Mateo 22:11 - Emberá Chamí

¹¹ »Chi reyba iud̶arã unud̶e wãsiid̶e ẽbẽra ab̶a paru miakãibadaud̶e jʉ̃badau jʉ̃wẽa b̶uu unusii.

Mateo 22:11 Iomraidhean Croise

Mateo 13:30

Bibuara b̶uu ida ãbua waribid̶ai ab̶a chauruud̶aa. Mau chauruu ewarid̶e mʉʉba jarai chi junaaduurãmaa: naa chi sirua kachirua araa ped̶aped̶a jamase baad̶ai baita. Maamina chi trigo mʉ ne pebarii ded̶e pe nub̶ústuru”».

Mateo 22:10

Ara makʉd̶e chi trajabadaurã o b̶eecha wãsid̶au. Ẽbẽra bia nureerã maud̶e chi kachirua nureerã ãrea neesid̶au. Maka chi de mechiu ẽbẽrarãba pĩchuka kob̶eesii.

Mateo 3:12

Ichi juad̶e uru b̶uuba chi trigo ʉtaa jirakuabarii chi jãra ãyaa jãripuabii baita. Maabae chi trigo taa jãripuaped̶aad̶a chi pebariimarẽ pe nub̶ui maamina chi jãra tʉbʉchia kiikaud̶e baai».

Romanos 13:14

Maumaarã Dachi Mechiu Jesucristo nibad̶a kĩra nibásturu. Nau kakuaba kachirua wau kʉ̃ria b̶uu waud̶ai kʉ̃risiarã́sturu.

Romanos 3:22

Maka Dachi Akõreba waubarii ara ichiba jara b̶uu kĩra, Jesucristo dachi kakua biusiid̶e, ichi ũribaba nibad̶a unubiasiid̶eeba. Maka ichiba joma chi Jesusd̶e ijãaduurã chi ichid̶irã jipa nuree baara duanubarii. Ab̶a bid̶a kĩra awara unukau.

1 Corintios 4:5

Maud̶eeba ichiba nebʉra ichiai ewari naed̶e dachiba jarad̶aabai panuu ichi traju wau b̶uuba jipa wau b̶uu maebʉrã jipa wauwẽa b̶uu. Dachi Mechiu neeruud̶e dachi sõd̶e kʉ̃risia b̶uad̶a maud̶e ne joma dachi sõd̶e miru nuread̶a kuitaabii. Dachi Akõréburu dachicha biꞌia jarai dachiba biꞌia wauped̶aad̶a kĩra.

2 Corintios 5:3

Dachiba mau bajãad̶ebena kakua uru panad̶aid̶eeba kakuaswãe nuread̶aabai.

Gálatas 3:27

Machi boro easid̶aud̶e Cristo kĩra paneesid̶au unubisid̶au.

Efesios 4:24

Mau kʉ̃risia wid̶i Dachi Akõreba wausii machi ichi kĩra nuread̶amera. Maud̶eeba paru wid̶i jʉ̃ panuu kĩra, kʉ̃risia wid̶id̶eeba nibásturu. Maka machi Dachi Akõre daad̶e jipa, biꞌia nibad̶ai chi biawãra bed̶eaba jara b̶uu kĩra.

Apocalipsis 16:15

Maarãba hebreo bed̶ead̶e Armagedón abadau druad̶aa chi reyrã chĩod̶e uad̶osid̶au. «¡Ũrísturu! Mʉ nechiru kĩra neei. Biꞌia panad̶ai chi mʉ neeruu esed̶au panuu maud̶e paru uru nuree. Maka mʉ neeruud̶e maarã ewaraa panad̶aabai maud̶e kĩra nejasia panad̶aabai».

Apocalipsis 19:8

Dachi Akõreba chi mau wẽra lino paru torroa ted̶echoa b̶uu jʉ̃bisii». (Mau paru lino waud̶aba jara b̶uu ẽbẽrarã Dachi Akõred̶erãba jipa waubadau).

Apocalipsis 2:23

Mʉʉba chi warrarã kinibiai. Maka joma ãbarãba kuitaad̶ai mʉʉba jomaurã kʉ̃risia kuitaa nii maud̶e chi sõd̶eeba wau kʉ̃ria panuu. Mʉʉba machiba wauped̶aad̶a kĩra kastikai.

Apocalipsis 3:18

Maud̶eeba mʉʉba machimaa naka kʉ̃risia dearuu: Nee tʉbʉchiad̶e dorrb̶arid̶a nedósturu mʉʉd̶ebena. Maka machi biawãra barau nuread̶ai. Maud̶e mʉʉd̶ebena paru torr nedósturu jʉ̃d̶ai baita. Maka nejasiad̶aabai machi ãkad̶aa panasiid̶eeba. Maud̶e mʉʉd̶ebena daud̶e taabadau nedósturu, mauba taad̶aped̶a biꞌia ichiad̶amera.