Mateo 21:21 - Emberá Chamí

²¹ Jesusba panausii: —Biawãra mʉʉba jarakuaruu: machiba id̶i panuu Dachi Akõreba biawãra waui ijãaduubʉrã, maud̶e ichiba poyaa waubai b̶uu kʉ̃risiad̶awẽebʉrã, mʉʉba jãu higo bakurumaa wausii kĩra audeara waud̶ai. Machiba nau eamaa jãmabena mard̶e b̶aed̶e wã́bad̶e aaduubʉrã, machiba jaraaduu kĩra makai.

Mateo 21:21 Iomraidhean Croise

Mateo 14:29

Ara makʉd̶e Jesusba jarasii: —¡Neese! Ara makʉd̶e Pedro jãbad̶ebena ed̶aa wãped̶a Jesusmaa bania ʉ̃rʉ kãribasii.

Mateo 17:20

Jesusba panausii: —Machiba ãrea Dachi Akõred̶e ijãad̶awẽa panuud̶eeba poyaad̶aabasii. Mʉʉba biawãra jaraaruu: mostaza taa kaebeara kĩra machiba b̶istĩika bid̶a ijãa panuubʉrã, nau eamaa namabena ãyaa b̶uad̶e wãse a jarad̶ai. Maud̶e ea ãyaa b̶uad̶e wãi. Maka ijãa panuubʉrã machiba poyaa waud̶akau wãꞌãe.

Mateo 21:20

Jesús baara nibabadaurãba mau unusid̶aud̶e pera duanuu kĩra duaneesiid̶eeba id̶isid̶au: —¿Sakãe jãu higo bakuru isa poasma?

Mateo 8:12

Maamina Dachi Akõreba ẽbẽrarã chi naa jʉrʉ adau kʉ̃ria b̶uad̶a pãriud̶aa duabʉikai. Aria kĩra nomaa jẽa panad̶ai maud̶e puꞌuaba kid̶a kʉrrʉa ko panad̶ai.

1 Corintios 13:2

Mʉ Dachi Akõre baita berrearuubʉrã, Dachi Akõreba kʉ̃risia kuitaabiwẽa b̶uad̶a joma kuitaa b̶uubʉrã, Dachi Akõre kʉ̃risia kuitaa joma kuitaa b̶uubʉrã, maud̶e sõd̶eeba biawãra ijãa b̶uud̶eeba ea poyaa ãyaa b̶uuruubʉrã, maud̶e waabenarã kʉ̃riawẽa b̶uubʉrã, mʉ baleswãe nii kĩra nii.

Santiago 1:6

Maamina biawãra ijãa b̶uud̶eeba ʉtaa id̶i b̶uu. B̶istĩika bid̶a kʉ̃risiabai b̶uu Dachi Akõreba deabai. Maka kʉ̃risia b̶uu pũaturãba mar ʉ̃rape ãyaa adoebarii kĩra b̶uu.