Mateo 2:4 - Emberá Chamí

⁴ Maud̶e Herodesba joma paare mechiurã maud̶e Moisesba b̶ʉd̶a jaradeabadaurã iubiaped̶a id̶ikuasii: —Dachi Akõreba Dachi Karibabarii deai jara b̶uad̶a ¿samaburu chi wãwa adaui b̶uma?

Mateo 2:4 Iomraidhean Croise

Mateo 13:52

Maud̶e Jesusba jarasii: —Bajãad̶e B̶uuba ichid̶irã ichi juad̶e ua b̶uu ʉ̃rʉbena Moisesba b̶ʉd̶a jaradeabariiba kuitaaruubʉrã, de chibari kĩra b̶uu. Ichiba chi ne kaebea bia wid̶i pe nub̶uumarebena maud̶e chi ne kaebea bia nabẽraed̶ebena sid̶a unubibarii.

Mateo 2:3

Herodesba mau bed̶ea ũrisiid̶e kĩra kachiruasii, ichíturu judiorã rey basiid̶eeba. Herodesba kãare waui adua panuud̶eeba, Jerusalend̶ebenarã joma kĩra kachirua paneesid̶au.

Mateo 2:5

Ãchiba panausid̶au: —Belén puuru nau Judea druad̶e chi wãwa adaui b̶uu. Mau ʉ̃rʉbena Dachi Akõre baita berreabariiba naka jarasii:

Mateo 21:15

Maamina Jesusba aria ẽbẽrarãba ne poyaa waud̶akau wauruud̶e, warrarã Dachi Akõre de mechiud̶e panad̶aba Jesusmaa naka jĩwa jarasid̶au: «¡Biꞌia nii Davidd̶ebena need̶a!» Chi paare mechiurãba maud̶e Moisesba b̶ʉd̶a jaradeabadaurã bid̶a mau unusid̶aud̶e, kĩrusid̶au.

Mateo 21:23

Jesús waya Dachi Akõre de mechiu kaita neeped̶a jaradea b̶eesii. Maka b̶uud̶e paare mechiurã maud̶e judiorã mechiurã ichimaa need̶aped̶a ichimaa id̶isid̶au: —Bichiba nama wau b̶uu ¿kaiba naka waubi b̶uma?

Mateo 26:3

Maumisa paare mechiurã, Moisesba b̶ʉd̶a jaradeabadaurã maud̶e paare mechiurã Caifás de mechiud̶e ãbua panasid̶au. Mau Caifás paarerã jaradea ua b̶uabarii mechiu basii.

Mateo 26:47

Jesús wabid̶a berreamaa b̶uud̶e, Judas chi 12d̶ebena neesii ẽbẽrarã ãrea baara. Maarã bakuru maud̶e espada baara nibasid̶au. Maarã paare mechiurãba maud̶e judiorã mechiurãba bʉiped̶aad̶a basii.

Mateo 27:1

Daped̶eed̶e joma paare mechiurãba judiorã mechiurã baarauba bed̶ea deasid̶au Jesús beabid̶ai baita.

Mateo 7:29

Chi Moisesba b̶ʉd̶a jaradeabadaurã kĩra jaradeaka basii. Maumaarã ãrea kuitaa b̶uud̶eeba arakʉd̶e jaradea b̶uasii.

Marcos 8:31

Maad̶akare Jesusba ichi baara nibabadaurãmaa jara kob̶eesii ichi ãrea biꞌiwãe b̶uai b̶uu. Naka jarasii: —Puurud̶ebena jaradea ua b̶uabadaurãba, paare mechiurãba maud̶e Moisesba b̶ʉd̶a jaradeabadaurãba mʉ, chi Ẽbẽra Ba B̶uad̶a, ida b̶ud̶aped̶a beabid̶ai. Maamina mʉ ewari õbead̶e chokae jiradui.

Lucas 20:19

Paare mechiurãba maud̶e Moisesba b̶ʉd̶a jaradeabadaurãba kuitaasid̶au Jesusba mau nebʉrʉ b̶uud̶eeba ãchi ʉ̃rʉbena berreasii. Maud̶eeba Jesús jidau kʉ̃ria panasid̶au. Maamina puurud̶ebenarã wapea panasid̶au.

Lucas 23:10

Paare mechiurã maud̶e Moisesba b̶ʉd̶a jaradeabadaurã aria panasid̶au. Maarãba Jesús ãrea jidea panasid̶au.

Juan 18:3

Maud̶eeba Judasba kokoroarã ãrea romad̶ebenarã maud̶e Dachi Akõre de mechiud̶ebena nubadaurã mau ne uu nub̶uud̶aa uad̶osii. Maarã chi paare mechiurã maud̶e fariseorãba Judas ome bʉisid̶au. Maarãba ʉ̃d̶aa koabarii, lámpara maud̶e miasu uru panasid̶au.

Juan 3:10

Jesusba panausii: —Bichi Israeld̶ebenarãmaa Dachi Akõre bed̶ea jaradeabarii mechiumina ¿mau adua b̶uka?

Juan 7:32

Fariseorãba kuitaasid̶au ẽbẽrarãba Jesús ʉ̃rʉbena didiwaraa berrea panuu. Maud̶eeba ãchiba maud̶e chi paare mechiurãba chi Dachi Akõre de nubadaurã bʉisid̶au Jesús jidaud̶e wãd̶amera.

Juan 8:3

Maka panuud̶e Moisesba b̶ʉd̶a jaradeabadaurã maud̶e fariseorãba wẽra junebena mukĩra ome kãi nub̶uu jidauped̶aad̶a adoesid̶au. Mau wẽra aria duanuu ẽsa eneed̶aped̶a

Hechos 23:9

Biawãra maud̶eeba mia ũrimaa bara b̶eesii. Chi nuree fariseo baara duanuu Moisesba b̶ʉd̶ad̶e jaradea panabadaurã b̶ari topaneed̶aped̶a jarasid̶au: —Jãu mukĩraba ne kachirua wauwẽa b̶uu, asid̶au. ¿Jauri ab̶aba jãka ichimaa berreabisii, maebʉrã ángel ab̶aba? Maka b̶uubʉrã ¿saka Dachi Akõre ome chĩod̶aima?

Hechos 4:5

Norema judiorã karrarã, chi chõrarã maud̶e chi Moisesba b̶ʉd̶a jaradeabadaurã Jerusalend̶e araa ãbua imi nub̶uasii.

Hechos 6:12

Maka ãchiba puurud̶ebenarã, judiorã chi chõrarã maud̶e chi Moisesba b̶ʉd̶a jaradeabadaurã kĩrubikasid̶au. Maud̶eeba Esteban jidaud̶aped̶a chi ẽbẽrarã araa ãbua imibiabadaurã duanuumaa adoesid̶au.