Mateo 21:23 - Emberá Chamí

²³ Jesús waya Dachi Akõre de mechiu kaita neeped̶a jaradea b̶eesii. Maka b̶uud̶e paare mechiurã maud̶e judiorã mechiurã ichimaa need̶aped̶a ichimaa id̶isid̶au: —Bichiba nama wau b̶uu ¿kaiba naka waubi b̶uma?

Mateo 21:23 Iomraidhean Croise

Mateo 20:4

Ãchimaa jarasii: “Machi sid̶a mʉ drua uva uud̶ad̶e trajad̶e wã́sturu. Mau bare mʉʉba chi nejarra arakʉd̶e deai”. Ara makʉd̶e wãsid̶au.

Mateo 21:24

Jesusba panausii: —Mʉa bid̶a machimaa id̶iiruu. Machiba panauduubʉrã mʉʉba jarai kaiba mʉʉmaa naka waubi b̶uu.

Mateo 24:1

Jesús Dachi Akõre de mechiud̶ebena awara wãsii. Maud̶e ichi baara nibabadaurã ichi kaita need̶aped̶a jarasid̶au: —Ichiáse Dachi Akõre de mechiu, maud̶e de ad̶u kub̶uu sid̶a biꞌia kub̶uu.

Mateo 26:55

Maabae Jesusba waabenarãmaa id̶isii: —Machi ¿sakãe machi espada maud̶e bakuru baara imisid̶ama mʉ jidaud̶ayua ẽbẽra mia kachirua nii jidauduu kĩra? Mʉʉba ewaricha Dachi Akõre de mechiu dud̶a machimaa jaradea akʉ b̶uabachii. ¿Sakãe mʉ aria jomaurã daad̶e jidaud̶aabasma?

Lucas 19:47

Jesusba ewaricha Dachi Akõre de mechiu dud̶a jaradea b̶uabachii. Maud̶e paare mechiurãba, Moisesba b̶ʉd̶a jaradeabadaurãba maud̶e ẽbẽrarã chi mechiurãba ichi bea kʉ̃ria panasid̶au.

Lucas 20:1

Earab̶a Jesusba Dachi Akõre de mechiu dud̶a ẽbẽrarãmaa chi ichi ʉ̃rʉbena bed̶ea bia jaramaa b̶uasii. Maud̶e paare mechiurã, Moisesba b̶ʉd̶a jaradeabadaurã maud̶e judiorã mechiurã neesid̶au.

Hechos 4:7

Ãchiba Pedro maud̶e Juan adoebisid̶au. Ãchi daad̶e akʉ nub̶ud̶aped̶a naka id̶isid̶au: —Jãu ẽbẽra jʉ̃rʉ bʉʉ nibad̶a machiba ¿kai poyaad̶eeba aribiabisid̶ama? ¿Kai trʉ̃d̶eeba jãka wau panuma?

Hechos 7:27

Maamina chi sĩ b̶uad̶aba Moisés chĩataped̶a jarasii: “¿Kaiba bichi dai karr b̶usma? ¿Kaiba bichi dai juez b̶usma?