Mateo 24:7 - Emberá Chamí

⁷ Drua ab̶a ab̶au drua ome chĩobika nub̶uai. Maud̶e rey ab̶a ab̶au rey ome chĩobika nub̶uai. Druacha jarrba baraai maud̶e ioromia druacha baraai.

Mateo 24:7 Iomraidhean Croise

Lucas 21:11

Ioromia mechiu baraai, druacha jarrba baraai maud̶e ẽpermabiabadaurã ãrea baraai. Mau awara bajãad̶e ẽbẽrarãba ne poyaa waud̶akau unud̶ai. Mauba ẽbẽrarã ãrea wapead̶ai.

Hechos 11:28

Ab̶a Agabo abadau ʉkʉ nub̶eeped̶a Dachi Akõre Jaurid̶eeba jarasii joma nau druad̶e jarrba waud̶ai neei. Mau jarrba biawãra neesii Claudio Romad̶ebena chi aude mechiu basiid̶e.

Hechos 2:19

Mau ewarid̶e ẽbẽrarãba ne poyaa waud̶akau bajãad̶e unubiai. Maud̶e iujãad̶e unubiakuai. Oa, aoko maud̶e nari unubiai.

Hebreos 12:27

Waya uribiiruu asiid̶e Dachi Akõreba kuitaabiasii ne joma ichiba waukuad̶a uribiped̶a wãꞌãebii. Maud̶e ab̶aburu chi wãꞌãekáuturu b̶eei.

Apocalipsis 6:12

Mau maad̶akare mʉʉba unusii chi Oeja Kaebe Niiba chi wãa kub̶uu maucha oetaaruu. Maud̶e ioromia ãrea urisii. Ʉmada pãriusii paru parr ab̶a biud̶akare jʉ̃badau kĩra. Jed̶ako joma oa kĩra puria kob̶eesii.

Apocalipsis 6:5

Mau maad̶akare chi Oeja Kaebe Niiba chi wãa kub̶uu maucha oetasiid̶e mʉʉba ũrisii chi chokae nureed̶ebena ab̶aba naka jaraaruu: «¡Neese!». Araa ichiasiid̶e mʉʉba mura parrba nii unusii. Chi mau mura ʉ̃rʉ akʉ b̶uuba ichi juad̶e chikʉa chaabarii uru b̶uasii.

Apocalipsis 6:6

Maka b̶uud̶e mʉʉba chi kimare chokae nuree panuu tãed̶e ab̶a berrearuu ũrisii. Mauba naka jarasii chi mura ʉ̃rʉ akʉ b̶uumaa: «Chi trigo ãrisii. Maka ẽbẽra ab̶a ewari ab̶a trajai, trigo libra ome nedoi baita. Maud̶e chi cebada sid̶a ãrisii. Maka ẽbẽra ab̶a ewari ab̶a trajai cebada 6 nedoi baita. Maamina olivo jõ maud̶e uva jõ ida biꞌia chaubise drabirua maud̶e uva b̶aa baraamera».

Apocalipsis 6:8

Araa ichiasiid̶e mʉʉba mura kukuaraa nii unusii. Chi mau mura ʉ̃rʉ akʉ b̶uu trʉ̃ «Biud̶a» abadau. Chi ichi ome nibabarii chi trʉ̃ «Biud̶arã Panabadau» abadau. Joma nau iujãad̶e ẽbẽra kimared̶ebena ab̶a Dachi Akõreba maarãmaa ida beabiasii. Maarã ẽbẽrarã beasid̶au chĩoduuba, jarrbaba, dachi kakua kachirua paneebibadauba maud̶e ãnimara kachirua nureeba.