Mateo 21:22 - Emberá Chamí

²² Joma machiba Dachi Akõremaa ʉtaa id̶iiduu biawãra adaud̶ai ijãaduubʉrã, mau adaud̶ai.

Mateo 21:22 Iomraidhean Croise

Mateo 18:19

»Mʉʉba naka jaraaruu: mʉʉd̶e ijãabadaurã ome maebʉrã õbea ãbua panuud̶e mʉ sid̶a aria b̶uai. Maud̶eeba nau iujãad̶e machid̶ebena ome panuu mʉ Chachamaa ʉtaa id̶id̶ai baita bed̶ea deaduubʉrã, machiba ʉtaa id̶iiduu mʉ Chacha bajãad̶e b̶uuba waui.

Mateo 7:11

Machi chi kachirua nureeba machi warrarãmaa ne kaebea dead̶ai kuitaa panuubʉrã, ¿machi Akõre bajãad̶e b̶uuba chi ʉtaa id̶i panuumaa ne kaebea bia deabai b̶uka?

Mateo 7:7

»Machiba wãꞌãe panuu Dachi Akõremaa ʉtaa id̶i panásturu; maabae ichiba machimaa deai. Jʉrʉ panásturu; ichiba unubiai. De poraad̶e iústuru; maud̶e chi poraa ewabarii kĩra, maka ichiba deai.

Marcos 11:24

Maud̶eeba mʉʉba machimaa jaraaruu: joma machiba Dachi Akõremaa ʉtaa id̶iiduu biawãra adaud̶ai ijãaduubʉrã, mau adaud̶ai.

Juan 14:13

Maka machiba mʉʉd̶e ijãa panuud̶eeba mʉ trʉ̃d̶eeba id̶iiduu mʉʉba joma waui. Maka mʉʉd̶eeba jomaurãba mʉ Chacha jomaurã audeara mechiu nii unud̶ai.

Juan 15:7

»Machi mʉ baara nureebʉrã, mʉ bed̶ea ijãa paneeduubʉrã, id̶ísturu joma machiba kʉ̃riaduu. Mau mʉʉba deai.

Juan 16:24

Machiba wabid̶a Dachi Akõremaa ab̶au bid̶a mʉ trʉ̃d̶eeba id̶id̶awẽa panuu. Maamina maka id̶iiduubʉrã adaud̶ai. Maka machi ãrea kĩrajʉʉ nuread̶ai.

Santiago 5:16

Mau baita machiba kachirua wauped̶aad̶a chiya jarásturu. Maud̶e ãbua Dachi Akõremaa ʉtaa id̶ísturu biꞌia duanad̶ai baita. Ẽbẽra jipa b̶uuba Dachi Akõremaa ʉtaa id̶iiruubʉrã Dachi Akõre poyaabariid̶eeba ne aribia waubarii.

1 Juan 3:22

Maud̶e dachiba ʉtaa id̶iiduu ichiba deai, Dachi Akõreba waubi b̶uu bed̶ea maud̶e chi ichiba kʉ̃ria b̶uu wau panuud̶eeba.