Mateo 23:4 - Emberá Chamí

⁴ Ãchiba ẽbẽrarãmaa aude chaarea ãrea waubiabadau ne chikʉa atoebiaduu kĩra. Maamina ãchiba b̶istĩika bid̶a aid̶ad̶akau maka waud̶amera.

Mateo 23:4 Iomraidhean Croise

Mateo 23:23

»¡Machi fariseorã, Moisesba b̶ʉd̶a jaradeabadaurã, setaa ẽbẽra bia nuree abadau, miichuburi nuree Dachi Akõreba kastikaid̶eeba! Menta kiruu, anís, comino Dachi Akõre baita awara b̶ubadau; mau 10d̶ebenacha, ab̶a. Maamina Moisesba b̶ʉd̶ad̶e chi aude b̶uu waud̶akau; waabenarã ome jipa waud̶akau, kĩra chuburiad̶akau maud̶e Dachi Akõred̶e ijãad̶akau. Maka waud̶ai panuu, machiba kiruu deabadau kĩra Dachi Akõremaa.

Mateo 23:3

Maud̶eeba ãchiba jaraaduu joma ijã́sturu. Maamina maarãba ara ãchiba jaradea panuu kĩra waud̶akau. Maud̶eeba jãarãba wau panuu kĩra waurã́sturu.

Lucas 11:46

Maud̶eeba Jesusba ichimaa jarasii: —¡Moisesba b̶ʉd̶a jaradeabadaurã, machi miichuburi nuree Dachi Akõreba kastikaid̶eeba! Machiba ne poyaa waud̶aabai nuree ẽbẽrarãmaa waubiabadau. Maamina ãchiba b̶istĩika bid̶a aid̶ad̶akau maka waud̶amera.

Hechos 15:10

Machiba ¿sakãe Dachi Akõreba kuitaabiad̶a ãyaa waud̶ai kʉ̃ria panuma? ¿Sakãe dachi maud̶e dachi nabẽraed̶ebenarãba poyaa waud̶aabad̶a ãchimaa waubiai kʉ̃ria panuma?

Hechos 15:28

Dachi Akõre Jaurimaarã maud̶e daimaarã bibuara b̶uu ne chi chaarea waubiad̶aabai. Náturu daiba kʉ̃ria panuu machiba waud̶amera:

Gálatas 6:13

Chi mukĩra chi kakua tõoped̶aad̶arãba Moisesba b̶ʉd̶a joma waud̶akau. Maamina maarãba machi mukĩra chi kakua tõobiad̶ai kʉ̃ria panuu, ara ãchi ʉ̃rʉbena biꞌia berread̶ai baita.

1 Juan 5:3

Dachi Akõre biawãra kʉ̃ria panuubʉrã, ichiba waubi b̶uu bed̶ea joma waud̶ai. Ichiba waubi b̶uu bed̶ea chaareawẽa b̶uu.

Apocalipsis 2:24

Maamina chi nuree machid̶ebena Tiatirad̶ebenarãba jãu wẽraba jaradea b̶uu ũrid̶awẽa panuu. Mau awara machiba chi “Satanasba mera ua b̶uu” abadau jʉrʉd̶awẽa panuu kuitaad̶ai baita. Mʉʉba june maucha waubiawẽe,