Mateo 21:46 - Emberá Chamí

⁴⁶ Maud̶eeba ãchiba Jesús jidau kʉ̃ria panasid̶au. Maamina puurud̶ebenarã wapea panuud̶eeba ida b̶usid̶au. Puurud̶ebenarãba kʉ̃risia panasid̶au Jesús Dachi Akõre baita berreabarii.

Mateo 21:46 Iomraidhean Croise

Mateo 21:11

Id̶iiduucha Jesús ome neeped̶aad̶arãba panausid̶au: —Jãu Jesusbʉ, Dachi Akõre baita berreabarii. Ichi Nazaret puurud̶ebena, Galilea druad̶ebenabʉ.

Mateo 21:26

Maamina ¿saka jarad̶aima mau ẽbẽrarãba bʉiped̶aad̶a?» Chi ẽbẽrarã wapea panasid̶au, Juan biawãra Dachi Akõre baita berreabarii basii a kʉ̃risiasid̶aud̶eeba.

Mateo 21:45

Paare mechiurãba maud̶e fariseorãba mau nebʉrʉd̶a ũrisid̶aud̶e kuitaasid̶au Jesusba ãchi ʉ̃rʉbena berrea b̶uu.

Mateo 22:1

Jesusba paare mechiurãmaa maud̶e judiorã mechiurãmaa waya jaradeamaa b̶uud̶e nebʉrʉsii:

Marcos 11:18

Mau bed̶ea ũrisid̶aud̶e paare mechiurã maud̶e Moisesba b̶ʉd̶a jaradeabadaurãba Jesús wapeasid̶au ichiba jaradea b̶uu jomaurãba biꞌia ũrisid̶aud̶eeba. Maad̶akare saka bead̶ai jʉrʉ kopaneesid̶au.

Lucas 7:16

Maud̶eeba chi aria panuu ãrea perasid̶au. Jomaurãba Dachi Akõre baita nau biꞌia jarasid̶au: —Biawãra Dachi Akõre baita berreabarii chi mechiu dachi tãed̶e neesii. Dachi Akõre ichi puuru karibad̶e nee b̶uu.

Lucas 7:39

Mau unusiid̶e Jesús iud̶a fariseoba naka kʉ̃risiasii: «Nau ẽbẽra biawãra Dachi Akõre baita berreabarii bad̶a basirã kuitaai basii kachirua waubarii wẽraba jãka wau b̶uu».

Juan 7:30

Maud̶eeba ãchiba Jesús jidaud̶ai kʉ̃ria panasid̶au, maamina ab̶au bid̶a jidaud̶aabasii ichi ewari neewẽa b̶uasiid̶eeba.

Juan 7:7

Nau iujãad̶ebenarãba machi ¿sakãe kĩramaad̶aima? Maamina mʉ kĩramaabadau, ãchiba kachirua waubadau mʉʉba arakʉd̶e jarabariid̶eeba.

Hechos 2:22

»Machi Israeld̶ebenarã, nau bed̶ea ũrísturu: Dachi Akõreba Jesús Nazaretd̶ebenamaa ẽbẽrarãba ne poyaa waud̶akau mechiu machi tãed̶e waubisii. Maka wau b̶uud̶eeba Jesusba kuitaabiasii Dachi Akõre ichi ome b̶uu. Mau machiba biꞌia kuitaa panuu.