Mateo 24:14 - Emberá Chamí

¹⁴ Maud̶e chi bed̶ea bia Dachi Akõreba ichid̶irã ichi juad̶e ua b̶uu ʉ̃rʉbena joma nau druad̶e jaradead̶ai puurucha ũrid̶amera. Mau maad̶akare nau ewari baribai.

Mateo 24:14 Iomraidhean Croise

Mateo 10:7

Machi wãaduumaa jarásturu: “Bajãad̶e B̶uuba ichid̶irã ichi juad̶e ua b̶uai; neei uru b̶uu”.

Mateo 18:19

»Mʉʉba naka jaraaruu: mʉʉd̶e ijãabadaurã ome maebʉrã õbea ãbua panuud̶e mʉ sid̶a aria b̶uai. Maud̶eeba nau iujãad̶e machid̶ebena ome panuu mʉ Chachamaa ʉtaa id̶id̶ai baita bed̶ea deaduubʉrã, machiba ʉtaa id̶iiduu mʉ Chacha bajãad̶e b̶uuba waui.

Mateo 24:3

Jesús Olivo ead̶e akʉ b̶uasiid̶e ichi baara nibabadaurã ichimaa wãd̶aped̶a ãchi du ab̶a naka id̶isid̶au: —Daimaa jarase, Dachi Akõre de mechiu ¿mau sakaed̶e makaima? ¿Kãared̶eeba kuitaad̶aima bichi neeruu? Maud̶e ¿kãared̶eeba kuitaad̶aima nau ewari baribai?

Mateo 24:6

Puuru ab̶a ab̶au puuru ome chĩobika nub̶uu ũriiduud̶e maud̶e makad̶ai ʉ̃rʉbena ũriiduud̶e, wapearã́sturu. Mau joma makai b̶uu. Maamina nau ewari wabid̶a neebai.

Mateo 4:23

Jesús joma Galilea druad̶e nibasii. Judiorã araa ãbua imibadau decha jaradeabachii Bajãad̶e B̶uu neeruu ichid̶irã ichi juad̶e ua b̶uai ʉ̃rʉbena. Mau bed̶ea bia jaradead̶e wãaruucha joma ẽpermo nuree aribiabiabachii.

Mateo 9:35

Mau maad̶akare Jesús puuru mechiu b̶eecha maud̶e puuru kaebe b̶eecha nibabachii. Judiorã araa ãbua imibadau ded̶e chi bed̶ea bia jaradeabachii Bajãad̶e B̶uu neeruu ichid̶irã ichi juad̶e ua b̶uai ʉ̃rʉbena. Maud̶e joma ẽpermo nuree maud̶e chi kakua pira nuree aribiabiabachii.

Marcos 13:10

Maamina nau ewari neei naed̶e chi bed̶ea bia mʉ ʉ̃rʉbena joma puurucha jarad̶ai panuu.

Lucas 2:1

Mau ewarid̶e Romad̶ebena chi aude mechiu César Augustoba ichi juad̶e b̶ee joma juasiibiasii.

Lucas 24:47

Maabae ichi trʉ̃d̶eeba ichi ijãabadaurãba ẽbẽrarãmaa jarad̶ai ãchi kachirua ida b̶ud̶aped̶a Dachi Akõremaa need̶amera. Maka Dachi Akõreba ãchi kachirua perdonai. Mau naa Jerusalén puurud̶e jarad̶aped̶a joma puuru b̶eecha jarad̶e wãd̶ai.

Lucas 4:5

Mau maad̶akare chi jʉbawãe niiba Jesús ea ʉtʉ b̶uud̶aa adoesii. Aria nau druad̶e b̶ee puururã joma unubisii.

Hechos 1:2

ab̶a Dachi Akõreba bajãad̶aa adoeruud̶aa. Bajãad̶aa wãi naed̶e Dachi Akõre Jaurid̶eeba Jesusba chi ichiba bʉid̶arãmaa jaradeasii kãare waud̶ai panuu. Maarã ichiba jʉrʉ adaud̶a basii.

Hechos 11:28

Ab̶a Agabo abadau ʉkʉ nub̶eeped̶a Dachi Akõre Jaurid̶eeba jarasii joma nau druad̶e jarrba waud̶ai neei. Mau jarrba biawãra neesii Claudio Romad̶ebena chi aude mechiu basiid̶e.

Hechos 17:31

Ewari ab̶a b̶usii joma nau iujãad̶ebenarã jipa nebʉra kastikai baita, chi ichiba ẽbẽra jʉrʉ adaud̶a kakua. Mau ẽbẽra jomaurãmaa kuitaabiasii ichi biu b̶uad̶a chokae jiradubisiid̶eeba.

Hechos 17:6

Maamina ãchi unud̶aabasii. Maud̶eeba Jasón maud̶e chi waabenarã ãbarã jidaud̶aped̶a chi puurud̶ebena karrarãmaa errb̶ari adoesid̶au. Jomaurãba b̶ia jarasid̶au: «Naarã ẽbẽrarã joma nau iujãad̶e nebʉra wau panuu, ara mau kĩra namaa neesid̶au.

Hechos 19:27

Mauba chi dachiba ne waubadau ẽbẽrarãba mau kachirua unu paneed̶ai. Chi Artemisa de mechiu sid̶a waa trʉ̃ poa panad̶aabai. Makarã Asia druad̶e maud̶e joma nau druad̶e bid̶a chi Artemisad̶e ijãa panuuba waa aude kʉ̃risiad̶aabai».

Hechos 20:25

»Dachi Akõreba ichid̶irã ichi juad̶e ua b̶uai ʉ̃rʉbena mʉʉba machimaa jara b̶uabachii. Maamina jãabae kuitaa b̶uu machiba mʉ waa unud̶aabai.

Romanos 10:18

Maamina mʉʉba id̶iiruu: ¿Judiorãba mau bed̶ea ũrid̶aabaska? Biawãra ũrisid̶au. Dachi Akõre bed̶ead̶e naka b̶ʉ kub̶uu: «Ichi ʉ̃rʉbena joma nau iujãad̶e jarasid̶au. Mau bed̶ea kaitawẽ jarad̶e wãsid̶au».

Colosenses 1:23

Maud̶eeba Cristod̶e ãrea ijãa panuud̶eeba dauchia jãadua nuread̶ai panuu. Chi bed̶ea bia Cristo ʉ̃rʉbena machiba ũriped̶aad̶a ida b̶ud̶aabai panuu, maumaarã Dachi Akõreba deai jarad̶a esed̶aud̶ai panuu. Mau bed̶ea bia joma nau iujãad̶e jaradea panuu. Ara mau bed̶ea mʉa bid̶a jaradea b̶uu.

Colosenses 1:6

machimare ũrisid̶aud̶e Dachi Akõreba ichi sõbiad̶eeba machi biawãra karibai b̶uu joma kuitaasid̶au. Ara mau kĩra mau ewarid̶eed̶ebena joma druacha ẽbẽrarãba mau bed̶ea ãrea ijãamaa duanuu nejõo bakuru chaubarii kĩra.

Hebreos 1:6

Maud̶e Dachi Akõreba ichi Warr ara ab̶a nii nau iujãad̶aa bʉisiid̶e naka jarasii: «Joma Dachi Akõre angelerãba Maumaa biꞌia berread̶ai panuu».

Hebreos 2:5

Chi drua wid̶i neei b̶uu daiba jara panuu, Dachi Akõreba angelerã juad̶e mau b̶uubasii.

Apocalipsis 14:6

Mau maad̶akare mʉʉba ángel ab̶a bajãad̶e ũub̶ari nii unusii. Mauba chi bed̶ea bia uru b̶uasii chi nau iujãad̶ebena jomaurãmaa jarai baita: puurud̶ebenarãcha, druad̶ebenarãcha, ẽbẽrarã didiwaraacha maud̶e bed̶ea didiwaraacha. Mau bed̶ea ewaricha maka b̶uai.

Apocalipsis 16:14

Maarã chi jai kachirua nuree jaurirãba ẽbẽrarãba ne poyaa waud̶akau ãrea wausid̶au. Maud̶e joma druachad̶ebena reyrãmaa jarakuad̶e wãsid̶au Dachi Mechiu ome chĩod̶e wãd̶amera chi Dachi Akõre Joma Poyaabarii kastikai ewarid̶e.

Apocalipsis 3:10

Machiba joma chi mʉ kakua biꞌiwãe duanuu dauchia jãadua panuu mʉʉba jarad̶a kĩra. Maud̶eeba chi joma nau iujãad̶ebena biꞌiwãe panad̶ai ewari neeruud̶e, mʉʉba machi nu ua b̶uai. Mau ewarid̶e joma chi nau iujãad̶e duanuu biꞌiwãe panabiai sakad̶ai kuitaayua.