Mateo 23:26 - Emberá Chamí

²⁶ ¡Fariseo dau pãriu! Naa chi basu maud̶e chi paratu ed̶abena jeraase. Maabae ʉ̃rʉbena sid̶a biꞌia jeraai.

Mateo 23:26 Iomraidhean Croise

Mateo 12:33

»Nejõo biꞌia chauruubʉrã kuitaabadau bakuru bia b̶uu. Maamina biꞌia chauwẽebʉrã kuitaabadau mau bakuru chi biawãe b̶uu. Bakuru chi nejõod̶eeba kuitaabadau.

Mateo 14:8

Maud̶e chi naweba ichi kaumaa naka id̶ibisii: «Mʉʉmaa paratud̶e Juan chi Boro Eabarii boro dease».

Marcos 7:4

Maud̶e chi nedobʉibad̶aumarebena deed̶aa need̶aped̶a nabẽraed̶e jaradeabachid̶au kĩra jeraad̶awẽebʉrã kod̶akau. Mau awara ãchi basu, choko, paratu koore waud̶a maud̶e kʉd̶a kauwa jeraabadau. Ne ãrea kauwa waubadau nabẽraed̶ebenaba jaradeabachid̶au kĩra).

Lucas 11:39

Maud̶e Dachi Mechiuba ichimaa jarasii: —Machi fariseorãba basu maud̶e paratu chi ʉ̃rʉbena biꞌia jeraabadau, maamina machi sõd̶e ne joma kʉ̃riabadau maud̶e kachirua sid̶a kʉ̃risiabadau.

Lucas 6:45

Ara mau kĩra ẽbẽra bia b̶uuba ichi sõd̶e ne bia uru b̶uud̶eeba ne bia berreabarii. Maamina ẽbẽra kachiruaba ichi sõd̶e ne kachirua uru b̶uud̶eeba ne kachirua berreabarii. Ẽbẽraba ichi sõd̶e kʉ̃risia b̶uu kĩra berreabarii.

2 Corintios 7:1

Ãbarã, Dachi Akõreba dachimaa mau joma waui asiid̶eeba nau kakuaba kachirua waubarii maud̶e dachi kʉ̃risiad̶eeba waubarii joma ida b̶ud̶ai panuu. Dachi Akõre ãrea wapea panuud̶eeba ichi baita biꞌia nuread̶ai panuu.

Hebreos 10:22

Cristoba dachi kʉ̃risia kachirua panad̶a jipa b̶usii dachi sõ ichi oaba jĩtod̶okaaruu kĩra. Dachi Akõre daad̶e biꞌia duanuu dachi kakua bania pawãraaba jeraad̶a kĩra. Maud̶eeba kʉ̃risia ab̶ad̶eeba maud̶e biawãra ijãa panuud̶eeba wãd̶ai panuu.

Santiago 4:8

Dachi Akõre kaita nésturu, makarã ichi machi kaita neei. Machi chi kachirua waubadaurã, ¡machi jua jeraaduu kĩra waa kachirua waurã́sturu! Machi kʉ̃risia ome uru nuree, ¡kʉ̃risia kachirua ida b̶ud̶aped̶a Dachi Akõréturu kʉ̃risiásturu!