Mateo 2:11 - Emberá Chamí

¹¹ Ded̶e ed̶a wãsid̶aud̶e chi wãwa chi nawe María ome b̶uu unusid̶au. Ara makʉd̶e õdarrd̶eeba kopaneesid̶au maabae chi warr chekemaa biꞌia berreasid̶au. Maabae ãchicha ãchi ne pebadau ewad̶aped̶a chi wãwamaa nee, ne tuwaa maud̶e kera mirra deasid̶au.

Mateo 2:11 Iomraidhean Croise

Mateo 1:18

Jesucristo chi naweba adaud̶a naka b̶uasii: chi nawe María bed̶ea dea b̶uasii José ome miakãid̶ayu. Maamina José ome ãbua b̶eei naed̶e, Dachi Akõre Jauriba María warr baraabisii.

Mateo 12:46

Jesusba wabid̶a ẽbẽrarãmaa berrea b̶uud̶e chi nawe, chi ãbarã awara panuu ichi ome berrea kʉ̃ria panasid̶au.

Mateo 14:33

Maabae joma jãbad̶e panuu Jesús daad̶e õdarrd̶e kopaneed̶aped̶a ichimaa biꞌia berreasid̶au: —¡Bichi biawãra Dachi Akõre Warrbʉ!

Mateo 2:2

Maud̶e ãchiba id̶isid̶au: —Nau druad̶e judiorã rey bai b̶uu chi wãwa adausii. Mau ¿sama b̶uma? Daiba ʉmada neebariare pusterrea ichid̶ebena unusid̶au. Maud̶eeba dai neesid̶au ichimaa biꞌia berread̶ayua.

Lucas 2:16

Ara makʉd̶e isa wãurisid̶au. Ara basid̶aud̶e María, José maud̶e chi wãwa unusid̶au. Chi wãwa ãnimara kobadaud̶e nub̶uasii.

Lucas 2:38

Mau chõodraa Jesús akõrerã kaita wãped̶a Dachi Akõremaa ichíturu kid̶ibai jarasii. Maabae Dachi Akõre Jerusalén puuru karibai ewari esed̶au panuurãmaa chi wãwa ʉ̃rʉbena berreasii.

Juan 19:39

Mau awara Nicodemo, chi naed̶e Jesusmaa ẽsabud̶e berread̶e nee b̶uad̶aba mirra kera jãra áloe ome perad̶a adoesii. Mau chikʉa 34 kilos b̶uasii.

Apocalipsis 19:10

Ara makʉd̶e mʉ chi ángel jʉ̃rʉ kaita õdarrd̶e kob̶eesii biꞌia berreai baita. Maamina mauba mʉʉmaa jarasii: «Mau waurã́se, Dachi Akõréturu biꞌia kʉ̃riáse. Bari mʉ Dachi Akõre baita bari trajabariibʉ bichi kĩra, maud̶e ãbarã Jesusba jaradead̶a ijãabadaurã kĩra». Jesusba jaradead̶a Dachi Akõre Jauriba chi ichi baita berreabadaurãmaa berreabiabarii.

Apocalipsis 5:8

Mau karta adausiid̶e chi kimare chokae nuree maud̶e chi 24 chõrarã sid̶a ichi daad̶e õdarrd̶e kopaneesid̶au. Ãchi ab̶aab̶aa arpa maud̶e sãu nee waud̶a uru panasid̶au. Chi sãu incienso keraba waabiru uru panasii. Chi kera incienso jara b̶uu ẽbẽrarã Dachi Akõred̶erãba chi ichimaa ʉtaa id̶ibadau.