Mateo 2:2 - Emberá Chamí

² Maud̶e ãchiba id̶isid̶au: —Nau druad̶e judiorã rey bai b̶uu chi wãwa adausii. Mau ¿sama b̶uma? Daiba ʉmada neebariare pusterrea ichid̶ebena unusid̶au. Maud̶eeba dai neesid̶au ichimaa biꞌia berread̶ayua.

Mateo 2:2 Iomraidhean Croise

Mateo 2:3

Herodesba mau bed̶ea ũrisiid̶e kĩra kachiruasii, ichíturu judiorã rey basiid̶eeba. Herodesba kãare waui adua panuud̶eeba, Jerusalend̶ebenarã joma kĩra kachirua paneesid̶au.

Mateo 21:5

«Sión puurud̶ebenarãmaa jarásturu: “Ichiásturu, machi Rey burro ʉ̃rʉ machimaa neeruu. Chi mechiu kĩra neewẽe. Burro cheke ʉ̃rʉ neeruu”».

Mateo 27:11

Maud̶e Jesús Pilato daad̶e b̶ari nub̶uasii. Pilatoba ichimaa id̶isii: —¿Bichi biawãra judiorã reyka? Jesusba panausii: —Maerã, ara bichiba jarasii.

Lucas 19:38

Ãchiba jara duanasid̶au: «¡Ãrea biꞌia nii chi jomaurã Rey Dachi Akõre trʉ̃d̶e neeruu! ¡Jãabae Dachi Akõre ome jirukaraayuwãe duanad̶ai! ¡Bajãad̶e B̶uu chi Mechiu nii!»

Lucas 2:11

Id̶i David chi naweba adaud̶a puuru Belend̶e machi karibabarii adausii. Mau Cristobʉ, Dachi Mechiu.

Lucas 23:3

Maud̶eeba Pilatoba Jesusmaa id̶isii: —¿Bichi biawãra judiorã reyka? Jesusba panausii: —Maerã, ara bichiba jarasii.

Lucas 23:38

Jesús boro ʉ̃rʉ cruzd̶e bed̶ea naka b̶ʉ nub̶usid̶au kuitaabiad̶ai baita ichi kãare kakua beaduu: «Nau judiorã Reybʉ».

Juan 1:49

Maud̶eeba Natanaelba jarasii: —Jaradeabarii, bichi biawãra Dachi Akõre Warrbʉ. Bichi Israeld̶ebenarã Reybʉ.

Juan 12:13

Maud̶eeba ãchiba meme kiruu totod̶aped̶a ichi irsibid̶e wãsid̶au. Maabae jĩwa jarasid̶au: «¡Ãrea biꞌia nii! ¡Ãrea biꞌia nii chi Dachi Mechiu trʉ̃d̶eeba neeruu! ¡Biꞌia nii Israeld̶ebena Rey!»

Juan 18:37

Maud̶eeba Pilatoba jarasii: —¿Maka b̶uubʉrã biawãra bichi ẽbẽrarã reyka? Jesusba panausii: —Maerã, bichiba maka jara kʉ̃ria b̶uubʉrã, mʉ ẽbẽrarã reybʉ. Maamina mʉ nau iujãad̶aa neesii biawãra bed̶ea jaradeai baita. Joma chi biawãrad̶e nureeba mʉ bed̶ea ijãabadau.

Juan 19:19

Mau awara Pilatoba bed̶ea b̶ʉd̶a Jesús boro ʉ̃rʉed̶e nub̶ubisii. Naka b̶ʉsii: «Jesús Nazaretd̶ebena, judiorã Reybʉ».

Juan 20:28

Maud̶e Tomasba jarasii: —¡Mʉ Mechiu! ¡Mʉ Dachi Akõre!

Juan 5:23

Maka jomaurãba mʉ Chacha wapea panuu kĩra mʉ sid̶a wapead̶ai. Chi mʉ wapeawẽa b̶uuba mʉ Chacha sid̶a wapeawẽa b̶uu, mʉ Chachaba mʉ nau iujãad̶aa bʉisiid̶eeba.

Juan 9:38

Ara makʉd̶e Jesús daad̶e õdarrd̶e kob̶eeped̶a jarasii: —Mʉ Mechiu, mʉʉba ijãa b̶uu.

Hebreos 1:6

Maud̶e Dachi Akõreba ichi Warr ara ab̶a nii nau iujãad̶aa bʉisiid̶e naka jarasii: «Joma Dachi Akõre angelerãba Maumaa biꞌia berread̶ai panuu».

Apocalipsis 22:16

»Mʉ Jesusbʉ. Mʉʉba ángel ab̶a bajãad̶ebena bʉisii joma ãbarã nau iujãad̶e nureecha mau jarakuamera. Mʉ Davidd̶ebena need̶abʉ, ichid̶ebena need̶a kĩra b̶uu. Mʉ Daped̶ebena pusterrea ãrea koabarii abadau».