Mateo 22:3 - Emberá Chamí

³ Chi reyba chi trajabadaurã bʉikasii chi ichiba iud̶arã adoed̶e wãd̶amera. Maamina neei kʉ̃riad̶aabasii.

Mateo 22:3 Iomraidhean Croise

Mateo 21:34

Maabae chi uva waraa nub̶eeruud̶e chi chibariba chi trajabadaurã bʉikasii chi uu nub̶uu ʉ̃rʉbena ichimaa dead̶ai panuu adoed̶e wãd̶amera.

Mateo 23:37

»¡Jerusalén, Jerusalén, machiba Dachi Akõre baita berreabadaurã beabadau! ¡Dachi Akõreba bʉid̶arã sid̶a mooba b̶ata beabadau! Mʉʉba b̶es ãrea machi ãbua jʉrʉ adau kʉ̃ria b̶uasii eterr wẽraba ichi warrarã ikia ekare adaubarii kĩra. Maamina machiba kʉ̃riad̶aabasii.

Mateo 3:2

Juanba naka jarabachii: «Bajãad̶e B̶uu neeruu ichid̶irã ichi juad̶e ua b̶uai baita. Maud̶eeba machiba kachirua waubadau ida b̶ud̶aped̶a ichimaa wã́sturu».

Mateo 9:15

Jesusba ãchimaa jarasii: —Mukĩra kãibadau kĩrajʉʉ ewari wau b̶uud̶e ¿kai kĩra nomaa b̶uaima? Mau mukĩra wabid̶a ichiba iukuad̶a ome b̶uumisa kĩrajʉʉ panad̶ai. Maamina ewari ab̶ad̶e waabena ẽbẽrarãba ichi ãyaa adoed̶ai. Maabáeburu ichiba iud̶arãba chiko kod̶akau ewari waud̶ai.

Lucas 13:34

»¡Jerusalén, Jerusalén, machiba Dachi Akõre baita berreabadaurã beabadau! ¡Dachi Akõreba bʉid̶arã sid̶a mooba b̶ata beabadau! Mʉʉba b̶es ãrea machi ãbua jʉrʉ adau kʉ̃ria b̶uasii eterr wẽraba ichi warrarã ikia ekare adaubarii kĩra. Maamina machiba kʉ̃riad̶aabasii.

Lucas 15:28

»Mau ũrisiid̶e kĩruped̶a deed̶aa wã kʉ̃riabasii. Maka b̶uud̶e chi akõre chi warrmaa wãped̶a chi chuburia id̶isii deed̶a wãmera.

Lucas 19:27

“Mau awara mʉ ãchi jaradea ua b̶uabarii bai kʉ̃riawẽa panad̶a, eneed̶aped̶a mʉ daad̶e beásturu”».

Juan 5:40

Maamina machi mʉʉmaa need̶ai, kʉ̃riad̶akau, mʉʉba chokae panabiamera.

Hechos 13:45

Maamina chi judiorã karrarãba ẽbẽrarã ãrea ãchi ded̶e unusid̶aud̶e Pablo kakua sõd̶e jiwaa duaneesid̶au. Pabloba jaradea b̶uud̶e ãchiba seta abachid̶au maud̶e Pablo ʉ̃rʉbena kachirua berreabachid̶au.

Romanos 10:21

Maamina israeld̶ebenarã ʉ̃rʉbena Isaiasba naka jarasii: «Ewaricha mʉ jua deabachii ẽbẽrarã sõ chaarea nuree maud̶e mʉʉd̶e ijãad̶akaurã mʉʉmaa need̶amera».

Hebreos 12:25

Maud̶eeba kauwa duanásturu Dachi Akõreba jara b̶uu ida b̶urãad̶amera. Chi ichiba nau iujãad̶e Sinaí ead̶e jarad̶a ida b̶uped̶aad̶arã kastikad̶ebena poyaa jĩichoad̶aabasii. Maud̶eeba chi ichiba bajãad̶ebena dachi sõd̶e jara b̶uu ida b̶uuduubʉrã ¿jĩichoad̶aika? Jĩichoad̶aabai b̶uu.

Hebreos 9:15

Makarã Cristod̶eeba Dachi Akõreba bed̶ea chiwid̶i deasii. Ẽbẽrarã chi Ichiba nabena bed̶ea dead̶ad̶e panabachid̶aud̶e kachirua waubachid̶au. Maamina Cristo biusii maud̶ebena karibai baita. Maud̶e Cristo biusiid̶eeba ichid̶eeba chi ichiba iukuad̶arãba chi bia wãꞌãekau deai jarad̶a poyaa adaud̶ai.

Apocalipsis 22:17

Dachi Akõre Jauriba maud̶e chi Oeja Kaebe Nii kima abadauba naka jara b̶uu: «¡Uche!» Chi mau kartad̶e b̶ʉ kub̶uu ũriiruu bid̶a jarai b̶uu «¡Uche!» Chi obisia b̶uuba bania chi ewaricha chokae b̶uai deabarii dod̶e neei b̶uu. Mau bania kʉ̃ria b̶uuba bari dod̶e neei b̶uu.