenarãba ãnimara Dachi Akõremaa baa dea panuud̶e Pilatoba maarã kenabiasii.

Lucas 20:20

Maabae paare mechiurãba ẽbẽrarã sõbia nuree kĩra bʉisid̶au Jesusba jaraaruu biꞌia ũrid̶amera. Maarãba Jesús kachirua berrearuu ũriiduubʉrã mau kakua jidaud̶aped̶a ãchi druad̶ebena jaradea ua b̶uabarii juad̶e dead̶ai kʉ̃risia panasid̶au.

Lucas 23:1

Ara makʉd̶e joma chi araa ãbua duanuu judiorã mechiurã jiradud̶aped̶a Jesús Pilatomaa adoesid̶au.

Lucas 23:12

Mau ewari tõpe Pilato Herodes ome chi kĩramaa bad̶a chi kõpaero wausii.

Lucas 3:1

Tiberio César 15 años Romad̶ebena chi aude mechiu niid̶e Poncio Pilato Judea druad̶e chi jaradea ua b̶uabarii basii. Herodes Galilea druad̶e chi jaradea ua b̶uabarii basii. Chi ãba Felipe Traconite druad̶e maud̶e Iturea druad̶e chi jaradea ua b̶uabarii basii. Lisánias Abilene druad̶e chi jaradea ua b̶uabarii basii.

Juan 18:12

Maabae Romad̶ebena kokoroarãba, ara ãchi mechiu maud̶e chi Dachi Akõre de nubadaurãba Jesús jidaud̶aped̶a jua jʉ̃sid̶au.

Juan 18:24

Maabae Anasba Jesús jua jʉ̃ b̶uu Caifasmaa bʉisii, ichi paarerã mechiu basiid̶eeba.

Juan 18:28

Maabae daped̶eed̶e Jesús Caifás ded̶ebena Romad̶ebena chi karr de mechiud̶aa adoesid̶au. Chi Jesús adoeped̶aad̶a judiorã mau de Pretorio abadaud̶e ed̶a wãd̶aabasii ãchimaarã ed̶a wãaduubʉrã Dachi Akõre daad̶e kachirua b̶uai b̶uud̶eeba. Ichi daad̶e biꞌia panad̶ai kʉ̃ria panasid̶au Pascua ewarid̶e chi chiko kod̶ai baita.

Hechos 12:6

Herodesba chi Pedro nebʉra jarai naed̶e, mau ẽsabud̶e Pedro kokoroarã ome panuu ẽsa kãi b̶uasii. Kaena omeeba jʉ̃ b̶uasii. Chi jʉ̃abadaumare poraa chi nuree kokoroarãba nu panasid̶au.

Hechos 21:33

Kokoroa chi aude mechiu araa neesiid̶e, Pablo jidauped̶a kaena omeeba jʉ̃bisii. Maabae ẽbẽrarã pĩchua imi nub̶uumaa id̶isii Pablo kai maud̶e kãare wausii kuitaai.

Hechos 22:25

Maamina ichi pebebad̶ai baita jʉ̃ʉduud̶e Pabloba kokoroarã jaradea ua b̶uabarii aria b̶uumaa jarasii: —¿Machiba Romad̶ebena ab̶a pebebad̶ai panuka ichi nebʉra ichiad̶ai naed̶e?

Hechos 22:29

Ara makʉd̶e chi Pablomaa id̶ikad̶ai baita panad̶aba ida b̶usid̶au. Kokoroarã chi aude mechiuba Pablo Romad̶ebena kuitaasiid̶e ãrea wapeasii Romad̶ebena pebebabii baita jʉ̃bisiid̶eeba.

Hechos 24:27

Maka b̶uu año ome wãyaasii. Mau maad̶akare Félix neei bad̶a june neesii chi mechiu b̶uai baita. Mau Porcio Festo abadau. Maamina mauba judiorã ome biꞌia b̶uai kʉ̃ria b̶uasiid̶eeba, Pablo jʉ̃a b̶ʉisii.

Hechos 28:20

Maud̶eeba mʉʉba machi unu kʉ̃ria b̶uasii machi ome berreai baita. Dachi Akõreba Dachi Karibabarii deai jarad̶a joma israeld̶ebenarãba esed̶au panuu. Ichi kakua mʉ naka kaenaba jʉ̃ b̶uu.

Hechos 3:13

Dachi Akõre dachi nabẽraed̶ebena Abraham ome, Isaac ome maud̶e Jacob baara b̶uad̶aba ichi baita bari trajabarii Jesús chi Mechiu b̶usii. Ara mau Jesús machiba Pilatomaa jidau deasid̶au beamera. Pilatoba mau karibai kʉ̃ria b̶uasmina machiba ichi daad̶e mau kʉ̃riad̶awẽe asid̶au.

Hechos 4:27

Ara mau kĩra nau puurud̶e Herodes, Poncio Pilato, judiowãerã maud̶e Israel puurud̶ebenarãba bed̶ea deasid̶au chi bichi baita bari trajabarii jipa nii Jesús bead̶ai baita. Bichiba ichi Dachi Mechiu b̶ud̶amina,

1 Timoteo 6:13

Joma chokae nuree Dachi Akõred̶eeba chokae nuree. Ara mau Dachi Akõre daad̶e mʉʉba jaraaruu bichiba wau b̶uamera. Jesucristo daad̶e bid̶a arab̶aud̶e jaraaruu ichiba Poncio Pilato daad̶e chi bed̶ea biawãra jarad̶a kĩra. Mʉʉba nau jaraaruu: mʉʉba jaradea b̶uu kĩra jipa wau b̶uase, bichi ʉ̃rʉbena kachirua jarabiamaaba ab̶a Dachi Mechiu Jesucristo neeruud̶aa.

2 Timoteo 2:9

Mau jaradea b̶uu kakua mʉ ãrea biꞌiwãe b̶uu. Mʉ ẽbẽra kachirua kĩra kaenaba jʉ̃ uru panuu. Maamina Dachi Akõre bed̶ea jʉ̃ uru panuuwãema.

Hebreos 13:3

Chi jʉ̃a uru panuu kĩrabásturu machi sid̶a maarã ome jʉ̃a panuu kĩra. Ẽbẽrarãba kachirua wau panuud̶eeba ãrea biꞌiwãe nuree kĩrabásturu machi sid̶a maarã ome ãrea biꞌiwãe panuu kĩra.