Mateo 26:15 - Emberá Chamí

¹⁵ Maabae ichiba naka id̶isii: —Mʉʉba machimaa Jesús jidau dearuubʉrã, ¿machiba mʉʉmaa kãare dead̶aima? Maabae ãchiba parata 30 sẽetao deasid̶au.

Mateo 26:15 Iomraidhean Croise

Mateo 10:4

maud̶e Simón Cananeo. Maud̶e b̶uasii Judas Iscariote, Jesús jidaubid̶a.

Mateo 26:16

Makaed̶eed̶e Judasba kʉ̃risia kob̶eesii Jesús saka jidaubii.

Hechos 1:18

(Judasba kachirua waud̶a bare chi nejarra paaped̶aad̶aba, drua nedosii. Maabae aria boroare b̶aesii maabae chi jĩsi chesii.

1 Timoteo 3:3

Itua biu nibaabai b̶uu. Kĩrubi id̶aa nibaabai b̶uu, maumaarã kĩrabia b̶uai b̶uu. Jomaurã ome jirukaraayuwãe b̶uai b̶uu. Chi nejarra kʉ̃ria nibaiswãe b̶uai b̶uu.

2 Pedro 2:3

Chi nejarra kʉ̃ria panuud̶eeba, machi chi nejarra adaud̶ai baita ara ãchi kʉ̃risiad̶eeba setaa jaradead̶ai. Ãrea basii Dachi Akõreba maarã nebʉra ichiai baita b̶uu, maud̶e kãꞌãabariwãed̶e biawãra maarã kastikai.