Mateo 23:30 - Emberá Chamí

³⁰ Maud̶e machiba jarabadau: “Dachi nabẽraed̶ebena ewarid̶e panad̶a basirã, Dachi Akõre baita berreabadaurã aid̶a bead̶aabai basii”.

Mateo 23:30 Iomraidhean Croise

Mateo 23:29

»¡Machi fariseorã, Moisesba b̶ʉd̶a jaradeabadaurã, setaa ẽbẽra bia nuree abadau, miichuburi nuree Dachi Akõreba kastikaid̶eeba! Machiba Dachi Akõre baita berreabadaurã jau b̶ubadau ʉ̃rʉ mipitaa waubiabadau. Maud̶e waabenarã jipa nureerã jau b̶ubadau ʉ̃rʉ bid̶a ara mau kĩra waubadau.

Mateo 23:31

Maka machiba jara panuu Dachi Akõre baita berreabadaurã kenaped̶aad̶ad̶ebena imisid̶au. Machi maarã kĩra nuree.

1 Corintios 10:18

Israeld̶ebenarãba waubadau ʉ̃rʉbena kʉ̃risiásturu. Ãchiba ãnimara Dachi Akõremaa baa deaduud̶e mau kiurud̶ebena kobadau. Mau kooduud̶e unubibadau Dachi Akõred̶e ijãa panuu. (Ara mau kĩra ab̶auba Dachi Akõre kuenda juaba ne kaped̶aad̶amaa kiuru baa dead̶ad̶ebena kooruubʉrã, unubii mau juaba kaped̶aad̶ad̶e ijãa b̶uu).

2 Corintios 1:7

Daiba kuitaa panuu machiba Dachi Akõre biawãra ãrea ijãa panuu. Kuitaa panuu machi dai kĩra ãrea biꞌiwãe paneebadamina Dachi Akõreba machi dai kĩra sõ kĩrajʉʉbiabarii.