Mateo 20:30 - Emberá Chamí

³⁰ Maka wãaduud̶e dau pãriu nid̶au ome o iikaa akʉ panasid̶au. Jesús ãchi kaita wãaruu ũrisid̶aud̶e naka b̶iasid̶au: —¡Dai Akõre Mechiu, Davidd̶ebena need̶a, dai kĩra chuburiáse!

Mateo 20:30 Iomraidhean Croise

Mateo 13:4

Maka po kãriid̶e chi b̶ee netaa od̶e b̶aesid̶au. Maabae ibanarã need̶aped̶a pemikuasid̶au.

Mateo 15:22

Maud̶e cananeobid̶a wẽra mau druad̶ebena Jesús niimaa neesii. Mau wẽraba naka jĩwa berrea kob̶eesii: —¡Mʉ Mechiu, Davidd̶ebena need̶a, mʉ kĩra chuburiáse! Mʉ kau jai kachiruaba ãrea biꞌiwãe b̶eebi b̶uu.

Mateo 20:31

Maabae ẽbẽrarãba ãchi iadaasid̶au chũpead̶amera, maamina maarã aude b̶iasid̶au: —¡Dai Akõre Mechiu, Davidd̶ebena need̶a, dai kĩra chuburiáse!

Mateo 21:14

Jesús Dachi Akõre de mechiu dud̶a b̶uasiid̶e dau pãriu nuree maud̶e jʉ̃rʉ nʉka nuree ichimaa imisid̶au. Maud̶e ãchi aribiabiasii.

Mateo 21:9

Maud̶e ãrea ẽbẽrarã ichi naa nibaped̶aad̶aba, ichi kaad̶e needuu bid̶a maka b̶iasid̶au: ¡Biꞌia nii Davidd̶ebena need̶a! ¡Ãrea biꞌia nii chi Dachi Mechiu trʉ̃d̶eeba neeruu! ¡Biꞌia nii chi Bajãad̶e B̶uu!

Mateo 22:42

—Machimaarã, Dachi Akõreba Dachi Karibabarii deai jarad̶a ¿kai warrma? Ãchiba panausid̶au: —Davidd̶ebʉ.

Marcos 10:46

Jesús, ichi baara nibabadaurã maud̶e waabenarã ãrea panuu Jericó puuruare wãsid̶au. Wãaduud̶e ẽbẽra dau pãriu nii mau o jãkaa chi nejarra id̶i b̶uu akʉ b̶uasii. Mau ẽbẽra Bartimeo basii, Timeo warr.

Lucas 4:18

«Dachi Akõre Jauri mʉ ome b̶uu. Mauba mʉ b̶usii chi ne wãꞌãe nureerãmaa jaramera Dachi Akõreba ãchi karibai. Ichiba mʉ bʉisii chi kĩra nomaa nuree sõbia paneebiamera, jidau adoeped̶aad̶arã enatad̶ai jaramera, dau pãriu nureerã unubiamera, chi barau nuree juad̶e biꞌiwãe nuree juakaa adaud̶amera, maud̶e jaramera Dachi Mechiuba ẽbẽrarã ne bia waui ewari basii».

Lucas 7:21

Ara mau ewarid̶e Jesusba chi ẽpermo nuree, chi jai kachirua bara nuree maud̶e chi dau pãriu nuree ãrea aribiabiasii.

Hechos 2:30

Maamina David Dachi Akõre baita berreabarii basii. Maud̶eeba kuitaa b̶uasii Dachi Akõreba biawãrad̶eeba jarasii chi ichid̶ebena neeruu ab̶a ichi bari israeld̶ebenarã rey b̶ui.