Mateo 24:8 - Emberá Chamí

⁸ Maamina mau naed̶e b̶aꞌãra biꞌiwãe panad̶ai, wẽra warr pira chaa b̶uu kĩra.

Mateo 24:8 Iomraidhean Croise

Marcos 13:8

Drua ab̶a ab̶au drua ome chĩobika nub̶uai. Maud̶e rey ab̶a ab̶au rey ome chĩobika nub̶uai. Ioromia druacha baraai maud̶e jarrba baraai. Maamina mau joma chi naa ãrea biꞌiwãe panad̶ai, wẽra warr adauruud̶e chi naa pira kob̶eebarii kĩra.

Lucas 21:12

»Maamina joma makai naed̶e machi wãraad̶ai biꞌiwãe paneebiad̶ai baita. Chi nuree jidaud̶aped̶a judiorã araa ãbua imibadau ded̶e adoed̶ai. Maabae machi nebʉra ichiad̶aped̶a chi jʉ̃abadau ded̶e jʉ̃akuad̶ai. Mʉʉd̶e ijãa panuu kakua ãchiba machi chi jaradea ua b̶uabadaurã maud̶e chi reyrã daad̶e adoed̶ai.

1 Tesalonicenses 5:3

Ẽbẽrarãba naka jara panad̶ai: «Joma jirukaraayuwãe panuu, perad̶awẽa panuu». Maka panuud̶e maarã joma baribai ewari neei wẽra warr bara nii barikiu ewarid̶e pirabari kĩra. Maud̶e maarã mirud̶aabai.

Santiago 5:1

Chi nejarra barau nuree, ¡mʉ bed̶ea ũrísturu! ¡Kĩra nomaa jẽásturu, kãꞌãabariwãed̶e machi nebʉrad̶e paneed̶aid̶eeba!