Mateo 21:41 - Emberá Chamí

⁴¹ Maud̶e paare mechiurãba maud̶e judiorã mechiurãba naka panausid̶au: —Ichiba kĩra chuburiawẽa mau ẽbẽrarã kachiruarã kenaped̶a, waabena ẽbẽrarã ome bed̶ea deai chi uud̶a nud̶amera. Mau ẽbẽrarãba ichi uud̶ad̶ebena dead̶ai panuu chi uva waraa nub̶eeruud̶e dead̶ai.

Mateo 21:41 Iomraidhean Croise

Mateo 21:34

Maabae chi uva waraa nub̶eeruud̶e chi chibariba chi trajabadaurã bʉikasii chi uu nub̶uu ʉ̃rʉbena ichimaa dead̶ai panuu adoed̶e wãd̶amera.

Mateo 21:40

Jãu chibari neeruud̶e chi uud̶a nubadaurã ome ¿kãare sãaibaama?

Mateo 3:12

Ichi juad̶e uru b̶uuba chi trigo ʉtaa jirakuabarii chi jãra ãyaa jãripuabii baita. Maabae chi trigo taa jãripuaped̶aad̶a chi pebariimarẽ pe nub̶ui maamina chi jãra tʉbʉchia kiikaud̶e baai».

Lucas 20:16

Araa wãped̶a maarã joma kenaped̶a ichi uva uu nub̶uu waabenarãmaa deai nud̶amera». Chi aria panuurãba mau ũrisid̶aud̶e jarasid̶au: —¡Mau makaabasirã ara b̶uas!

Hechos 15:7

Berrea duanuu ãrea bad̶akare Pedro jiraduped̶a jarasii: —Ãbarã, machiba kuitaa panuu machid̶ebena Dachi Akõreba mʉ naed̶e jʉrʉ adausii judiowãerãba chi bed̶ea bia Jesús ʉ̃rʉbena ũrid̶aped̶a ijãad̶amera.

Hechos 18:6

Maamina ichiba jara b̶uu ãchiba ida b̶usid̶au. Maud̶e ichi ʉ̃rʉbena kachirua berreabachid̶au. Maud̶eeba Pabloba chi paru jʉ̃ b̶uu neapesii, chi ãchiba wauped̶aad̶a ichiba mau kʉ̃riawẽa b̶uu unubiai baita. Naka jarasii: —Machiba mau bed̶ea ijãad̶awẽebʉrã, mʉ kakuawãe. Chi mʉʉba machi baita waui b̶uad̶a, mau joma wausii. Jãabae nau tõpe mʉ judiowãerãmaa wãi.

Hechos 28:28

»Jãu kuitásturu: Dachi Akõreba dachi karibai ʉ̃rʉbena jara nuree judiowãerãmaa bʉisii. Ãchiba mau biꞌia ũrid̶ai.

Hechos 28:8

Maka panuud̶e Publio akõre ãmi che b̶uud̶eeba maud̶e kʉa b̶uud̶eeba kʉd̶ad̶e b̶uasii. Maud̶e Pabloba mau ichiad̶e wãsii. Dachi Akõremaa ʉtaa id̶iped̶a ichi jua ʉ̃rʉ kub̶uped̶a aribiabisii.

1 Tesalonicenses 2:16

Dachi Akõreba karibamera daiba judiowãerãmaa jaradea kʉ̃ria panuud̶e, maarãba daiba jaradead̶ai ida kabid̶aabasii. Maka aude kachirua wau panuud̶eeba Dachi Akõreba ichi oa kachiruad̶eeba maarã ãrea kastikai.

Hebreos 12:25

Maud̶eeba kauwa duanásturu Dachi Akõreba jara b̶uu ida b̶urãad̶amera. Chi ichiba nau iujãad̶e Sinaí ead̶e jarad̶a ida b̶uped̶aad̶arã kastikad̶ebena poyaa jĩichoad̶aabasii. Maud̶eeba chi ichiba bajãad̶ebena dachi sõd̶e jara b̶uu ida b̶uuduubʉrã ¿jĩichoad̶aika? Jĩichoad̶aabai b̶uu.

Hebreos 2:3

Ara mau kĩra Dachi Akõreba karibai ʉ̃rʉbena bed̶ea dachiba ida b̶uuduubʉrã, ¿Dachi Akõreba kastikaid̶ebena dachirã saka karibad̶aima? Mau bed̶ea ãrea biꞌia b̶uu Dachi Mechiu Jesusba naed̶e jaradeasii. Chi ũriped̶aad̶aba dachimaa mau bed̶ea biawãra abachid̶au.