Mateo 21:34 - Emberá Chamí

³⁴ Maabae chi uva waraa nub̶eeruud̶e chi chibariba chi trajabadaurã bʉikasii chi uu nub̶uu ʉ̃rʉbena ichimaa dead̶ai panuu adoed̶e wãd̶amera.

Mateo 21:34 Iomraidhean Croise

Mateo 21:35

Maamina chi uu nub̶uu nubadaurãba mau trajabadaurã jidausid̶au. Ab̶a sĩsid̶au, ab̶a beasid̶au maud̶e ab̶a mokaraba b̶ata duabʉisid̶au.

Mateo 21:38

Maamina ãchiba mau warr unusid̶aud̶e ãchi chiya jarasid̶au: “Jãuba ichi akõre ne kaebea joma adaui chi akõre biuruud̶e. ¡Jãu beáduru! Makaburu chi drua dachi baita b̶eei”.

Mateo 21:40

Jãu chibari neeruud̶e chi uud̶a nubadaurã ome ¿kãare sãaibaama?

Mateo 21:41

Maud̶e paare mechiurãba maud̶e judiorã mechiurãba naka panausid̶au: —Ichiba kĩra chuburiawẽa mau ẽbẽrarã kachiruarã kenaped̶a, waabena ẽbẽrarã ome bed̶ea deai chi uud̶a nud̶amera. Mau ẽbẽrarãba ichi uud̶ad̶ebena dead̶ai panuu chi uva waraa nub̶eeruud̶e dead̶ai.

Mateo 22:3

Chi reyba chi trajabadaurã bʉikasii chi ichiba iud̶arã adoed̶e wãd̶amera. Maamina neei kʉ̃riad̶aabasii.

Marcos 12:1

Maud̶e Jesusba nebʉrʉʉruuba ãchimaa jarasii: —Ẽbẽra ab̶a b̶uasii. Ewari ab̶aud̶e mau ẽbẽraba uva uusii maabae mokaraba ad̶u karaasii. Aria chob̶ea korosii chi uva barasui baita. Maud̶e de ʉtʉ wausii mamauba joma ichiai baita. Maabae ichi uva uu nub̶uu waabenarã ẽbẽrarã juad̶e b̶usii. Maarã ome bed̶ea deasid̶au chi uva uud̶a chauruud̶e sãabe ichimaa dead̶ai panuu. Maka bed̶ea dead̶aped̶a chi chibari ãibena druad̶aa wãsii.

Marcos 12:7

Maamina chi uva uu nub̶uu nubadaurãba chi warr unusid̶aud̶e ãchi chiya jarasid̶au: “Jãuba chi akõreba uru b̶uu joma adaui. ¡Jãu beáduru! Makaburu chi drua dachi baita b̶eei”.

Marcos 12:9

Machimaarã, chi uu nub̶uu chibariba ¿saka wauima? Araa wãped̶a ãchi joma kenaped̶a ichi uva uu nub̶uu waabenarãmaa deai nud̶amera.

Lucas 20:9

Mau maad̶akare Jesusba ẽbẽrarãmaa naka nebʉrʉsii jaradeai baita: «Ẽbẽra b̶uasii. Mau ẽbẽraba uva ichi druad̶e uusii. Maabae chi ichi uva uu nub̶uu waabenarã ẽbẽrarã juad̶e b̶usii. Maarã ome bed̶ea deasid̶au chi uva uu nub̶uu chauruud̶e sãabe ichimaa dead̶ai panuu. Maabae kaitawẽ wãped̶a aria ewari aribia b̶eesii.